#

თბილისში „მსოფლიო სურსათის დღე“ აღინიშნა.

საქართველოს გარემოს დაცვისა და სოფლის მეურნეობის სამინისტრომ და გაეროს სურსათისა და სოფლის მეურნეობის ორგანიზაციამ (FAO), საქართველოში აკრედიტებულ ელჩებთან, საერთაშორისო ორგანიზაციებისა და საქართველოს მთავრობის წარმომადგენლებთან ერთად, მსოფლიო სურსათის დღე აღნიშნეს. მოწვეულ სტუმრებს მისასალმებელი სიტყვით გარემოს დაცვისა და სოფლის მეურნეობის მინისტრის პირველმა მოადგილემ, ნოდარ კერესელიძემ მიმართა და დონორი ორგანიზაციების წარმომადგენლებს მადლობა გადაუხადა მხარდაჭერისა და აქტიური თანამშრომლობისთვის.„ჩვენ მრავალი წელია ვთანამშრომლობთ გაეროს სპეციალიზებულ ორგანიზაციებთან და მათთან ერთად ვახორციელებთ არაერთ უმნიშვნელოვანეს პროგრამას, რომელიც ჩვენს ქვეყანაში სასურსათო უსაფრთხოების გაძლიერებისკენ არის მიმართული. სურსათის უსაფრთხოების დაცვა ქვეყნის პრიორიტეტული მიმართულებაა და ვფიქრობ, კოორდინირებული თანამშრომლობით სურსათის უსაფრთხოების საკითხებში მიღწეული შედეგი ეფექტიანი იქნება“, - განაცხადა ნოდარ კერესელიძემ.აღსანიშნავია, რომ „მსოფლიო სურსათის დღე“ გაეროს კალენდრის ერთ-ერთი ყველაზე მნიშვნელოვანი ღონისძიებაა. წელს ეს დღე მსოფლიოს 150-ზე მეტ ქვეყანაში და, მათ შორის, საქართველოშიც აღინიშნა. ღონისძიებას ყოველწლიურად საქართველოს გარემოს დაცვისა და სოფლის მეურნეობის სამინისტრო და FAO მასპინძლობენ და ერთობლივი პროექტების ფარგლებში განხორციელებული საქმიანობის ერთი წლის შედეგებს აჯამებენ. წელს განსაკუთრებული აქცენტი სოფლის მეურნეობისა და სოფლის განვითარების პროგრამების, ცხოველთა იდენტიფიკაცია-რეგისტრაციის სისტემების, ნადირობისა და ველური ბუნების მართვის პროექტების ფარგლებში მიღწეულ შედეგებზე გაკეთდა.
#

„მაშავის“ 60 წლის იუბილე აღნიშნეს.

გარემოს დაცვისა და სოფლის მეურნეობის სამინისტროში, ისრაელის განვითარებისა და თანამშრომლობის საერთაშორისო სააგენტოს „მაშავი“ 60 წლის იუბილისადმი მიძღვნილი მიღება გაიმართა.გარემოს დაცვისა და სოფლის მეურნეობის მინისტრის პირველმა მოადგილემ, ნოდარ კერესელიძემ, ისრაელის საგანგებო და სრულუფლებიანმა ელჩმა საქართველოში, შაბთაი ცურიმ და სააგენტოს „მაშავი“ ხელმძღვანელის მოადგილემ, იუვალ ფუქსმა მოწვეულ სტუმრებს სიტყვით მიმართეს.ნოდარ კერესელიძემ საქართველოსა და ისრაელის მჭიდრო თანამშრომლობაზე ისაუბრა და სააგენტოს მიერ ქართველი ფერმერებისა და, ზოგადად, სოფლის მეურნეობის განვითარების მხარდაჭერაზე გაამახვილა ყურადღება.„მაშავი“ საქართველოში არაერთ პროგრამას, მათ შორის, საგანმანათლებლო პროგრამებს ახორციელებს. „მაშავის“ პროგრამების ფარგლებში, სოფლის მეურნეობის დარგში დასაქმებულებმა, ფერმერებმა და მეწარმეებმა საჭირო ცოდნა მიიღეს, რაც არის განვითარების და ახალი ტექნოლოგიების დანერგვის საფუძველი. ჩვენ მადლობას ვუხდით ისრაელის სახელმწიფოს, ჩვენს მეგობარ ხალხს ამ მნიშვნელოვანი დახმარებისა და მხარდაჭერისთვის. სასიხარულოა, რომ ყველა ერთად აღვნიშნავთ ამ ორგანიზაციის 60 წლის იუბილეს“, - განაცხადა ნოდარ კერესელიძემ.„მოხარული ვარ, რომ საქართველოში, თბილისში აღვნიშნავთ „მაშავის“ დაარსებიდან 60 წლის იუბილეს. მოგეხსენებათ, ბოლო 25 წლის განმავლობაში, საქართველოდან ისრაელში ტრენინგები გაიარა 1500-ზე მეტმა პროფესიონალმა, რომლებიც ისრაელში მიღებული ცოდნით დაუბრუნდნენ სამშობლოს და საკუთარ გამოცდილებას დღესაც უზიარებენ სხვებს. მტკიცედ მწამს, რომ მსგავსი ურთიერთობა ორი სახელმწიფოსა და ორი ერის ურთიერთობას უფრო მეტად აძლიერებს“, - განაცხადა ისრაელის ელჩმა საქართველოში, შაბთაი ცურმა.იუბილისადმი მიძღვნილ ღონისძიებაზე ნაჩვენები იყო 60 წლის განმავლობაში სააგენტოს მოღვაწეობის შესახებ გადაღებული მოკლე საინფორმაციო ვიდეორგოლი. ისრაელის განვითარებისა და თანამშრომლობის საერთაშორისო სააგენტო „მაშავი“ 1958 წელს, ისრაელის საგარეო საქმეთა სამინისტრომ ჩამოაყალიბა, რითაც ათობით განვითარებად ქვეყანას საშუალება მიეცა, გაცნობოდა ისრაელის გამოცდილებას და მიღწევებს, ტექნოლოგიები და ინოვაციები საკუთარ სახელმწიფოში დაენერგა. მსოფლიო მასშტაბით, 132 ქვეყნის 270 ათასი წარმომადგენელი „მაშავის“ პროგრამების მონაწილეა.
#

საქართველო - ღვინის სამშობლო - გამოფენა იაპონიაში იგეგმება.

გარემოს დაცვისა და სოფლის მეურნეობის მინისტრის პირველი მოადგილე ნოდარ კერესელიძე იაპონიის სახელმწიფოს ღვინის საკონსულტაციო კომპანიის „AC Asia“ და SONY-ის საგამოფენო ცენტრის „Warehouse TERRADA“ ოფიციალურ წარმომადგენლებს შეხვდა.შეხვედრაზე მხარეებმა იაპონიის სახელმწიფოში „Warehouse TERRADA“-ს საგამოფენო ცენტრში ექსპოზიციის „საქართველო - ღვინის სამშობლო“ მოწყობის საორგანიზაციო საკითხები განიხილეს.ნოდარ კერესელიძემ შეხვედრაზე ვრცლად ისაუბრა ქართული ღვინის უძველესი ისტორიის და ვაზის ენდემური ჯიშების სიმრავლის შესახებ და სტუმრების ყურადღება საფრანგეთში, ქალაქ ბორდოში, ღვინის მსოფლიო ცივილიზაციის ცენტრში Cité des Civilisations Du Vin, გამართულ გამოფენაზე „საქართველო - მეღვინეობის აკვანი“ გაამახვილა.მინისტრის პირველი მოადგილის განცხადებით, იაპონიის სახელმწიფო საქართველოსთვის სტრატეგიული პარტნიორია და ქვეყნებს შორის სავაჭრო-ეკონომიკური ურთიერთობების განვითარებისა და ღვინის ექსპორტის ზრდის მნიშვნელობაზე ისაუბრა.შეხვედრაზე ასევე აღინიშნა, რომ 2018 წელს, სუმოს ისტორიაში პირველად, ქართველი ლევან გორგაძე, იგივე ტოჩინოშინი, იმპერატორის თასის მფლობელი გახდა. ნოდარ კერესელიძის განცხადებით, ლევან გორგაძის გამარჯვება საქართველოს მიმართ იაპონელი ხალხის ინტერესს კიდევ უფრო ზრდის და არაერთი მიმართულებით თანამშრომლობის კიდევ ერთი ხელშემწყობი ფაქტორია.„ჩვენ ვაფასებთ თქვენს უძველეს კულტურას, მოხარული ვართ, რომ საერთო ღონისძიების ფარგლებში, იაპონიაში გვექნება ქართული ღვინის და საქართველოს, როგორც უძველესი კულტურის მქონე ქვეყნის, ცნობადობის ამაღლების შესაძლებლობა. გვინდა, რომ აღნიშნული ღონისძიება შემდგომი წარმატებული ურთიერთობების დასაწყისი იყოს“, - განაცხადა შიმეონ სატომ, ღვინის საკონსულტაციო კომპანია „AC Asia“ წარმომადგენელმა.გარემოს დაცვისა და სოფლის მეურნეობის სამინისტროში გამართულ შეხვედრას ღვინის ეროვნული სააგენტოს ხელმძღვანელი პირები და ასოციაციის „ქართული ღვინო" აღმასრულებელი დირექტორი თინა კეზელი ესწრებოდნენ.
#

მინისტრმა კატარის სახელმწიფოს დელეგაციას უმასპინძლა.

გარემოს დაცვისა და სოფლის მეურნეობის მინისტრმა, ლევან დავითაშვილმა კატარის სახელმწიფოს მუნიციპალური განვითარებისა და გარემოს დაცვის მინისტრს, მოჰამედ ბინ აბდულა ალ რუმაიჰს და კატარის სახელმწიფოს სოფლის მეურნეობის განვითარების, მეცხოველეობის და საერთაშორისო თანამშრომლობის დეპარტამენტის ხელმძღვანელ პირებს უმასპინძლა.საქართველოსთან სავაჭრო-ეკონომიკური ურთიერთობების გაღრმავებისა და საინვესტიციო პოტენციალის გაცნობის მიზნით, მოჰამედ ბინ აბდულა ალ რუმაიჰი საქართველოში პირველად იმყოფებოდა.მხარეებს შორის გამართულ შეხვედრაზე საუბარი შეეხო საქართველოდან ცოცხალი ცხვრის, ცხვრის, საქონლის და ფრინველის ხორცის, მშრალი და ახალი ხილის, ბოსტნეულის, თაფლის ექსპორტის, ასევე, საექსპორტო პროდუქციის ტრანსპორტირების გამარტივების საკითხებს.ლევან დავითაშვილმა ხაზგასმით აღნიშნა, რომ სპარსეთის ყურის ქვეყნები, მათ შორის, კატარი საქართველოსთვის მნიშვნელოვანი სავაჭრო პარტნიორია და ქვეყნებს შორის სავაჭრო-ეკონომიკური ურთიერთობების გაღრმავებას დიდი პოტენციალი აქვს.საქართველოს გარემოს დაცვისა და სოფლის მეურნეობის მინისტრმა ვრცლად ისაუბრა სურსათის უვნებლობის კუთხით საქართველოს მიერ განხორციელებულ რეფორმებზე, ლაბორატორიული შესაძლებლობების გაძლიერებაზე და ცხოველთა დაავადებების მართვის კუთხით მიღწეულ პროგრესზე.მინისტრმა დელეგაციის წევრებს გარემოსდაცვითი სახელმწიფო პოლიტიკის ძირითადი მიმართულებები, მათ შორის, მწვანე ეკონომიკის განვითარების კონცეფცია გააცნო.როგორც ლევან დავითაშვილმა აღნიშნა, მწვანე ეკონომიკის და მდგრადი განვითარების ხელშეწყობა ქვეყნის ერთ-ერთი პრიორიტეტული მიმართულებაა. მინისტრის განცხადებით, ქვეყანას ეკოტურიზმის, აგროტურიზმის და ბიოწარმოების კუთხით განვითარების დიდი პოტენციალი აქვს.შეხვედრაზე მოჰამედ ბინ აბდულა ალ რუმაიჰმა ხაზგასმით აღნიშნა, რომ კატარის სახელმწიფო დაინტერესებულია საქართველოდან აგროსასურსათო პროდუქციის, მათ შორის, ქართული თაფლის იმპორტით, ვინაიდან, კატარის ბაზარზე თაფლზე მოთხოვნა მზარდია, წარმოებული პროდუქცია კი, საკმარისი არ არის.მოჰამედ ბინ აბდულა ალ რუმაიჰის განცხადებით, საქართველოს, უახლოეს მომავალში, სხვადასხვა ტიპის სასოფლო-სამეურნეო პროდუქტის შეძენის მიზნით, კატარის სახელმწიფოდან სხვადასხვა კომპანიის წარმომადგენლები ესტუმრებიან.„მოხარული ვარ, რომ ვიმყოფები საქართველოში. ჩემს კოლეგასთან შეხვედრა იყო ძალიან მნიშვნელოვანი. საქართველოში წარმოებულ აგროსასურსათო პროდუქციას არა მხოლოდ კატარის, არამედ ევროკავშირის სხვა მრავალი ქვეყნის ბაზრის ათვისების რეალური პოტენციალი აქვს. ქართული პროდუქტები მიმზიდველია, როგორც ხარისხით, ისე გემოვნური თვისებებით“, - განცხადა კატარის სახელმწიფოს მუნიციპალური განვითარებისა და გარემოს დაცვის მინისტრმა. ვიზიტის ფარგლებში, კატარის დელეგაციის წევრებმა საქართველოში სახელმწიფოს მხარდაჭერით შექმნილი საწარმოების პროდუქციის გამოფენა დაათვალიერეს. ლევან დავითაშვილმა დელეგაციის წევრებს სოფლის მეურნეობის სამეცნიერო-კვლევითი ცენტრის ჯიღაურას ბაზაზეც უმასპინძლა. სტუმრები, კომპანიებშიც „ბარამბო“ და „ზედაზენი“ იმყოფებოდნენ, სადაც საწარმოო პროცესს გაეცნენ.ვიზიტის დასასრულს, მოჰამედ ბინ აბდულა ალ რუმაიჰმა მადლობა გადაუხადა ლევან დავითაშვილს გულითადი მასპინძლობისთვის და კოლეგა, ბიზნესწრეების წარმომადგენლებთან ერთად, კატარის რესპუბლიკაში, 2019 წლის მარტში დაგეგმილ გამოფენაზე მიიწვია.
#

ლევან დავითშვილი: ღვინის ფესტივალი წარმატებული რთველის ზეიმია

ქართული ღვინის ფესტივალი 2018" გარემოს დაცვის და სოფლის მეურნეობის მინისტრმა ლევან დავითაშვილმა გახსნა.ფესტივალი შარდენზე, სიონის ქუჩაზე მიმდინარეობს.როგორც ლევან დავითაშვილმა აღნიშნა, თბილისში ღვინობისთვეს ღვინის ფესტივალის ჩატარება უკვე ტრადიციად იქცა. „ღვინობისთვის ფარგლებში საქართველოში სხვადასხვა ღონისძიება იმართება. თავიდან ღვინის დღით დავიწყეთ და დიდი დაინტერესების შედეგად უკვე ღვინის თვეს ავღნიშნავთ, რომელიც სხვდასხვა ღონისძიებას მოიცავს, როგორც თბილისში, ისე საქართველოს სხვდასხვა კუთხეში. ეს არის წარმატებული რთველის დამთავრების აღნიშვნა, რთველი, რომელიც წელს ფერმერებისთვის რეკორდული მოსავლითა და შემოსავლით ჩატარდა. ეს არის ზეიმი. ქართული ღვინის პოპულარიზაცია ძალიან მნიშვნელოვანია ჩვენი ქვეყნისთვის, რასაც მუდმივად ვახორციელებთ“-განაცხადა გარემოს დაცვისა და სოფლის მეურნეობის მინისტრმა ლევანდ ავითაშვილმა.„ქართული ღვინის ფესტივალი 2018“ ონლაინმაღაზია და მედიაპორტალი allwine.ge-სა და “მეიდან ჯგუფის” ორგანიზებით უკვე მეორედ გაიმართება. დიდ კომპანიებთან ერთად, წელს მცირე მარნებიც აქტიურად ჩაერთვნენ და საკუთარ პროდუქტს წარმოადგენენ, მცირე რაოდენობთ ჩამოსხმულ ღვინოს, რომელსაც ყველგან ვერ შეხვდები. ღვინის დეგუსტაციასთან და გამოფენა-გაყიდვასთან ერთად, ფესტივალზე სხვადასხვა სახის პროდუქცია იქნება წარმოდგენილი: ყველი, ჩურჩხელა, ჩირი, თაფლი და ქართული აქსესუარები
#

ხე-ტყის უკანონო და უსისტემო ჭრასთან ბრძოლა აქტიურად გრძელდება.

გარდა კერძო პირების მხრიდან უკანონო ჭრების გამოვლენისა და შესაბამისი ღონისძიებების გატარებისა, გარემოს დაცვისა და სოფლის მეურნეობის სამინისტროს გარემოსდაცითი ზედამხედველობის დეპარტამენტი აქტიურად აგრძელებს ხე-ტყის დამზადების სპეციალური ლიცენზიების კომპლექსურ შემოწმებებს. შემოწმების მასალების საფუძველზე სსიპ გარემოს ეროვნულმა, სააგენტომ სამეგრელო-ზემო სვანეთის რეგიონში 2009 წელს 723 ჰა ფართობზე გაცემული ხე-ტყის დამზადების სპეციალური ლიცენზია გააუქმა. ლიცენზიანტი სისტემატურად, უკანონოდ იპოვებდა ხე-ტყეს და არღვევდა კანონმდებლობით დადგენილ მოთხოვნებს, რის გამოც მის მიმართ გატარდა უმკაცრესი ზომები და გაუქმდა ლიცენზია. შედეგად, ლიცენზიანტს ჩამოერთვა ლიცენზირებულ ფართობზე დარჩენილი რესურსის ათვისების უფლება. გარემოს დაცვისა და სოფლის მეურნეობის სამინისტროს გარემოსდაცითი ზედამხედველობის დეპარტამენტის ამ დრომდე ჩატარებული შემოწმებების შედეგად დადგენილია, რომ უმრავლეს შემთხვევებში ლიცენზიანტების მხრიდან ადგილი აქვს ხე-ტყის უკანონოდ და უსისტემოდ მოპოვებას და კანონმდებლობის მოთხოვნების უხეშ დარღვევას. თითოეული ლიცენზიანტის საქმიანობა გარემოს ეროვნული სააგენტოს მიერ დეტალურად შეფასდება და შესაბამისად, კანონმდებლობის მოთხოვნების დაცვით, მოხდება უმკაცრესი ზომების გატარება.
#

გურჯაანის ღვინის ფესტივალი ლევან დავითაშვილმა გახსნა

ქართული ღვინის დღეების „ღვინობისთვე 2018“-ის ფარგლებში გურჯაანის ღვინის ფესტივალი გაიმართა, სადაც წარმოდგენილი იყო 80-მდე ღვინის მწარმოებელი კომპანიის, საოჯახო და მცირე მარნების სხვადასხვა სახეობის ღვინოები, ჭაჭა და სხვა სასმელები. ფესტივალს გარემოს დაცვისა და სოფლის მეურნეობის მინისტრი ლევან დავითაშვილი და ადგილობრივი ხელისუფლების წარმომადგენლები დაესწრნენ. მინისტრის განცხადებით, გურჯაანის ღვინის ფესტივალი აღინიშნება 2018 წლის წარმატებულად ჩატარებული რთველისა და გადამუშავებული ყურძნის რეკორდული რაოდენობის ფონზე.,,კახეთი ქართული მეღვინეობის უძველესი და ტრადიციული რეგიონია. მისასალმებელია რომ ღვინის ფესტივალი გურჯაანში იმართება, სადაც წელს წარმატებით ჩატარდა რთველი და გადამუშავდა კახეთის მუნიციპალიტეტებს შორის ყველაზე დიდი რაოდენობის ყურძენი. მსგავსი ღონისძიებები ხელს უწყობს ქართული ღვინის პოპულარიზაციას. გურჯაანის ღვინის ფესტივალს წელს უფრო მეტი ადგილობრივი მოსახლე და ტურისტი სტუმრობს, რაც იმის მაჩვენებელია, რომ ფესტივალი პოპულარობას იძენს და მნიშვნელოვან ადგილს იკავებს ტურისტულ კალენდარში. გარემოს დაცვისა და სოფლის მეურნეობის სამინისტრო აქტიურად გააგრძელებს მსგავსი ღონისძიებების მხარდაჭერას, რათა ქართული ღვინის ცნობადობა კიდევ უფრო გაიზარდოს“ - აღნიშნა ლევან დავითაშვილმა.ფესტივალი წელს უკვე მეორედ გაიმართა და მისი მიზანია ღვინის ტურიზმის განვითარების ხელშეწყობა, ღვინის კულტურისა და ქართული ტრადიციების გაცნობა როგორც უცხოელი, ასევე ქართული საზოგადოებისთვის. გურჯაანის ღვინის ფესტივალზე გაიმართა ღვინოების დეგუსტაცია, დამზადდა თათარა და ამოივლო ჩურჩხელები, სახალისო ვიქტორინაში გათამაშდა ღვინოები, გაიხსნა ქვევრი. ფესტივალში მონაწილეობა მიიღო ადგილობრივმა ფოლკლორულმა გუნდებმა.ღონისძიება საქართველოს გარემოს დაცვისა და სოფლის მეურნეობის სამინისტროს და ღვინის ეროვნული სააგენტოს მხარდაჭერითა და გურჯაანის მაჟორიტარი დეპუტატის დავით სონღულაშვილის პატრონაჟით გაიმართა. „ქართული ღვინის დღე“ პირველად 2014 წელს აღინიშნა. ადგილობრივი მოსახლეობისა და ტურისტების დიდი ინტერესის გათვალისწინებით, 2016 წელს გადაწყდა, რომ „ქართული ღვინის დღე“ კვირეულის სახეს მიიღებდა, 2018 წელს კი ქართული ღვინის დღეები უფრო ფართოდ აღინიშნება: ღვინის ეროვნული სააგენტოს ორგანიზებით, 5-დან 21 ოქტომბრამდე თბილისსა და საქართველოს რეგიონებში ქართული ღვინის დღეები „ღვინობისთვე 2018“ სხვადასხვა ღონისძიებით აღინიშნება.წლევანდელი ფესტივალი ნიაზდიასამიძისა და ანსამბლ 33ა-სკონცერტით დასრულდა.