#

არგენტინაში ორ ქვეყანას შორის სამომავლო თანამშრომლობა განიხილეს

საქართველოს გარემოს დაცვისა და სოფლის მეურნეობის მინისტრი ლევან დავითაშვილი არგენტინის რესპუბლიკაში ოფიციალური ვიზიტის ფარგლებში არგენტინის სოფლის მეურნეობის სახელმწიფო მდივნის მოვალეობის შემსრულებელს სანტიაგო დელ სოლარის შეხვდა. შეხვედრაზე მხარეებმა საქართველოსა და არგენტინას შორის სოფლის მეურნეობის დარგში სამომავლო თანამშრომლობის კონკრეტულ მიმართულებებსა და პოტენციალზე ისაუბრეს. საქართველო-არგენტინას შორის გაფორმდა თანამშრომლობის მემორანდუმი, რაც ქმნის შესაძლებლობას განხორციელდეს ერთობლივი პროექტები, ხელი შეეწყოს სოფლის მეურნეობის განვითარებას, ასევე ახალი ინოვაციური ტექნოლოგიებისა და სამეცნიერო-კვლევითი მიმართულებით თანამშრომლობას. ლევან დავითაშვილმა განცხადებით, ქართული დელეგაციის ვიზიტის მიზანს წარმოადგენს არგენტინის სოფლის მეურნეობის პოტენციალის შესწავლა, პირველადი პროდუქტების წარმოებისა და გადამამუშავებელი მრეწველობის მიმართულებით გამოცდილების გაზიარება და მთავრობების ხელშეწყობით, ქართულ და არგენტინულ კერძო სექტორს შორის ბიზნესურთიერთობების გააქტიურება. სანტიაგო დელ სოლარიმ მადლობა გადაუხადა ლევან დავითაშვილს ვიზიტისთვის და აღნიშნა, რომ არგენტინისთვის მნიშვნელოვანია ახალი პარტნიორების შეძენა, პოზიციების გამტკიცება სოფლის მეურნეობის პროდუქტების რეალიზაციის კუთხით, ახალი ბაზრების ათვისება და ერთობლივი პროექტების განხორციელება. „საქართველო კარგი მაგალითია, პარტნიორული ურთიერთობების გაუმჯობესების კუთხით და ჩვენ მოხარულნი ვართ რომ მოგვეცემა შესაძლებლობა ერთობლივად გავაუმჯობესოთ სავაჭრო-ეკონომიკური ურთიერთობები, ხელი შევუწყოთ ქვეყნებს შორის სოფლის მეურნეობის განვითარებას და ჩვენს მწარმოებლებს პირდაპირი კონტაქტების დამყარების საშუალება მივცეთ“, - განაცხადა მან. ოფიციალურ შეხვედრებს საქართველოს გარემოს დაცვისა და სოფლის მეურნეობის მინიტრ ლევან დავითაშვილთან ერთად საქართველოს საგანგებო და სრულუფლებიანი ელჩი არგენტინის რესპუბლიკაში, აკრედიტაციით ჩილეს რესპუბლიკაში, პარაგვაის რესპუბლიკაში, ურუგვაის აღმოსავლურ რესპუბლიკაში, ეკვადორის რესპუბლიკასა და ბოლივიის მრავალეროვნულ სახელმწიფოში ირაკლი ყურაშვილი და საქართველოს სურსათის ეროვნული სააგენტოს ხელმძღვანელი ზურაბ ჩეკურაშვილი ესწრებოდა.
#

ლევან დავითაშვილმა არგენტინაში შეხვედრები გამართა

საქართველოს გარემოს დაცვისა და სოფლის მეურნეობის მინისტრი ლევან დავითაშვილი არგენტინის რესპუბლიკაში ოფიციალური ვიზიტის დროს მსხვილ მწარმოებელთა და ექსპორტიორთა მხარდამჭერ ორგანიზაცია LA RURAL-ის პრეზიდენტს, დანიელ პელეგრინას შეხვდა. შეხვედრაზე მხარეებმა განიხილეს საქართველოსა და არგენტინას შორის სავაჭრო-ეკონომიკური ურთიერთობების გააქტიურების შესაძლებლობები. აღნიშნულ ორგანიზაციას 150 წლიანი ისტორია აქვს, მაში 4 ათასი მსხვილი მწარმოებელია გაერთიანებული და საერთაშორისო ბაზრებზე არგენტინული პროდუქციის პოპულარიზაციაზეა პასუხისმგებელი. ასევე შეხვედრა გაიმართა არგენტინული სოფლის მეურნეობის ექსპერიმენტული ტექნოლოგიების რეგიონულ კონსორციუმის CREA-ს დირექტორატთან. შეხვედრაზე განიხილეს საშუალო და მცირე ფერმერების წარმოებისა და მოსავლიანობის გაზრდის მიზნით ინოვაციური მიდგომების როლი და გამოცდილების გაზიარების მნიშვნელობა. საქართველო არის პირველი ევროპული ქვეყანა, რომელთანაც აღნიშნული ორგანიზაცია უკვე თანამშრომლობს USAID/G-HIP-ის ფარგლებში და ხელს უწყობს აზიური ფაროსანას მიერ გამოწვეული მავნე ზემოქმედების შემცირებას, მოსავლიანობის გაზრდასა და ხარისხიანი პროდუქციის წარმოებას. აღნიშნული ორგანიზაცია 1500 ფერმერს აერთიანებს სამეგრელოსა და გურიაში. ლევან დავითაშვილმა ასევე შეხვედრა გამართა არგენტინის სოფლის მეურნეობის ეროვნულ ინსტიტუტში (INTA). აღნიშნული ორგანიზაცია პასუხისმგებელია სასოფლო-სამეურნეო ექსტენციის სერვისების ფერმერებისთვის ეფექტურ მიწოდებაზე და ნიადაგების დეგრადაციის შემცირებაზე, ახალი ჯიშების გამოყვანაზე და არსებული გენეტიკური მასალის გაუმჯობესებაზე., საძოვრების მართვაზე, ბიომრავალფეროვნების - ტყის, კლიმატის და გარემოსდაცვითი მიმართულებით ქვეყანაზე არსებული სიტუაციის მართვასა და გაუმჯობესებაზე. როგორც საქართველოს გარემოს დაცვისა და სოფლის მეურნეობის მინისტრმა ლევან დავითაშვილმა განაცხადა, სამივე ორგანიზაცია ქმნის ეფექტურ შესაძლებლობას ქვეყანაში სოფლის მეურნეობისა და გარემოს დაცვის მიმართულებით წახალისებულ იქნას ინოვაციური მიდგომები დარგის განვითარების, როგორც წვრილი და საშუალო, ასევე მსხვილი ფერმერებისთვის. მიუხედავად არგენტინაში არსებული ექსპორტის გადასახადისა, ქვეყანა წამყვან პოზიციებს იკავებს ცალკეული საექსპორტო პროდუქტების მსოფლიო ბაზარზე დამკვიდრების კუთხით. ამიტომ, საქართველოს სტრატეგიული მდებარეობა, არსებული სავაჭრო რეჟიმები და ბიზნესის ხელშეწყობის კუთხით მსოფლიო რეიტინგით წამყვანი პოზიციები, ქმნის საუკეთესო შესაძლებლობას მოხდეს ინტერესების თანხვედრა და ხელი შეუწყოს სავაჭრო ბრუნვის გაზრდას ქვეყნებს შორის. გამართულ შეხვედრებს მინისტრთან ერთად ესწრებოდნენ საქართველოს საგანგებო და სრულუფლებიანი ელჩი არგენტინის რესპუბლიკაში, აკრედიტაციით ჩილეს რესპუბლიკაში, პარაგვაის რესპუბლიკაში, ურუგვაის აღმოსავლურ რესპუბლიკაში, ეკვადორის რესპუბლიკასა და ბოლივიის მრავალეროვნულ სახელმწიფოში და საქართველოს სურსათის ეროვნული სააგენტოს ხელმძღვანელი ზურაბ ჩეკურაშვილი ესწრებოდა
#

დავითაშვილი ბუენოს-აირესში საპატიო სტუმრის სტატუსით დაჯილდოვდა

არგენტინის რესპუბლიკაში ოფიციალური ვიზიტის ფარგლებში საქართველოს გარემოს დაცვისა და სოფლის მეურნეობის მინისტრი ლევან დავითაშვილი ბუენოს აირესის ავტონომიური ქალაქის პარლამენტში დედაქალაქის საპატიო სტუმრის სიგელით დააჯილდოვეს. აღნიშნული ინიციატივა ეკუთვნოდა პარლამენტის წევრს ეზეკილ ფერნანდეს ლანგანს. დაჯილდოვების ცერემონიას ესწრებოდნენ ბუენოს-აირესის ავტონომიური ქალაქის პარლამენტის წევრები, პრესის წარმომადგენლები და საქართველოს დელეგაციის წევრები. აღსანიშნავია, რომ ლევან დავითაშვილი პირველი ოფიციალური პირია, ვისაც აღნიშნული ჯილდო გადაეცა. ეზეკილ ლანგანის განცხადებით, არგენტინისთვის ცნობილია საქართველოს მდიდარი კულტურული ტრადიციები. ქვეყანა დიდ მნიშვნელობას ანიჭებს ევროპელ პარტნიორებთან თანამშრომლობის გააქტიურებას. მისი თქმით, საქართველო, როგორც ევროპული ქვეყანა იმსახურებს საუკეთესო პარტნიორულ ურთიერთობებს და მნიშვნელოვანი ქართული დელეგაციის ვიზიტი ბუენოს-აირესში. ლევან დავითაშვილმა მადლობა გადაუხადა ქალაქის პარლამენტის წევრებს მხარდაჭერისთვის და აღნიშნა, რომ საქართველო დიდ მნიშვნელობას ანიჭებს სავაჭრო-ეკონომიკური ურთიერთობების განვითარებას ლათინური ამერიკის ქვეყნებთან. დელეგაციის ვიზიტი ემსახურება კონკრეტულ მიზანს, რომ მთავრობის ხელშეწყობით კერძო სექტორის წარმომადგენლებს საშუალება მიეცეთ გააფართოვონ მოქმედების არეალი და გაზარდონ სავაჭრო-ეკონომიკური ურთიერთობებით მიღებული სარგებელი ქვეყნის კეთილდღეობისა და ცხოვრების დონის ამაღლებისთვის. დაჯილდოვების ცერემონიალს მინისტრთან ერთად ესწრებოდნენ საქართველოს საგანგებო და სრულუფლებიანი ელჩი არგენტინის რესპუბლიკაში, აკრედიტაციით ჩილეს რესპუბლიკაში, პარაგვაის რესპუბლიკაში, ურუგვაის აღმოსავლურ რესპუბლიკაში, ეკვადორის რესპუბლიკასა და ბოლივიის მრავალეროვნულ სახელმწიფოში ირაკლი ყურაშვილი და საქართველოს სურსათის ეროვნული სააგენტოს ხელმძღვანელი ზურაბ ჩეკურაშვილი ესწრებოდა.
#

შეხვედრა არგენტინის გარემოს დაცვის სახელმწიფო მდივანთან

საქართველოს გარემოს დაცვისა და სოფლის მეურნეობის მინისტრი ლევან დავითაშვილი ბუენოს აირესში გარემოს დაცვისა და მდგრადი განვითარების სახელმწიფო მდივანს, სერხიო ბერგმანს შეხვდა. შეხვედრაზე მხარეებმა ორ ქვეყანას შორის გარემოსდაცვითი მიმართულებით არსებული საკითხები განიხილეს და ხაზი გაუსვეს მდგრადი განვითარების მიზნების განხორციელების მნიშვნელობას ეროვნული პოლიტიკის შემუშავებაში. ასვე აღნიშნული იქნა, პარიზის შეთანხმებით ქვეყნების მიერ ნაკისრი ვალდებულებების შესრულების აუცილებლობა. შეხვედრაზე ლევან დავითაშვილმა აღნიშნა, რომ სამთავრობო რეფორმის ფარგლებში განხორციელდა სამინსიტროების ოპტიმიზაცია და ჩამოყალიბდა გარემოს დაცვისა და სოფლის მეურნეობის სამინსიტრო, რამაც ხელი შეუწყო დარგებს შორის კოორდინაციის გაუმჯობესებას და ეფექტური პოლიტიკის შემუშავებას. დღეისათვის არასამთავრობო სექტორთან და საერთაშორისო პარტნიორებთან ერთად სამინსიტრო ახორციელებს არაერთ მნიშვნელოვან პროექტს გარემოს დაცვის მიმართულებით. „არგენტინა ერთ-ერთ მნიშვნელოვან როლს ასრულებს გარემოსდაცვითი ხელშეკრულებებისა და კონვენციების შესრულების კუთხით და საერთაშორისო დონეზე ერთობლივი პოზიციონირება ხელს შეუწყობს ქვეყნებს შორის მდგრადი განვითარების მიზნების განხორციელებას“, - განაცხადა ლევან დავითაშვილმა.როგორც არგენტინის გარემოს დაცვისა და მდგრადი განვითარების სახელმწიფო მდივანმა განაცხადა, მერების შეთანხმება და მდგრადი ქალაქების მართვის გეგმები არგენტინის გარემოსდაცვითი პოლიტიკის მნიშვნელოვანი შემადგენელი ნაწილია. „ჩვენი მიზანია, თანდათანობით გადავიდეთ ენერგოეფექტური და გარემოსდამზოგავი ტექნოლოგიების დანერგვაზე და ხელი შევუწყოთ ავტოპარკის ჩანაცვლებას ელექტრომობილებით“, - განაცხადა ბერგმანამა. ლევან დავითაშვილის განცხადებით, საქართველოს მთავრობის მიერ ხორციელდება მწვანე ეკონომიკის ხელშეწყობის კონცეფცია, რაც გულისხმობს მდგრადი განვითარების პრინციპების დაცვით ეკონომიკური საქმიანობის წარმოებას ქვეყანაში, ევროდირექტივების და ასოცირების შეთანხმებით ნაკისრი ვალდებულებების შესრულების გათვალისწინებით.ოფიციალური ვიზიტის ფარგლებში, გარემოს დაცვისა და მდგრადი განვითარების სამინისტროში გამართულ შეხვედრას საქართველოს საგანგებო და სრულუფლებიანი ელჩი არგენტინის რესპუბლიკაში, აკრედიტაციით ჩილეს რესპუბლიკაში, პარაგვაის რესპუბლიკაში, ურუგვაის აღმოსავლურ რესპუბლიკაში, ეკვადორიის რესპუბლიკასა და ბოლივიის მრავალეროვნულ სახელმწიფოში ირაკლი ყურაშვილი და საქართველოს სურსათის ეროვნული სააგენტოს ხელმძღვანელი ზურაბ ჩეკურაშვილი ესწრებოდა.
#

დავითაშვილი ურუგვაის ხორცის ინსტიტუტის პრეზიდენტს შეხვდა

გარემოს დაცვისა და სოფლის მეურნეობის მინისტრი ლევან დავითაშვილი ურუგვაიში ოფიციალური ვიზიტის ფარგლებში, ურუგვაის ხორცის ინსტიტუტის პრეზიდენტს, ფედერიკო სტაინჰამს შეხვდა. აღნიშნული ინსტიტუტი ქვეყანაში პასუხისმგებელია პროდუქციის ხარისხის კონტროლზე, ხორცის მიკვლევადობის სისტემის ფუნქციონირებაზე და საექსპორტო პროდუქციის ვეტერინარულ კონტროლს დაქვემდებარებულ პროცედურების განხორციელებაზე. ორგანიზაცია აერთიანებს ურუგვაის სოფლის მეურნეობის სამინისტროს, ჯანდაცვის სამინისტროს, სამეცნიერო კვლევითი ცენტრსა და კერძო სექტორის წარმომადგენლებს. „ურუგვაიში წარმოებული ხორცის 70%-ი ექსპორტზე გადის, ამიტომ, ჩვენთვის განსაკუთრებულად მნიშვნელოვანია, მაღლი ხარისხის პროდუქციის წარმოება, ქვეყნის იმიჯისა და ურუგვაული პროდუქციის მსოფლიო ბაზარზე დამკვიდრების კუთხით. მოხარულები ვართ, რომ საქართველო ინტერესდება ჩვენს ქვეყანასთან თანამშრომლობით და მზადყოფნას გამოვთქვამთ ჯიშობრივი გაუმჯობესების, საექსპორტო მიმართულების ხორცისა და ხორცპროდუქტების კონტროლის კუთხით აქტიურად ვითანამშრომლოთ ქართველ პარტნიორებთან“, - განაცხადა ინსტიტუტის პრეზიდენტმა, ფედერიკო სტაინჰამმა. როგორც შეხვედრაზე ლევან დავითაშვილმა აღნიშნა, საქართველო წარმოადგენს სავაჭრო ჰაბს რეგიონში და ასრულებს ერთგვარ კარიბჭის როლს, რაც საშუალებას აძლევს ჩვენს პარტნიორებს მიიღონ გამარტივებული წვდომა მსოფლიო ბაზრების 1/3-ზე. ასევე მისივე თქმით, გარემოს დაცვისა და სოფლის მეურნეობის სამინისტროში მუშავდება მესაქონლეობის განვითარების პროგრამა, რაც გულისხმობს გადასარეკი ტრასების, საკარანტინე პუნქტების, სასაკლაოების, კოოპერატივებისა და ხარისხის ნიშნების დაცვაში ფერმერების მხარდაჭერას. „საქართველოს პრემიერ-მინისტრის განცხადებით, უმნიშვნელოვანესია ქვეყანაში მწვანე ეკონომიკის განვითარება და ჩვენი ქმედებები და სახელმწიფო მხარდამჭერი პროექტები სწორედ ამ მიზანს ემსახურება“, - განაცხადა ლევან დავითაშვილმა. შეხვედრის დასასრულს, მხარეები შეთანხმდნენ, რომ მომზადდება თანამშრომლობის მიმართულებით კონკრეტული პროგრამები, პროექტები კერძო სექტორის ჩართულობით, რაც ხელს შეუწყობს ორ ქვეყანას შორის სავაჭრო-ეკონომიკური ურთიერთობის გაუმჯობესებას.
#

ლევან დავითაშვილი მონტევიდეოში ურუგვაელ კოლეგას შეხვდა

საქართველოს გარემოს დაცვისა და სოფლის მეურნეობის მინისტრი ლევან დავითაშვილი ურუგვაიში ოფიციალური ვიზიტის ფარგლებში მესაქონლეობის, სოფლის მეურნეობისა და მეთევზეობის მინისტრს, ენსო ბენეჩის შეხვდა. მონტევიდეოში, მესაქონლეობის, სოფლის მეურნეობისა და მეთევზეობის სამინისტროში გამართულ შეხვედრაზე მხარეებმა განიხილეს ორ ქვეყანას შორის სოფლის მეურნეობის დარგში კონკრეტული თანამშრომლობის პროექტები - კერძოდ, მეცხოველეობის, ღვინის, მარცვლეულისა და აკვაკულტურის მიმართულებით თანამშრომლობის დაწყება. სასოფლო-სამეურნეო პროდუქციის წარმოება, გადამუშავება და ბაზარზე განთავსება უმნიშვნელოვანესი საკითხებია, რაც ორივე ქვეყნის შემთხვევაში მოსახლეობის 1/3-ის შემოსავლის ძირითად წყაროს წარმოადგენს. ურუგვაის სოფლის მეურნეობის მნიშვნელოვან ნაწილს იკავებს ექსპორტზე ორიენტირებული მეცხოველეობის დარგი. საქართველოს შემთხვევაში მნიშვნელოვანწილად ხდება, როგორც ცოცხალი პირუტყვის, ისე ხორცისა და ხორცპროდუქტების იმპორტი. ამ მიმართულებით, არსებული საკითხების დარეგულირების მიზნით, თანამშრომლობის მემორანდუმი გაფორმდა. როგორც ენსო ბენეჩიმ აღნიშნა, ეს პირველი ოფიციალური ვიზიტია ქართველი კოლეგის ლათინური ამერიკის ქვეყნებში, რაც სავაჭრო-ეკონომიკური მიმართულებით ახალი ეტაპის დაწყებას გულისხმობს. „ვაჭრობა ყოველთვის უნდა იყოს ორმხრივი და ნაცვალგების პრინციპზე დაფუძნებული. ჩვენ გვაქვს საუკეთესო პროდუქტი, ხორცის მიმართულებით, ხოლო ქართული ღვინო მსოფლიოში საუკეთესო რეპუტაციითა და მაღლი ხარისხით გამოირჩევა. ჩვენ ვალდებულნი ვართ ხელი შევუწყოთ ბაზრებზე ამ პროდუქტების დამკვიდრებასა და პოპულარიზაციას. ეს ვიზიტი კი, ვფიქრობ, ახალ იმპულს მისცემს ქვეყნებს შორის ურთიერთობების გაღრმავებას“-განაცხადა ურუგვაის მესაქონლეობის, სოფლის მეურნეობისა და მეთევზეობის მინისტრმა ენსო ბენეჩიმ. საქართველოს გარემოს დაცვისა და სოფლის მეურნეობის მინისტრის განცხადებით, ქართული მხარე მზადაა თავისუფალი საბაზრო ეკონომიკური პრინციპების დაცვით ხელი შეუწყოს ურუგვაის ძირითადი საექსპორტო პროდუქციის წარმოჩენას რეგიონში. „ჩვენ გვაქვს ევროკავშირის სტანდარტებთან მიახლოებული კონტროლისა და მიკვლევადობის სისტემები, რაც წინაპირობაა საიმედო პარტნიორობისთვის ისარგებლონ თავისუფალი ვაჭრობის იმ რეჟიმებით, რომელიც საქართველოს გააჩნია ჩინეთთან, ევროკავშირთან, ეფტას ქვეყნებთან და რეგიონის თითქმის ყველა ქვეყანასთან“, - განაცხადა საქართველოს გარემოს დაცვისა და სოფლის მეურნეობის მინისტრმა ლევან დავითაშვილმა.მესაქონლეობის, სოფლის მეურნეობისა და მეთევზეობის სამინისტროში გამართულ შეხვედრას მინისტრთან ერთად ესწრებოდნენ საქართველოს საგანგებო და სრულუფლებიანი ელჩი არგენტინის რესპუბლიკაში, აკრედიტაციით ჩილეს რესპუბლიკაში, პარაგვაის რესპუბლიკაში, ურუგვაის აღმოსავლურ რესპუბლიკაში, ეკვადორის რესპუბლიკასა და ბოლივიის მრავალეროვნულ სახელმწიფოში ირაკლი ყურაშვილი და საქართველოს სურსათის ეროვნული სააგენტოს ხელმძღვანელი ზურაბ ჩეკურაშვილი ესწრებოდა.
#

ლევან დავითაშვილმა ურუგვაის რესპუბლიკაში შეხვედრები გამართა

ორ ქვეყანას შორის არსებული ეკონომიკური, პოლიტიკური და კულტურული ურთიერთობების გაღრმავების საკითხები განიხილეს საქართველოს გარემოს დაცვისა და სოფლის მეურნეობის მინისტრმა ლევან დავითაშვილმა და ურუგვაის საგარეო საქმეთა მინისტრის მოვალეობის შემსრულებელმა არიელ ბერგამინოსმა. შეხვედრა ურუგვაის დედაქალაქ მონტევიდეოში გაიმართა. შეხვედრაზე მხარეებმა ხაზი გაუსვეს მთავრობებს შორის თანამშრომლობის გაღრმავების აუცილებლობას და კერძო სექტორისთვის ხელსაყრელი პირობების შექმნას, რაც ქვეყნებს საშუალებას მისცემს გაააქტიუროს სავაჭრო-ეკონომიკური ურთიერთობები და გაზარდოს ორ ქვეყანას შორის არსებული ტვირთბრუნვა. ,,თანამდეროვე მსოფლიოში არსებული გამოწვევების გათვალისწინებით უდიდესი მნიშვნელობა ენიჭება სანდოობას, გამჭვირვალე თანამშრომლობასა და ქვეყნებს შორის კეთილსაიმედო, პარტნიორულ ურთიერთობებს. ამის გათვალისწინებით საქართველო განსაკუთრებულ მნიშვნელობას ანიჭებს ქვეყნის ინტერესების დაცვას საერთაშორისო ასპარეზზე და მინდა მთავრობის სახელით მადლობა გადაგიხადოთ ჩვენი ქვეყნის ტერიტორიული მთლიანობის განუხრელად მხარდაჭერისთვის“, - განაცხადა ლევან დავითაშვილმა კოლეგასთან შეხვედრაზე. ,,ურუგვაი ყოველთვის მხარს დაუჭერს საქართველოს საერთაშორისო ასპარეზზე და ორ ქვეყანას შორის არსებული მსგავსებების გათვალისწინებით აქტიურად არის დაინტერესებული მხარეებს შორის სამართლებრივი ბაზის დახვეწით, რაც გულისხმობს ორმხრივ და მრავალმხრივ ფორმატებში შეთანხმებების, მემორანდუმების და კონკრეტული პროექტების შესახებ დოკუმენტების გაფორმებას“, - აღნიშნა არიელ ბერგამინოსმა.ურუგვაი დაინტერესებულია საქართველოსთან სოფლის მეურნეობის და გარემოს დაცვითი მიმართულებით კონკრეტული პროექტების განხორციელებით, კერძოდ მესაქონლეობის, აკვაკულტურის, ღვინის, ბიომრავალფეროვნებისა და დაცული ტერიტორიების კუთხით თანამშრომლობის გაღრმავებით. ,,ურუგვაისთვის კარგად არის ცნობილი ქართული მეღვინეობის მდიდარი ტრადიციების შესახებ და ჩვენთვის მნიშვნელოვანია ამ კუთხით თანამშრომლობა“, - განაცხადა საგარეო საქმეთა მინისტრის მოვალეობის შემსრულებელმა. ლევან დავითაშვილმა აღნიშნა, რომ საქართველო ღვინით ვაჭრობის მსოფლიო ჯგუფის წევრ ქვეყნებს შორის ერთადერთი ევროპული ქვეყანაა, რომელიც აქტიურად თანამშრომლობს რეგიონის ქვეყნებთან და ამას ადასტურებს ის ფაქტიც, რომ 2018 წლის ნოემბრის თვეში ურუგვაიში დაგეგმილ ღვინის მსოფლიო კონგრესზე საქართველოდან წარმოდგენილი იქნება როგორც სახელმწიფო სტრუქტურის, ისე კერძო სექტორის და სამეცნიერო-კვლევითი წრეების წარმომადგენლები. ლევან დავითაშვილმა მადლობა გადაუხადა კოლეგას გულთბილი მასპინძლობისთვის და ვიზიტის საინტერესო პროგრამის მომზადებისთვის და გამოთქვა მზადყოფნა ურუგვაის დელეგაციის საქართველოში მასპინძლობისთვის.