#

გიორგი ხანიშვილი სამეგრელოში ფერმერებს შეხვდა

წელს დასავლეთ საქართველოში სიმინდის და თხილის უკეთესი მოსავალია. ფერმერებმა, რომლებმაც აზიური ფაროსანას წინააღდეგ გატარებული ღონისძიებების პარალელურად, სოკოვანი და ბაქტერიული დაავადებების საწინააღმდეგო სამუშაოები განახორციელეს, კარგი მოსავალი აქვთ. გარემოს დაცვისა და სოფლის მეურნეობის მინისტრის მოადგილე გიორგი ხანიშვილი აზიურ ფაროსანასთან ბრძოლის ღონისძიებების მიმდინარეობას და არსებულ ვითარებას დასავლეთ საქართველოში ეცნობა.მინისტრის მოადგილემ სამეგრელოს რეგიონში, სურსათის ეროვნული სააგენტოს უფროსთან, ზურაბ ჩეკურაშვილთან, მცენარეთა დაცვის სპეციალისტებთან და საკოორდინაციო შტაბის წევრებთან ერთად, აბაშის მუნიციპალიტეტში თხილის პლანტაციები და საყანე ფართობები დაათვალიერა და ადგილობრივ ფერმერებს შეხვდა. ე.წ. ანჯელის მასივში, მავნებლის საწინააღმდეგო ღონისძიებები სურსათის ეროვნული სააგენტოს სპეციალიზებული ტექნიკის გამოყენებით მიმდინარეობს და ფართობები ცივი შესხურერებით მუშავდება. ფერმერებმა შეხვედრაზე აღნიშნეს, რომ წელს მავნებლის მიერ მოსავლის დაზიანება მინიმალურია და შარშანდელთან შედარებით უკეთეს მოსავალს ელოდებიან. გიორგი ხანიშვილის განცხადებით, სახელმწიფოს მიერ მავნებლის წინააღმდეგ გატარებული ღონისძიებები წარმატებულად მიმდინარეობს და შედეგი თვალსაჩინოა. „ეს სწორედ ის ფართობებია, სადაც შარშან მავნებლის კონცეტრაცია საკმაოდ დიდი იყო. სახელმწიფოს მიერ გატარებული ღონისძიებების შედეგად, წელს მავნებლის გავრცელება მნიშვნელოვნად არის შემცირებული, ხოლო იქ, სადაც აზიურ ფაროსანასთან ბრძოლის ღონისძიებების პარალელურად, ფერმერების მიერ საჭირო აგროსამუშაოები სწორად ჩატარდა, კარგ მოსავალს ელოდებიან“, - განაცხადა გიორგი ხანიშვილმა. გარემოს დაცვისა და სოფლის მეურნეობის მინისტრის მოადგილე ზუგდიდის მუნიციპალიტეტის სოფელ ნაცატუში არსებულ თხილის საშრობ და სასაწყობე საწარმოში, თხილის ჩაბარების პროცესსაც დაესწრო. სამეგრელოს რეგიონში თხილის კრეფა უკვე მიმდინარეობს. მეთხილე ფერმერებთან შეხვედრა თხილის მწარმოებელთა ასოციაციის ორგანიზებით გაიმართა, რომელსაც ესწრებოდა ზუგდიდის მერი ლაშა გოგია. შეხვედრაზე კიდევ ერთხელ აღინიშნა, რომ წელს სახელმწიფოს ძალისხმევით გატარებული ღონისძიებების შედეგად, აზიური ფაროსანას მიერ თხილის დაზიანების წილი საკმაოდ მცირეა. დღეის მდომარეობით, სახელმწიფოს მიერ დამუშავებულია 27 მუნიციპალიტეტის 523 სოფელი. თერმული ნისლის გამოყენებით შეწამლულია, დაახლოებით, 420 ათასი ჰექტარი, ცივი შესხურების ტექნოლოგიით - 44 ათას ჰექტრამდე ფართობი, სატრაქტორე აგრეგატით - 22 ათასამდე ჰექტარი. მავნებლის სასოფლო-სამეურნეო კულტურებზე გადასვლის თავიდან აცილების მიზნით, ტყის პერიმეტრებზე, ბუფერულ ზონებში დამონტაჟებულია „მოიზიდე და გაანადგურე“ სადგურები.
#

შეხვედრა ქვეშეთი-კობის გზის მონაკვეთის მშენებლობის პროექტზე

გარემოს დაცვისა და სოფლის მეურნეობის სამინისტროში, პროფესიული სამუშაო შეხვედრის ფარგლებში, ქვეშეთი-კობის გზის მონაკვეთის მშენებლობა-ფუნქციონირების პროექტის გარემოსდაცვითი საკითხები განიხილეს. შეხვედრაზე წარმოდგენილი იყო დეტალური პრეზენტაცია პროექტის განხორციელებასთან დაკავშირებულ გარემოსდაცვით საკითხებზე.განხილვას გარემოს დაცვისა და სოფლის მეურნეობის მინისტრის მოადგილე ნინო თანდილაშვილი და რეგიონული განვითარებისა და ინფრასტრუქტურის მინისტრის პირველი მოადგილე, საავტომობილო გზების დეპარტამენტის თავმჯდომარე ირაკლი ქარსელაძე ხელმძღვანელობდნენ.აღსანიშნავია, რომ პროექტი ხორციელდება საავტომობილო გზების დეპარტამენტის ხელმძღვანელობით. პროექტი შემუშავდა ესპანური კომპანია IDOM-ის მიერ. გარემოზე ზემოქმედების შეფასებას უზრუნველყოფს იტალიური კომპანია ANAS INTERNATIONAL და „გამა კონსალტინგი“. პროექტის შემუშავებაში, ქართველ ექსპერტებთან ერთად, ჩართული არიან ევროპის რეკონსტრუქციისა და განვითარების ბანკის (EBRD) ექსპერტები. ირაკლი ქარსელაძის განცხადებით, აღნიშნული პროექტი სრულად პასუხობს საგზაო უსაფრთხოების ნორმებს, რადგან სახეზეა თანამედროვე სტანდარტით დაპროექტებული გზა.„მულტიფაქტორული ანალიზის შედეგად, რაც ითვალისწინებს გარემოზე ზემოქმედების, ტექნიკურ-ეკონომიკური, ფუნქციური, გეოლოგიური და ბიომრავალფეროვნების კუთხით შესწავლას, წარმოდგენილი ცხრა ალტერნატიული პროექტიდან, ეტაპობრივი განხილვის შედეგად, აღნიშნული პროექტი შეირჩა, რომელიც ყველაზე დაბალანსებულ ალტერნატივას წარმოადგენს“, - განაცხადა ირაკლი ქარსელაძემ.როგორც გარემოს დაცვისა და სოფლის მეურნეობის მინისტრის მოადგილემ, ნინო თანდილაშვილმა აღნიშნა, ქვეშეთი-კობის გზის მონაკვეთის მშენებლობა-ფუნქციონირების პროექტი ერთ-ერთი სამაგალითო ინფრასტრუქტურული პროექტია გარემოზე ზემოქმედების შეფასების თვალსაზრისით.როგორც შეხვედრაზე აღინიშნა, პროექტის განხორციელების შედეგად, 35 კმ-იანი არსებული მონაკვეთი 12 კმ-ით შემცირდება, ხოლო აღნიშნულ მონაკვეთზე 1 საათიანი გადაადგილების დრო 20 წუთი გახდება.განხილვას, პროექტის შემუშავებაზე პასუხისმგებელ პირებთან ერთად, დარგის ექსპერტები, არასამთავრობო სექტორის და ადგილობრივი მოსახლეობის წარმომადგენლები ესწრებოდნენ.
#

ლევან დავითაშვილი აჭარის სოფლის მეურნეობის მინისტრს შეხვდა

გარემოს დაცვისა და სოფლის მეურნეობის მინისტრი ლევან დავითაშვილი აჭარის ავტონომიური რესპუბლიკის სოფლის მეურნეობის ახალ მინისტრს, ტიტე აროშიძეს შეხვდა. შეხვედრის მონაწილეებმა სოფლის მეურნეობის განვითარების პროგრამებზე ისაუბრეს და სამომავლო კოორდინირებული თანამშრომლობის საკითხები განიხილეს. შეხვედრაზე საუბარი შეეხო ფაროსანასთან ბრძოლის სტრატეგიით გათვალისწინებული ღონისძიებების მიმდინარეობას.„გაცნობით შეხვედრაზე, აჭარის ავტონომიურირესპუბლიკის სოფლის მეურნეობის ახალ მინისტრთანგანვიხილეთ დარგის მხარდაჭერის სამომავლო გეგმები. უნდა აღინიშნოს, რომ ჩვენს სამინისტროებს აქვს მჭიდრო კოორდინაცია იმისათვის, რომ ღონისძიებები, რომლებიც სოფლის მეურნეობის განვითარებას უკავშირდება, მაქსიმალურად ეფექტიანად განვახორციელოთ“ , - განაცხადა ლევან დავითაშვილმა.აჭარის ავტონომიური რესპუბლიკის სოფლის მეურნეობის მინისტრმა, ტიტე აროშიძემ ხაზი გაუსვა კოორდინირებულიმუშაობის მნიშვნელობას.„ჩვენ ვისაუბრეთ იმ გამოწვევებზე, რომელებიც აჭარის რეგიონში აგრარული დარგის მიმართულებით არსებობს; ყველა პროექტი, რომელიც სოფლის მეურნეობის მიმართულებით გვაქვს მნიშვნელოვანია, რომ ერთობლივი ძალისხმევით განვახორციელოთ“ - აღნიშნა ტიტე აროშიძემ.მინისტრებს შორის გამართულ შეხვედრას გარემოს დაცვისა და სოფლის მეურნეობის მინისტრის მოადგილეებიესწრებოდნენ.
#

სამეგრელოში თხილის საშრობი ახალი საწარმო გაიხსნა

ზუგდიდის მუნიციპალიტეტის სოფელ ნაცატუში თხილის საშრობი და სასაწყობე ახალი საწარმო გაიხსნა, რომელიც არსებული სიმძლავრით 600-ზე მეტი ფერმერის მომსახურებაზეა გათვლილი. საწარმოში 1000 ტონა თხილის გამოშრობა და 500 ტონა პროდუქციის დასაწყობებაა შესაძლებელი. ახალი საწარმო აშშ-ის საერთაშორისო განვითარების სააგენტოს (USAID) საქართველოს თხილის სექტორის განვითარების პროექტის (G-HIP) საქართველოს თხილის მწარმოებელთა ასოციაციის და “აგრიჯორჯია-ფერეროს“ თანადაფინანსებით დაფუძნდა. საწარმოს გახსნას გარემოს დაცვისა და სოფლის მეურნეობის მინისტრის მოადგილე იური ნოზაძე, აშშ-ის ელჩის მოვალეობის შემსრულებელი ელიზაბეთ რუდი, აშშ-ის საერთაშორისო განვითარების სააგენტოს მისიის დირექტორი პიტერ ვიბლერი ესწრებოდნენ. იური ნოზაძემ ხაზი გაუსვა თხილის სექტორის პრიორიტეტულობას და განაცხადა, რომ ასეთი საწარმოების გახსნა დარგის განვითარებისთვის კიდევ ერთი წინგადადგმული ნაბიჯია. აშშ-ის ელჩის მოვალეობის შემსრულებელმა ელიზაბეთ რუდმა აღნიშნა, რომ ეს არის საერთაშორისო ორგანიზაციების, კერძო სექტორის და სახელმწიფოს თანამშრომლობის წარმატებული მაგალითი.
#

ხილის გადამამუშავებელი ახალი საწარმო ამოქმედდა

თელავის მუნიციპალიტეტში ხილის გადამამუშავებელი ახალი საწარმო ამოქმედდა. თანამედროვე სტანდარტებით აღჭურვილი საწარმო, შპს „აჩინებული“, სახელმწიფოს დახმარებით, „ერთიანი აგროპროექტის“ ფარგლებში შეიქმნა. ფინანსური მხარდაჭერა „სოფლის მეურნეობის პროდუქციის გადამამუშავებელი და შემნახველი საწარმოების თანადაფინანსების პროექტის“ ფარგლებში მოხდა. საწარმოში, ჯამურად, 2, 500, 000 ლარის ინვესტიცია განხორციელდა, აქედან, 975, 402 ლარი შეღავათიანი აგროკრედიტი, ხოლო 632, 835 ლარი სახელმწიფოს მიერ გაცემული გრანტია.საწარმო გარემოს დაცვისა და სოფლის მეურნეობის მინისტრმა, ლევან დავითაშვილმა, კახეთის რეგიონის გუბერნატორთან, ირაკლი ქადაგიშვილთან ერთად გახსნა. საწარმოში, წელიწადში 500,000 ლიტრზე მეტი სხვადასხვა სახეობის ხილის წვენის წარმოება იგეგმება. პროდუქციის რეალიზაცია, პირველ ეტაპზე, ადგილობრივ ბაზარზე მოხდება. სამომავალოდ იგეგმება ექსპორტზე გატანაც. საწარმოში მუდმივად 25 ადამიანია დასაქმებული, ხოლო სეზონურად, 8-10 ადამიანი ემატება. 2018 წლის ბოლოსთვის, კომპანიაში, სოფლის მეურნეობის პროექტების მართვის სააგენტოს მხარდაჭერით, სურსათის უვნებლობის საერთაშორისო სტანდარტი - ISO 22:000 დაინერგება. სახელმწიფოს ფინანსურმა მხარდაჭერამ მეწარმეებს წარმოების განვითარება-გაფართოებისთვის დამატებითი ბიძგი მისცა. 2013 წლიდან დღემდე, სახელმწიფოს დახმარებით, „ერთიანი აგროპროექტის“ ფარგლებში, 173 ახალი საწარმო დაფინანსდა. აქედან, კახეთის რეგიონში 57 ახალი საწარმო შეიქმნა. სოფლის მეურნეობის პროექტების მართვის სააგენტო ახორციელებს „ერთიან აგროპროექტს“, რომელიც გათვლილია გრძელვადიან განვითარებაზე და მისი მიზანია ისეთი გარემოს შექმნა, რომელიც ხელს შეუწყობს სოფლის მეურნეობაში კონკურენტუნარიანობის ამაღლებას, მაღალხარისხიანი პროდუქციის წარმოების სტაბილურ ზრდას, სურსათის უვნებლობის საერთაშორისო სტანდარტების დანერგვას.
#

გერმანია გარემოსდაცვითი მიმართულებით საქართველოს მხარდაჭერას აგრძელებს

გერმანიის ფედერაციულ რესპუბლიკაში ვიზიტის ფარგლებში, გარემოს დაცვისა და სოფლის მეურნეობის მინისტრის მოადგილეები გიორგი ხანიშვილი და სოლომონ პავლიაშვილი გერმანიის გარემოს დაცვის, ბუნების კონსერვაციისა და ბირთვული უსაფრთხოების ფედერალური სამინისტროს წარმომადგენელს, იურგენ კაინჰორსტს შეხვდნენ.შეხვედრის მონაწილეებმა გარემოსდაცვითი განათლების მიმართულებით არსებული გამოწვევები და  თანამშრომლობის პერსპექტივები განიხილეს.საუბარი შეეხო საქართველოში ბიოსფერული რეზერვატის   შექმნის სამართლებრივ საფუძვლებს, რომელიც ბიომრავალფეროვნების ახალ კანონში იქნება გაწერილი. ბიოსფერული რეზერვატი - მდგრადი განვითარების რეგიონალური მოდელია, რომელიც გულისხმობს ადამიანისა და ბუნების ჰარმონიულ თანაცხოვრებას, ტერიტორიაზე ისეთი პროექტების განხორცილებას, რომელიც ხელს შეუწყობს როგორც ეკოლოგიურად სუფთა პროდუქტის წარმოებას, ასევე ტრადიციული ფერმერული საქმიანობის განვითარებას.შეხვედრაზე მხარეებმა საქართველოში პირველი UNESCO-ს ბიოსფერული რეზერვატის დაარსების საბოლოო პროცედურების გავლის საკითხებზე და   კახეთში გერმანიის მხრიდან ბიოსფერული რეზერვატის დაარსებისთვის ფინანსური მხარდაჭერის გაგრძელების შესაძლებლობაზე იმსჯელეს. აღნიშნულ შეხვედრაზე ყურადღება გამახვილდა კოლხეთის ტყეებისა და ჭარბტენიანი ტერიტორიების,  გაერთიანებული ერების განათლების, მეცნიერებისა და კულტურის ორგანიზაცია (UNESCO) იუნესკოს მიერ, მსოფლიო ბუნების მემკვიდრეობის უბნად გამოცხადების მნიშვნელობაზეც.აღსანიშნავია, რომ გერმანიის მთავრობის ფინანსური მხარდაჭერით, საქართველოში, გარემოსდაცვითი მიმართულების 10 პროექტი მიმდინარეობს.
#

გარემოს დაცვისა და სოფლის მეურნეობის სამინისტროს დელეგაცია გერმანიაში სამუშაო ვიზიტით იმყოფებოდა

გარემოს დაცვისა და სოფლის მეურნეობის სამინისტროს დელეგაცია გერმანიის ფედერაციულ რესპუბლიკაში სამუშაო ვიზიტით იმყოფებოდა. ვიზიტი საქართველოსა და გერმანიას შორის არსებული თანამშრომლობის კიდევ უფრო გაღრმავებასა და ამ მიზნით, ახალი პერსპექტივების დასახვას ემსახურება.ვიზიტის ფარგლებში მინისტრის მოადგილეები სოლომონ პავლიაშვილი და გიორგი ხანიშვილი დელეგაციის წევრებთან ერთად GIZ აღმოსავლეთ რეგიონალური ოფისის ხელმძღვანელს ზიგმუნდ მულერს შეხვდნენ. შეხვედრაზე განსახილველი ძირითადი საკითხი ეხებოდა ეროვნულ სატყეო პროგრამას, რომელიც ხელს უწყობს ინკლუზიურობისა და გამჭირვალობის მექანიზმების ფასილიტაციას ყველა დაინტერესებული ჯგუფებისთვის. ასევე შეხვედრაზე ყურადღება გამახვილდა საქართველოში პირველი ეროვნული დონის ინვენტარიზაციის განხორციელების პროცესზე, ტყის მართვის დაგეგმვის გაუმჯობესებაზე, ტყის საინფორმაციო და მონიტორინგის სისტემების შექმნაზე.ვიზიტის ფარგლებში, მინისტრის მოადგილე სოლომონ პავლიაშვილი გერმანიის ფედერაციული რესპუბლიკის სურსათისა და სოფლის მეურნეობის მინისტრის მოადგილეს მიხაილ შტიუბგენს შეხვდა.შეხვედრაზე განხილულ იქნა ქვეყნებს შორის წარმატებული თანამშრომლობის ხანგრძლივი ისტორია, რაც საქართველოსთვის სატყეო სექტორის განვითარების კუთხით გაწეული დახმარებასთან ერთად ქართული ღვინის ექსპორტს, საქართველოს ვენახების ეროვნული კადასტრის აგების კონცეფციის შემუშავებას გულისხმობს.