#

ევროკავშირის ახალი პროექტი გარემოსდაცვითი სექტორის მხარდასაჭერად

გარემოსა დაცვისა და სოფლის მეურნეობის სამინისტრომ და ევროკავშირმა დაიწყო ახალი პროექტი, რომელიც მიზნად ისახავს გარემოსდაცვითი სექტორის მხარდაჭერის გაძლიერებას საქართველოში. აღნიშნული პროექტის სახელწოდებაა „მხარდაჭერა საქართველო-ევროკავშირს შორის ასოცირების შესახებ შეთანხმების გარემოსდაცვითი ვალდებულებების განსახორციელებლად“. პროექტის გახსნის ღონისძიებაზე, გარემოს დაცვისა და სოფლის მეურნეობის მინისტრის მოადგილე ხატია წილოსანმა ახალი პროექტის „მხარდაჭერა საქართველო-ევროკავშირს შორის ასოცირების შესახებ შეთანხმების გარემოსდაცვითი ვალდებულებების განსახორციელებლად’’ მნიშვნელობას გაუსვა ხაზი და ევროკავშირს მადლობა გადაუხადა ასოცირების შესახებ შეთანხმების ფარგლებში ნაკისრი გარემოსდაცვითი ვალდებულებების შესრულების პროცესში მხარდაჭერისთვის.“ევროკავშირი აძლიერებს თავის მხარდაჭერას საქართველოში გარემოს დაცვის მიმართულებით. ახალი პროექტი გულისხმობს გარემოს დაცვის,  გარემოზე მავნე ზემოქმედების შემცირების და  ატმოსფერული ჰაერის ხარისხის გაუმჯობესების კუთხით ღონისძიებების გატარებას. პროექტი ითვალისწინებს ჯანსაღი, ეკოლოგიურად სუფთა გარემოს შექმნასა და მოსახლეობის ჯანმრთელობის დაცვას გარემო პირობების გაუმჯობესების, ჯანსაღი და უსაფრთხო გარემო პირობების უზრუნველყოფის კუთხით”- განაცხადა ვინსენტ რეიმ, საქართველოში ევროკომისიის წარმომადგენლობის პროექტების განყოფილების ხელმძღვანელმა.აღნიშნული პროექტის მიზანს საქართველო-ევროკავშირს შორის ასოცირების შესახებ შეთანხმების ფარგლებში საქართველოს მიერ ნაკისრი გარემოსდაცვითი ვალდებულებების შესრულების ხელშეწყობა წარმოადგენს.პროექტი 5 ძირითად კომპონენტს მოიცავს და ითვალისწინებს შემდეგ ქმედებებს: გარემოსდაცვითი პასუხისმგებლობის კანონპროექტის შესაბამისი კანონქვემდებარე აქტების შემუშავებას საზღვაო გარემოს ეროვნული სტრატეგიისა და მოქმედებათა პროგრამის შემუშავებას შესაძლებლობათა გაძლიერებას ასოცირების შესახებ შეთანხმების აქროლადი ორგანული ნაერთების (VOCs, აონ-ები) დირექტივების ვალდებულებების აღსრულებისა და ჰაერის ხარისხთან დაკავშირებული დებულებების განხორციელებისთვის ზურმუხტის ქსელის განვითარებასა და ბიომრავალფეროვნების მონიტორინგის ეროვნული სისტემის  (NBMS) ინდიკატორების დანერგვას ასოცირების შესახებ შეთანხმებით გათვალისწინებულ სხვა ვალდებულებების განხორციელებას. გარემოს დაცვისა და სოფლის მეურნეობის მინისტრის მოადგილემ ხატია წილოსანმა ვრცლად ისაუბრა გარემოს დაცვის სფეროში სახელმწიფოს მიერ გატარებულ პოლიტიკაზე, განხორციელებულ და დაგეგმილ ღონისძიებებზე. ხატია წილოსანმა ახალი პროექტის „მხარდაჭერა საქართველო-ევროკავშირს შორის ასოცირების შესახებ შეთანხმების გარემოსდაცვითი ვალდებულებების განსახორციელებლად’’ მნიშვნელობას გაუსვა ხაზი და ევროკავშირის და საერთაშორისო დონორ ორგანიზაციებს მადლობა გადაუხადა ასოცირების შესახებ შეთანხმების ფარგლებში ნაკისრი გარემოსდაცვითი ვალდებულებების შესრულების პროცესში მხარდაჭერისთვის.ღონისძიება გარემოს დაცვისა და სოფლის მეურნეობის სამინისტროს ორგანიზებით, საქართველოში ევროკავშირის წარმომადგენლობასთან თანამშრომლობითა და საქართველოს პარლამენტის გარემოს დაცვისა და ბუნებრივი რესურსების კომიტეტის, საგარეო საქმეთა სამინისტროს,  ეკონომიკისა და მდგრადი განვითარების სამინისტროს, რეგიონული განვითარებისა და ინფრასტრუქტურის სამინისტროს, სსიპ დაავადებათა კონტროლისა და საზოგადოებრივი ჯანმრთელობის ეროვნული ცენტრის, ეკონომიკისა და მდგრადი განვითარების სამინისტროს სსიპ ტექნიკური და სამშენებლო ზედამხედველობის სააგენტოს უშუალო ჩართულობით გაიმართა.ღონისძიებას აგრეთვე, გაეროს განვითარების პროგრამის (UNDP), გერმანიის საერთაშორისო თანამშრომლობის საზოგადოების (GIZ), კავკასიის რეგიონული გარემოსდაცვითი ცენტრის (REC Caucasus), ნაკრესი - სახეობათა კონსერვაციის სამეცნიერო-კვლევითი ცენტრი, საქართველოს მწვანეთა მოძრაობა/დედამიწის მეგობრები – საქართველო, ბუნების დაცვის მსოფლიო ფონდის (WWF), ფონდი „კავკასიის ეკოლოგია“, ბენზინგასამართი სადგურების მფლობელების და შესაბამისი ბიზნეს ასოციაციის წარმომადგენლები ესწრებოდნენ. 
#

მთავრობის წარმომადგენლები პანკისის ხეობაში მოსახლეობას შეხვდნენ

„პანკისის ხეობის განვითარების გეგმა ითვალისწინებს როგორც სოფლის მეურნეობის, ასევე ინფრასტრუქტურისა და ენერგეტიკული მიმართულების პროექტების განხორციელებას. ჩვენთვის მნიშვნელოვანია, მოსახლეობა მაქსიმალურად იყოს ინფორმირებული ყველა იმ პროექტის შესახებ, რომლის განხორციელებასაც  სახელმწიფო გეგმავს“, - განაცხადა გარემოს დაცვისა და სოფლის მეურნეობის მინისტრმა, ლევან დავითაშვილმა პანკისის ხეობაში მოსახლეობასთან შეხვედრის დროს.დღეს პანკისის ხეობაში მოსახლეობასთან შესახვედრად რეგიონული განვითარებისა და ინფრასტრუქტურის მინისტრი მაია ცქიტიშვილი, გარემოს დაცვისა და სოფლის მეურნეობის მინისტრი ლევან დავითაშვილი, გარემოს დაცვისა და სოფლის მეურნეობის მინისტრის მოადგილე ნინო თანდილაშვილი, ეკონომიკისა და მდგრადი განვითარების მინისტრის მოადგილე ნათია თურნავა და კახეთის გუბერნატორი ირაკლი ქადაგიშვილი ჩავიდნენ.მთავრობის წევრებმა, უხუცესთა და ქალთა საბჭოების წევრებს, ხეობის მკვიდრ ახალგაზრდებს მიმდინარე და დაგეგმილ პროექტებზე, მათ შორის, სოფლის მეურნეობის და წარმოების განვითარების მიმართულებით არსებულ სახელმწიფო პროგრამებზე, ენერგეტიკულ და ტურისტულ პოტენციალზე და გარემოს დაცვის საკითხებზე მიაწოდეს ინფორმაცია.როგორც შეხვედრაზე აღინიშნა, ენერგეტიკული ობიექტების მშენებლობასთან დაკავშირებით არსებობს შესაბამისი უწყებების კომპეტენტური დასკვნები. მნიშვნელოვანია აღნიშნულ დასკვნებზე მოსახლეობის წვდომისა და სწორი ინფორმაციის მიღების შესაძლებლობა უზრუნველყოფილი იყოს, რათა კომუნიკაციის მიმართულებით ხარვეზმა ხეობის განვითარების პროცესი არ შეაფერხოს.
#

სოფლის მეურნეობის სფეროში კვიპროსთან ურთიერთგაგების მემორანდუმს გაფორმდა

გარემოს დაცვისა და სოფლის მეურნეობის მინისტრმა, ლევან დავითაშვილმა და კვიპროსის რესპუბლიკის საგარეო საქმეთა მინისტრმა, ნიკოს ხრისტოდულიდისმა სოფლის მეურნეობის სფეროში ურთიერთგაგების მემორანდუმს მოაწერეს ხელი.  ორმხრივი დოკუმენტის ხელმოწერის ცერემონია საქართველოს სახელმწიფო ცერემონიების სასახლეში გაიმართა. ურთიერთგაგების მემორანდუმის მიზანია, უზრუნველყოს მხარეებს შორის თანამშრომლობის განვითარება, რომელიც მიზნად ისახავს სოფლის მეურნეობის სფეროში ერთობლივი საქმიანობისა და პროექტების განხორციელებას. „კვიპროსთან, როგორც ტურისტულად კარგად განვითარებულ ქვეყანასთან, აგროსასურსათო მიმართულებით სავაჭრო ურთიერთობის გაზრდა ძალიან მნიშვნელოვანია. ასევე მნიშვნელოვანია მევენახეობა-მეღვინეობის სექტორში თანამშრომლობა, რადგან განვითარების ტენდენცია მზარდია.  ჩვენ საშუალება გვაქვს ვენახის ისეთი ქართული ჯიშები შევთავაზოთ კვიპროსის მხარეს, რომლებიც მათ რთულ კლიმატურ პირობებს კარგად შეეგუება. ასე რომ, ორ ქვეყანას შორის თანამშრომლობის რეალური პერსპექტივა რამდენიმე მიმართულებით არსებობს და  პრიორიტეტულია“, - განაცხადა ლევან დავითაშვილმა. კვიპროსის დელეგაცია, პრეზიდენტის, ნიკოს ანასტასიადისის ხელმძღვანელობით, საქართველოში ოფიციალური ვიზიტით პირველად იმყოფება.  ვიზიტის ფარგლებში კვიპროსის რესპუბლიკის პრეზიდენტი საქართველოს პრეზიდენტ სალომე ზურაბიშვილს შეხვდა. დღესვე დაგეგმილია შეხვედრები პრემიერ-მინისტრთან, მამუკა ბახტაძესთან  და პარლამენტის თავმჯდომარესთან, ირაკლი კობახიძესთან.
#

სოფლის მეურნეობის და სოფლის განვითარების 2021-2027 წლების სტრატეგიის საჯარო განხილვის მიზნით შეხვედრა გაიმართა

გარემოს დაცვისა და სოფლის მეურნეობის მინისტრის პირველმა მოადგილემ, გიორგი ხანიშვილმა სოფლის მეურნეობის და სოფლის განვითარების 2021-2027 წლების სტრატეგიის საჯარო განხილვის მიზნით გამართული შეხვედრა მისასალმებელი სიტყვით გახსნა.გიორგი ხანიშვილის განცხადებით, უმნიშვნელოვანესია სოფლის მეურნეობისა და სოფლის განვითარების სტრატეგიების გაერთიანების შედეგად მიღებული ახალი სტრატეგიის სამუშაო ვერსიის დაინტერესებულ მხარეებთან ერთად განხილვა, რაც საჯაროობის პრინციპის დაცვით, სრულყოფილი დოკუმენტის შემუშავებას უზრუნველყოფს.როგორც მინისტრის პირველმა მოადგილემ განაცხადა, სტრატეგიის სამუშაო ვერსია მდგრადი განვითარების პრინციპებზე დაყრდნობით, სოფლად ეკონომიკური შესაძლებლობების განვითარებას, სოციალური მდგომარეობის გაუმჯობესებას და სასურსათო უსაფრთხოების უზრუნველყოფას ითვალისწინებს.როგორც შეხვედრაზე აღინიშნა, სოფლის მეურნეობის და სოფლის განვითარების 2021-2027 წლების სტრატეგიის ძირითად სტრატეგიულ მიმართულებებს - სასოფლო-სამეურნეო და არასასოფლო-სამეურნეო სექტორების კონკურენტუნარიანობის ამაღლება, სოციალური მდგომარეობის გაუმჯობესება, ბუნებრივი რესურსების რაციონალური გამოყენება და კლიმატის ცვლილებასთან ადაპტაცია ასევე, სურსათის, ვეტერინარიის და მცენარეთა დაცვის სისტემების გაუმჯობესება წარმოადგენს.ღონისძიებაზე სოფლის მეურნეობის და სოფლის განვითარების 2021-2027 წლების სტრატეგიის ძირითადი მიმართულებების პრეზენტაცია პოლიტიკისა და ანალიტიკის დეპარტამენტის ხელმძღვანელმა, ეკატერინე ზვიადაძემ წარმოადგინა.შეხვედრა საინტერესო დისკუსიით დასრულდა, რომელსაც სამთავრობო, არასამთავრობო, სამოქალაქო სექტორის, დონორი ორგანიზაციების და ადგილობრივი განვითარების ჯგუფების (LAG) წარმომადგენლები ესწრებოდნენ.
#

ლევან დავითაშვილი რომში, FAO-ს გენერალური დირექტორობის კანდიდატთა წინასაარჩევნო პროგრამების პრეზენტაციას დაესწრო

საქართველოს გარემოს დაცვისა და სოფლის მეურნეობის მინისტრი ლევან დავითაშვილი რომში, გაეროს სურსათისა და სოფლის მეურნეობის ორგანიზაციის (FAO) გენერალური დირექტორის ვაკანტურ თანამდებობაზე ქვეყნების მიერ წარდგენილი კანდიდატების წინასაარჩევნო პროგრამების პრეზენტაციას დაესწრო. გაეროს სურსათისა და სოფლის მეურნეობის ორგანიზაციის საბჭოს სხდომაზე  საქართველოს მიერ წარდგენილმა კანდიდატმა საკუთარ გამოსვლაში ორგანიზაციის რეფორმირების აუცილებლობას, პროფესიონალი, მაღალკვალიფიციური კადრების მობილიზების მნიშვნელობას, ორგანიზაციის დეცენტრალიზაციისა და გარემოსდაცვითი და სასურსათო უსაფრთხოების სისტემების გაძლიერების აუცილებლობას გაუსვა ხაზი. აღსანიშნავია, რომ რომში, პოლიტიკის სწავლებათა ინსტიტუტში,  „ჩეთემ ჰაუსის“ ფორმატში, FAO-ს გენერალური დირექტორობის ქართველი და ფრანგი კანდიდატების დებატები გაიმართა თემაზე „სასურსათო უსაფრთხოების მიღმა“. დებატების მიზანია, ხელი შეუწყოს კანდიდატთა წინასაარჩევნო პროგრამების გამჭვირვალობას, საზოგადოების ჩართულობასა და ცნობადობის გაზრდას. დებატები მაღალი ინტერესის საგანს წარმოადგენდა და მასში მონაწილეობდნენ არასამთავრობო სექტორის, აკადემიური წრეების, FAO-ს წევრი ქვეყნების მუდმივი წარმომადგენლები და აკრედიტებული მედია. „ქართველი კანდიდატის წარდგენა FAO-ს გენერალური დირექტორის თანამდებობაზე არის არამხოლოდ საქართველოს, არამედ რეგიონისთვის პირველი პრეცედენტი. მინდა იმედი გამოვთქვა, რომ წევრი ქვეყნები მხარს დაუჭერენ კომპეტენტურ, მაღალი კვალიფიკაციის მქონე და რეფორმებზე ორიენტირებულ კანდიდატს, რაც უზრუნველყოფს მსოფლიოს ყველა რეგიონის თანაბარ წარმომადგენლობას სიღარიბის დაძლევის და სურსათზე თანაბარი ხელმისაწვდომობის მიმართულებით“, - განაცხადა გარემოს დაცვისა და სოფლის მეურნეობის მინისტრმა, ლევან დავითაშვილმა.როგორც საქართველოს საგანგებო და სრულუფლებიანმა ელჩმა იტალიის რესპუბლიკაში კონსტანტნე სურგულაძემ აღნიშნა, საქართველოს კანდიდატს შეუძლია ღირსეულად წარადგინოს ქვეყანა საერთაშორისო ასპარეზზე და აღნიშნული ორგანიზაციის განვითარების მიმართულებით საკუთარი ხედვა გააცნოს აკადემიური, პოლიტიკურ წრეებისა და მედიის წარმომადგენლებს.საერთაშორისო აგროსასურსათო კავშირის განვითარებისა და პოლიტიკის მრჩეველმა, ბრაიან ბოლდუინმა ქართველი კანდიდატის შეფასებისას აღნიშნა, რომ განსაკუთრებით მნიშვნელოვანი იყო კანდიდატის ხედვა კერძო სექტორის როლზე, რაც დაკავშირებულია როგორც სურსათის წარმოების, ისე სურსათის უვნებლობის, მცირე და საშუალო ფერმერების როლზე სასურსათო სისტემების გაძლიერებაში; ასევე, მისი დამოკიდებულება ორგანიზაციის გამჭვირვალობის საკითხზე, რაც ხელს შეუწყობს FAO-ს ორგანიზაციულ გაძლიერებასა და მენეჯმენტის როლის წარმოჩენას. FAO-ს გენერალური დირექტორის არჩევნები ივნისში გაიმართება. აღნიშნულ თანამდებობაზე კენჭს იყრიან საქართველოს, ჩინეთის, საფრანგეთისა და ინდოეთის წარმომადგენლები.
#

საქართველოში საკონსერვაციო შეთანხმებებს მოეწერა ხელი

ადიგენის ახალგაზრდულ ცენტრში, ხელი მოეწერა 1,200,000 ლარის ღირებულების საკონსერვაციო შეთანხმებებს, რომლებიც ეკო-კორიდორების ფონდის (ECF) ფარგლებში, ბუნების დაცვის მსოფლიო ფონდსა (WWF) და ბოლაჯურის, ჩორჩნის, ზანავის, ხევაშენის, ფხეროს და კიკიბოს სათემო კავშირებს შორის გაფორმდა.ღონისძიებას გარემოს დაცვისა და სოფლის მეურნეობის მინისტრის მოადგილე იური ნოზაძე ესწრებოდა.„დაცულ ტერიტორიებს შორის არსებულ  სივრცეში ეკო-კორიდორის მოწყობა, შესაძლებლობას მოგვცემს ტერიტორიაზე არსებული განსაკუთებული მნიშვნელობის ჰაბიტატების დაცვის, რაც ძალიან მნიშვნელოვანია ჩვენი, როგორც ბიომრავალფროვნებით მდიდარი ქვეყნისთვის. პროექტში სამინისტროსთან და დონორ ორგანიზაციებთან ერთად, ჩართული იქნება ადგილობრივი მოსახლეობა და ვფიქრობ, ერთიანი ძალებით უფრო მეტად შევძლებთ ჩვენი ქვეყნის უნიკალური ბუნების ფლორისა და ფაუნის დაცვასა და შენარჩუნებას“, - განაცხადა იური ნოზაძემ.პროექტის ერთ-ერთი მთავარი მიზანია გარემოს დაცვისა და სოფლის მეურნეობის სამინისტროსთან, ადგილობრივ მოსახლეობასა და თვითმმართველობასთან მჭიდრო თანამშრომლობით, ეკოლოგიური კორიდორის ფარგლებში, მდგრადი მიწათ და ტყით სარგებლობის პრაქტიკის დანერგვა. აღნიშნული საქმიანობა ბუნების კონსერვაციასთან ერთად, უზრუნველყოფს მოსახლეობის არსებული სოციალურ-ეკონომიკური მდგომარეობის შენარჩუნებას ან ხშირ შემთვევაში, მის გაუმჯობესებას.  პროგრამის ფარგლებში უკვე ხელმოწერილია ოთხი ათწლიანი საკონსერვაციო შეთანხმება - დერცელის, მოხის, ნამინაურისა და ციხისუბნის სათემო კავშირებთან, რომელთა საერთო ბიუჯეტი 2,250,000 (751 000 ევრო) ლარზე მეტია. საკონსერვაციო არეალის ფართობი კი შეადგენს დაახლოებით 8700 ჰა-ს.ხელმოწერის ცერემონიალის შემდეგ, სტუმრებს საშუალება ჰქონდათ მოენახულებინათ საკონსერვაციო არეალი და დაეთვალიერებინათ 2018 წელს გაფორმებული ხელშეკრულებით, თემების მიერ საკონსერვაციო შეთანხმების ფარგლებში გათვალისწინებული პირველადი ინვესტიციით შეძენილი საველე ტექნიკა/აღჭურვილობა, რაც საჭიროა საკონსერვაციო გეგმით გათვალისწინებული აქტივობების შესასრულებლად.ეკო-კორიდორების ფონდი კავკასიაში (ECF) წარმოადგენს გრძელვადიან ფინანსურ ინსტრუმენტს, რომელიც გრძელვადიანი საკონსერვაციო ხელშეკრულებების საშუალებით, უზრუნველყოფს ბიომრავალფეროვნების კონსერვაციას სამხრეთ კავკასიაში არსებულ ლანდშაფტებში. ღონისძიებას სამთავრობო და არასამთავრობო ორგანიზაციების, გერმანიის საელჩოს, გერმანიის ეკონომიკური განვითარების და თანამშრომლობის სამინისტროს (BMZ), გერმანიის რეკონსტრუქციის საკრედიტო ბანკის (KfW) წარმომადგენლები ესწრებოდნენ.პროგრამა ხორციელდება ბუნების დაცვის მსოფლიო ფონდის (WWF) კავკასიის ოფისის მიერ საქართველოში, სომხეთსა და აზერბაიჯანში სხვადასხვა სამთავრობო თუ არასამთავრობო ორგანიზაციებთან მჭიდრო თანამშრომლობით. ხელმოწერის ღონისძიება გერმანიის ეკონომიკური თანამშრომლობისა და განვითარების სამინისტროს (BMZ), გერმანიის რეკონსტრუქციის საკრედიტო ბანკის (KfW) ფინანსური მხარდაჭერითა და გერმანიის WWF-ის თანადაფინანსებით გაიმართა. პროექტს საკონსულტაციო მომსახურებას უწევს „GOPA Consultants“, „DFS“ და „HessenForst“-ის კონსორციუმი.
#

იტალიის მთავრობამ საქართველოს 2 მილიონი ევრო გამოუყო

 ატმოსფერული ჰაერის ხარისხზე დაკვირვების ახალი სადგურების შეძენისა და ქ. თბილისის ბუნებრივი საფრთხეების რისკების დეტალური შესწავლისათვის იტალიის მთავრობამ 2 მილიონი ევრო გამოყო. საქართველოს გარემოს დაცვისა და სოფლის მეურნეობის მინისტრის მოადგილე ნინო თანდილაშვილი სამინისტროს წარმომადგენლებთან ერთად, საქართველოში ვიზიტად მყოფ იტალიელ ექსპერტთა ჯგუფს შეხვდა. ვიზიტის მიზანია იტალიის რესპუბლიკის გარემოს, ხმელეთისა და ზღვის სამინისტროსა და  საქართველოს გარემოსა და ბუნებრივი რესურსების დაცვის სამინისტროს შორის  გაფორმებული მემორანდუმის ფარგლებში, ქართული მხრისთვის გარემოს დაცვის სფეროში ფინანსური დახმარება.  ურთიერთანამშრომლობის ფარგლებში დაგეგმილია ჰაერის ხარისხის მონიტორინგის ახალი სადგურების შეძენა და ატმოსფერული ჰაერის მოდელირებისა დაპროგნოზირების სისტემის დანერგვა იტალიის გამოცდილების გაზიარებით,  ასევე ქ. თბილისის ტერიტორიის ფარგლებში მდინარე მტკვრისა და მისი შენაკადების აუზებში ჰიდროლოგიური და გეოლოგიური კვლევების განხორციელება. აღსანიშნავია, რომ ჰაერის ხარისხის მონიტორინგის ქსელის გაფართოება კვლავ რჩება სამინისტროს ერთ-ერთ ძირითად პრიორიტეტად. მონიტორინგის გაძლიერების ფარგლებში იგეგმება 5 ახალი თანამედროვე, ევროპული სტანდარტებით აღჭურვილი ჰაერის მონიტორინგის სადგურის შეძენა და ინსტალირება, რაც ხელს შეუწყობს გარემოს ეროვნულ სააგენტოს მონიტორინგის ქსელის გაფართოებას, ხოლო მოდელირების საშუალებით შესაძლებელი იქნება სხვადასხვა არეალებში ჰაერის  ხარისხის მდგომარეობის შეფასება. ასევე მოხდება საველე კვლევების საფუძველზე მიღებული ინფორმაციის დამუშავება და საკვლევ ტერიტორიაზე არსებული ჰიდრომეტეოროლოგიური და გეოლოგიური საფრთხეების შეფასება.იტალიელი ექსპერტების ვიზიტი 12 აპრილამდე გაგრძელდება, ვიზიტის ფარგლებში დაგეგმილია უცხოელი ექსპერტებისა და გარემოს ეროვნული სააგენტოს სპეციალისტების ერთობლივი საველე გასვლები, ატმოსფერული ჰაერის მინიტორინგის ავტომატური საგურების დათვალიერება და სამუშაო პროცესის ადგილზე გაცნობა, ჰიდრომეტეოროლოგიური და გეოლოგიური საფრთხეების კუთხით უკიდურესად დაძაბული, მდ. ვერეს და ლეღვთახევის  ხეობების შეფასება.შეხვედრას გარემოს ეროვნული სააგენტოს, ქ. თბილისის მერიის და თბილისის სახელმწიფო უნივერსიტეტის წარმომადგენლები ესწრებოდნენ.