#

ლევან დავითაშვილი ახალგაზრდა ფერმერებს შეხვდა

გარემოს დაცვისა და სოფლის მეურნეობის მინისტრი ლევან დავითაშვილი ახალგაზრდა ფერმერებს შეხვდა. შეხვედრაზე მინისტრმა ფერმერების შეკითხვებს უპასუხა და ხაზგასმით აღნიშნა უშუალო კომუნიკაციის მნიშვნელობის და საჭიროების შესახებ. საუბარი შეეხო სოფლის მეურნეობის დარგის განვითარებისთვის მნიშვნელოვან საკითხებს, მათ შორის, ყურადღება დარგობრივი განათლების მნიშვნელობაზე, სერვისების გაუმჯობესებასა და  საგრანტო დახმარებების საჭიროებაზე გამახვილდა. შეხვედრაზე მინისტრმა ისაუბრა სოფლის მეურნეობის დარგის განვითარების ხელშემწყობი პროექტების შესახებ და ახალგაზრდა ფერმერებს არსებულ პროექტებში განხორციელებული ცვლილებების შესახებ მიაწოდა ინფორმაცია. როგორც ლევან დავითაშვილმა აღნიშნა, სოფლის მეურნეობის დარგის განვითარებაში ასოციაციებს მნიშვნელოვანი როლი აქვთ და ფერმერთა ასოციაციას აქტიური თანამშრომლობისთვის მადლობა გადაუხადა.ახალგაზრდა ფერმერებთან შეხვედრა გარემოს დაცვისა და სოფლის მეურნეობის სამინისტროში  საქართველოს ფერმერთა ასოციაციის ორგანიზებით გაიმართა. შეხვედრას გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი, ფერმერთა ასოციაციის თავმჯდომარე ნინო ზამბახიძე და მეცხვარეთა ასოციაციის თავმჯდომარე ბექა გონაშვილი ესწრებოდნენ.
#

ბათუმში, ნარჩენების ინტეგრირებული მართვის პროექტის მიმდინარეობა განიხილეს

საქართველოს გარემოს დაცვისა და სოფლის მეურნეობის სამინისტროსთან პარტნიორობით, შვედეთის გარემოს დაცვის სააგენტო პროექტს „ნარჩენების ინტეგრირებული მართვის სისტემის განხორციელების მხარდაჭერა და შესაძლებლობების ზრდა საქართველოში, ფოკუსირებული სახიფათო და ბიოდეგრადირებადი ნარჩენების მართვაზე, ასევე, მწარმოებლის გაფართოებულ ვალდებულებებზე 2016-2019 წლებისთვის" ახორციელებს.  პროექტი  შვედეთის საერთაშორისო განვითარების თანამშრომლობის ორგანიზაციის დაფინანსებით ხორციელდება. პროექტის ფარგლებში,  ბათუმში, სასტუმროში „ინტურისტი“,  5 დღიანი სწავლება გაიმართა.   მონაწილეებს გარემოს დაცვისა და სოფლის მეურნეობის მინისტრის მოადგილემ სოლომონ პავლიაშვილმა მისასალმებელი სიტყვით მიმართა - „მნიშნველოვანია საქართველოს გარემოს დაცვისა და სოფლის მეურნეობის სამინისტროსა და შვედეთის მთავრობას შორის არსებული თანამშრომლობა ერთობლივი პროექტების განხორციელება, რათა მოხდეს თანამედროვე გარემოსდაცვითი მიდგომების გაცნობა და შემდგომში ჩვენს ქვეყანაში დამკვიდრება, რაც ხელს შეუწყობს ევროკავშირის დირექტივების ჰარმონიზებას და განხორციელებას ჩვენს ქვეყანაში. ვიმედოვნებთ გვექნება კვლავაც გავაგრძელოთ თანამშრომლობა შვედეთის მთავრობასთან ახალი პროექტების განხორციელებისათვის.“ სამუშაო შეხვედრაზე სახიფათო ნივთიერებებით დაბინძურებული ადგილების ინვენტარიზაციის და რისკის შეფასების  მეთოდოლოგიაზე იმსჯელეს, რომელსაც იყენებს შვედეთის გარემოს დაცვის სააგენტო. შვედი ექსპერტების მიერ გაზიარებულ იქნა მეთოდოლოგიის გამოყენების თეორიული და პრაქტიკული მაგალითები. ასევე ექსპერტების მიერ გაზიარებულ იქნა შვედეთის გარემოსდაცვითი კანონმდებლობა და ინსტიტუციური მოწყობა.მრავალ აქტუალურ თემასთან ერთად, სასწავლო კურსი ითვალისწინებდა ასევე საწარმოო ტერიტორიაზე სინჯების აღებას. 
#

გორში, დაზარალებულებს ლევან დავითაშვილმა კონკრეტული წინადადებები შესთავაზა

ლევან დავითაშვილი: „შიდა ქართლში სეტყვის შედეგად დაზარალებული ფერმერები მიიღებენ 200 ლარიან ვაუჩერებს; შესაბამისი ხელშეკრულების საფუძველზე, სახელმწიფო გადაიხდის მათი საირიგაციო მომსახურების საფასურს; საფინანსო ინსტიტუტებთან მიღწეული შეთანხმებით, მოხდება სესხების რესტრუქტურიზაცია; დონორი ორგანიზაციების მხარდაჭერით, ამოქმედდება სპეციალური პროგრამები“.გარემოს დაცვისა და სოფლის მეურნეობის მინისტრი ლევან დავითაშვილი, შიდა ქართლის გუბერნატორთან, გიორგი ხოჯევანიშვილთან ერთად, შიდა ქართლში სეტყვის შედეგად დაზარალებულ მოსახლეობასთან შესახვედრად დახმარების კონკრეტული წინადადებებით  ჩავიდა. „ზარალი დიდია და შესაბამისად, გასაგებია ფერმერების გაღიზიანება და ემოციური ფონი. ჩვენ შევძელით მყისიერი დახმარების რესურსის მობილიზება, რაც უკავშირდება მრავალწლიანი კულტურების გადარჩენას.  გვქონდა შეხვედრა საფინანსო ორგანიზაციებისა და ბანკების წარმომადგენლებთან.  მათ გამოთქვეს მზადყოფნა, ინდივიდუალურად განიხილონ ყველას საქმე და მოხდეს სესხების რესტრუქტურიზაცია. ასე, რომ საბანკო სექტორთან შეთანხმება მიღწეულია.  ასევე უმნიშვნელოვანესია საერთაშორისო დონორი ორგანიზაციების მხარდაჭერა. ჩვენ დავიწყეთ აღნიშნული საკითხების განხილვა და მოლაპარაკებები სპეციალური პროგრამების ამოქმედების თაობაზე.ჩვენ აქტიურად ვაგრძელებთ მუშაობას მიწის რეგისტრაციის თემაზე. ამ საკითხს პრემიერ-მინისტრი განსაკუთრებულ პრიორიტეტად განიხილავს. ასევე მინდა, კვლავ ხაზგასმით აღვნიშნო, რომ დაზღვევა არის ზარალის მინიმუმამდე დაყვანის გარანტია. სახელმწიფო აგროდაზღვევის პროექტი ყოველწლიურად იხვეწება და 2020 წელს მაქსიმალურად იქნება ფერმერების ინტერესებზე  მორგებული. იმისათვის, რომ დაზღვევა უფრო ხელმისაწვდომი და ეფექტიანი იყოს, მნიშვნელოვანია საყოველთაო ელემენტის შემოტანა. რაც უფრო მეტი ფერმერი ჩაერთვება პროგრამაში, მით უფრო გაიაფდება სადაზღვევო პაკეტი და, ასევე, გაგრძელდება სახელმწიფოს კომპონენტიც“, - განაცხადა ლევან დავითაშვილმა გორში სეტყვით დაზარალებულ ფერმერებთან შეხვედრაზე. 
#

ავსტრალიელი და ახალი ზელანდიელი სპეციალისტები ფაროსანასთან ბრძოლის საქართველოს წარმატებულ გამოცდილებას გაეცნენ

გარემოს დაცვისა და სოფლის მეურნეობის მინისტრი ლევან დავითაშვილი ავსტრალიელ და ახალ ზელანდიელ სპეციალისტებს  შეხვდა, რომლებიც აზიურ ფაროსანასთან ბრძოლის გამოცდილების გაზიარების მიზნით საქართველოში  იმყოფებიან. ათდღიანი ვიზიტის ფარგლებში, უცხოელი სპეციალისტები ადგილზე გაეცნენ დასავლეთ საქართველოში მავნებელთან ბრძოლის მართვის ცენტრის მუშაობას, მონიტორინგის სისტემას, ღონისძიებების დაგეგმვისა და განხორციელების პროცესს. დაათვალიერეს სასოფლო-სამეურნეო სავარგულები და შეხვდნენ ფერმერებს აღმოსავლეთ საქართველოში, სადაც მავნებელი არ არის გავრცელებული, თუმცა მონიტორინგი მუდმივ რეჟიმში მიმდინარეობს.შეხვედრაზე ახალ ზელანდიელმა და ავსტრალიელმა სპეციალისტებმა  ხაზგასმით აღნიშნეს, რომ საქართველო აზიურ  ფაროსანასთან  ბრძოლის კუთხით მსოფლიოში წამყვანი ქვეყანაა და მას მავნებელთა ბრძოლის წარმატებული გამოცდილება - სისტემური და კოორდინირებული მიდგომა აქვს. ამ გამოცდილების  გაზიარება  იმ ქვეყნებისთვის, რომლებიც მავნებლის გავრცელების საფრთხის წინაშე დგანან განსაკუთრებით მნიშვნელოვანია.„ავსტრალია და ახალი ზელანდია სოფლის მეურნეობის კუთხით, მსოფლიოში ყველაზე წარმატებული ქვეყნები არიან. ამ ქვეყნების ეკონომიკურ განვითარებაში სოფლის მეურნეობა მნიშვნელოვან როლს ასრულებს. აზიური ფაროსანას გავრცელებამ, საქართველო ახალი გამოწვევის წინაშე დააყენა. შესაძლოა, ეს გამოწვევა სხვა ქვეყნების წინაშეც  დადგეს.  შესაბამისად, საქართველოს გამოცდილების და წარმატებული პრაქტიკის გაზიარება ახალ ზელანდიასა და ავსტრალიას დაეხმარება როგორც პრევენციული ღონისძიებების შემუშავებაში, ასევე საჭიროების შემთხვევაში ბრძოლის ღონისძიებების განხორციელებაში“, -აღნიშნა ლევან დავითაშვილმა.„საქართველოს ხელისუფლება მუშაობს ყველა რგოლთან ეს არის ყველაზე მნიშვნელოვანი გაკვეთილი რომელიც ჩვენ ვისწავლეთ კოორდინირებული მიდგომა ყველა იმ პირების მონაწილეობით, რომელზედაც ზეგავლენას ახდენს ფაროსანა. ამიტომაც ჩვენ ვულოცავთ საქართველოს, რადგან ჩვენ ვფიქრობთ, რომ თქვენ გააკეთეთ ის, რაც მსოფლიოში არც ერთ ქვეყანას არ გაუკეთებია“-განაცხადა  - ახალი ზელანდიის ბიოუსაფრთხოების რეაგირების სამსახურის მენეჯერმა ქეთრინ დათიმახალი ზელანდიელი და ავსტრალიელი სპეციალისტების  ვიზიტი, მიმდინარე წლის მარტში, საქართველოში გამართული საერთაშორისო კონფერენციის „აზიურ ფაროსანასთან და მავნებლებთან  ბრძოლა“ ფარგლებში დაიგეგმა. კონფერენციას 26 ქვეყნიდან  დარგის სპეციალისტები და სამეცნიერო წრეების წარმომადგენლები  ესწრებოდნენ.
#

საქართველოში მეცხოველეობის განვითარების მიზნით, ახალი პროექტი დაიწყო

გარემოს დაცვისა და სოფლის მეურნეობის მინისტრი ლევან დავითაშვილი პროექტის „ინვესტირება უვნებელ და ხარისხიან მესაქონლეობაში - საქართველო“ პრეზენტაციას დაესწრო. „ამერიკის შეერთებულ შტატებსა და საქართველოს შორის მჭიდრო მრავალსექტორული თანამშრომლობა  არსებობს.  აღნიშნული საინვესტიციო პროექტი დასტურია ქვეყნებს შორის განსაკუთრებული ურთიერთობის. მნიშვნელოვანია, რომ პროექტი თავისი შინაარსით სოფლად მცხოვრები ადამიანების გამოწვევებს პასუხობს. დიდი მოლოდინი გვაქვს, რომ ეს პროექტი  წარმატებული იქნება“, - განაცხადა ლევან დავითაშვილმა. მინისტრმა მისასალმებელი სიტყვით გამოსვლისას, ამერიკის შეერთებული შტატების მთავრობას მადლობა გადაუხადა გაწეული დახმარებისთვის და პროექტს უმნიშვნელოვანესი უწოდა. საქართველოში ამერიკის შეერთებული შტატების ელჩის მოვალეობის შემსრულებელმა, ელიზაბეტ რუდმა ქვეყნებს შორის არსებული მეგობრული და სტრატეგიული ურთიერთობების მნიშვნელობაზე ისაუბრა და ყურადღება ახალ პროექტზე გაამახვილა. აღსანიშნავია, რომ ახალი პროექტი საქართველოში არსებული მსხვილფეხა პირუტყვის რძისა და ხორცის ინდუსტრიებში სურსათის უვნებლობისა და ხარისხის სტანდარტების გაუმჯობესების მიზნით, აშშ-ის სოფლის მეურნეობის სამინისტროსთან, საქართველოს ფერმერთა ასოციაციასთან, Land O`Lakes International Development-თან და მიჩიგანის სახელმწიფო უნივერსიტეტთან პარტნიორობით ხორციელდება. პროექტის „ინვესტირება უვნებელ და ხარისხიან მესაქონლეობაში“ მიზანს ასევე წარმოადგენს, საქართველოს მასშტაბით,პროგრამაში ჩართული 54,000-ზე მეტი ბენეფიციარისთვის სოფლის მეურნეობის პროდუქტიულობისა და ვაჭრობის პოტენციალის გაზრდა.  პროექტი 5 წლიანია. ბიუჯეტი 14.5 მილიონ აშშ დოლარს შეადგენს. ღონისძიებას შესაბამისი უწყების წარმომადგენლები და დაინტერესებული პირები ესწრებოდნენ. 
#

გარემოს დაცვისა და სოფლის მეურნეობის მინისტრის მოადგილე ხატია წილოსანი პარიზში OIE-ს გენერალურ სესიაში მონაწილეობს

საქართველოს დელეგაცია პარიზში ცხოველთა ჯანმრთელობის დაცვის მსოფლიო ორგანიზაციის  რიგით (OIE) 87-ე გენერალურ სესიის მუშაობაში მონაწილეობს. ცხოველთა ჯანმრთელობის დაცვის მსოფლიო ორგანიზაციის   გენერალური  სესია ყოველწლიურად იმართება  პარიზში და მასში 182 ქვეყნის დელეგატი მონაწილეობს.  25-31 მაისს, გენერალური სესიის ფორმატში განიხილება ისეთი მნიშვნელოვანი საკითხები, როგორებიცაა: ცხოველთა დაავადებების წინააღმდეგ ბრძოლა, ინტეგრირებული მიდგომა  და კონტროლი; ცხოველების ვაქცინაცია და  რისკების  პრევენცია; ცხოველებით  და ცხოველური პროდუქტებით ვაჭრობის საერთაშორისო სტანდარტების დანერგვა. საქართველოს წარმომადგენლებმა სესიის მონაწილეებს საქართველოში არსებული ვითარების, ცხოველთა დაავადებების და გატარებული ღონისძიებების შესახებ ინფორმაცია გააცნეს. ღონისძიების ფარგლებში მონაწილეებს შორის გაიმართა პირისპირ შეხვედრები. „საქართველო აქტიურად თანამშრომლობს ცხოველთა ჯანმრთელობის დაცვის მსოფლიო ორგანიზაციასთან, რაც თანამედროვე სტანდარტების შემუშავებას და საკანონმდებლო დაახლოებას   ითვალისწინებს. ამ მიმართულებით   უკვე გადაიდგა კონკრეტული ნაბიჯები და დღეს  სხვადასხვა დაავადებასთან ბრძოლის პროცესში,  საქართველო აგრძელებს დაავადებათა წინააღმდეგ  ბრძოლის თანმიმდევრულ  პოლიტიკას,  რაც დადებითად აისახება ქვეყნის კეთილსაიმედოობასა და  საექსპორტო პოტენციალზე“, - განაცხადა ხატია წილოსანმა.   ცხოველთა ჯანდაცვის მსოფლიო ორგანიზაცია (OIE) წამყვან როლს ასრულებს და განსაზღვრავს ვეტერინარულ პოლიტიკას და  ზედამხედველობას უწევს მისი  იმპლემენტაციის პროცესს. დელეგაციას გარემოს დაცვისა და სოფლის მეურნეობის მინისტრის მოადგილე ხატია წილოსანი ხელმძღვანელობს და მის შემადგენლობაში არიან სურსათის ეროვნული სააგენტოს უფროსი ზურაბ ჩეკურაშვილი და ორგანიზაციის დელეგატი საქართველოდან, სააგენტოს უფროსის მოადგილე  ვასილ ბასილაძე. 
#

26 მაისის აღსანიშნავი ღონისძიებები ახალციხეში

ღონისძიებებს გარემოს დაცვისა და სოფლის მეურნეობის მინისტრის მოადგილე იური ნოზაძე, სამცხე-ჯავახეთის რწმუნებული ბესიკ ამირანაშვილი, ახალციხისა და ადიგენის მაჟორიტარი დეპუტატი გიორგი კოპაძე და ადგილობრივი ხელისუფლების წარმომადგენლები ესწრებიან."26 მაისი, საქართველოს დამოუკიდებლობის დღე, ჩვენი ქვეყნისთვის ერთ-ერთი ყველაზე მნიშვნელოვანი დღეა და მინდა მივულოცო საქართველოს ყველა მოქალაქეს ეს დღესასწაული. წელს, საზეიმო ღონისძიების კონცეფცია ცოდნის გაზიარებას ეფუძნება. შესაბამისად, გარემოს დაცვისა და სოფლის მეურნეობის სამინისტრო საქართველოს დამოუკიდებლობის დღისადმი მიძღვნილ ყველა ღონისძიებას ამ შინაარსით ახორციელებს. კიდევ ერთხელ, მიდა მივულოცო ყველას საქართველოს დამოუკიდებლობის დღე, წინსვლა და წარმატება ვუსურვო ჩვენ ქვეყანას. "- განაცხადა გარემოს დაცვისა და სოფლის მეურნეობის მინისტრის მოადგილემ იური ნოზაძემ.26 მაისს, რაბათის ციხე რამდენიმე თემატურ ზონად - შემეცნებით, გასართობ, კულტურულ და საგამოფენო სივრცეებად არის დაყოფილი. მოწყობილია საქართველოს დაცული ტერიტორიების და ეროვნული პარკების საინფორმაციო სტენდები. სკოლის მოსწავლეები მართავენ პრეზენტაციებს თემაზე „საქართველოს დაცული ტერიტორიები".ღონისძიების ფარგლებში, დაცული ტერიტორიების განვითარებაში შეტანილი წვლილისთვის, დაჯილდოვდებიან ყველაზე სტაჟიანი, ნორჩი და პირველი ქალი რეინჯერები.ღონისძიების ფარგლებში, ადგილობრივი წარმოების პროდუქციის გამოფენა-გაყიდვა იმართება.საგამოფენო სივრცეში ქართული თეატრის, კინოსა და მუსიკის შესახებ ინსტალაციები და გამოფენება გაერთიანებული. ეწყობა თეატრალიზებული მუსიკალური წარმოდგენები.გასართობ სივრცეში ასევე განთავსებულია საბავშვო კუთხე, სადაც მთელი დღის განმავლობაში საბავშვო-შემეცნებითი გასართობი აქტივობები და სპორტული შეჯიბრებები იმართებამთავარ სცენაზე კონცერტი მიმდინარეობს, რომელშიც ადგილობრივი ანსამბლები და შემოქმედებითი კოლექტივები მონაწილეობენ.ზუსტად 17:10 საათზე, იმ დროს, როდესაც 1918 წელს საქართველოს დამოუკიდებლობა გამოცხადდა, საქართველოს ეროვნული ჰიმნი შესრულდება.