საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

პროექტის საერთო მიზანია საქართველოსთვის დახმარება ნარჩენების მართვის სისტემის შექმნასა და განხორციელებაში, რომელიც შესაბამისობაში იქნება ევროკავშირის მიერ მიღებულ ნორმებთან, რაც ხელს შეუწყობს საქართველოში ზოგადი საცხოვრებელი გარემოს გაუმჯობესებას. პროექტი გათვლილი არის გრძელვადიან შედეგებზე და მიმართული არის საქართველოში საერთო სურათის გამოსწორებისკენ ნარჩენების მართვის მიმართულებით. დაიხვეწება  მმართველობის შესაძლებლობები ეროვნულ დონეზე, რის შედეგადაც შემცირდება ნარჩენების არამართებული განთავსების შედეგად მოსახლეობის ჯანმრთელობაზე მიყენებული ნეგატიური ზემოქმედება. პროექტი ითვალისიწნებს (1) დახმარების გაწევას სახიფათო ნარჩენების ინვენტარიზაციის პროცედურების შემოღების კუთხით; სახიფათო ნარჩენებით ერთ-ერთ  დაბინძურებულ ადგილზე ინვენტარიზაციის ჩატარებას და სახიფათო ნარჩენების მართვის კუთხით არსებული საუკეთესო პრაქტიკის გაზიარებას; (2) ნარჩენების ინტეგრირებული მართვის შესახებ ცოდნის ამაღლებას და გარემოს დაცვის სამინისტროს თანამშრომლების ცოდნის ნაკლოვანებების აღმოფხვრა ნარჩენების მართვის სხვადასხვა ასპექტების შესახებ, როგორებიცაა სახიფათო და ბიოდეგრადირებადი ნარჩენების მართვა, მწარმოებლების  გაფართოებული პასუხისმგებლობა; (3) მუნიციპალური ნარჩენების მართვისათვის ტექნიკური უსაფრთხოების მეთოდოლოგიის შემუშავებას იმ პირთათვის, რომლებიც ჩართულნი არიან ნარჩენების შეგროვებაში, ტრანსპორტირებასა და განთავსებაში; (4) შპს ""მყარი ნარჩენების მართვის კომპანიისა"" და შპს ""თბილსერვის ჯგუფის"" მენჯმენტის და  ნაგავსაყრელების ოპერატორების მხარდაჭერას ნარჩენების მიღების კრიტერიუმების გამოყენების თვალსაზრისით.  

შედეგი
სახიფათო ნარჩენების ინვენტარიზაციის სახელმძღვანელო პრინციპების შემუშავება
აღმასრულებელი უწყებებისათვის ცოდნის მიწოდება, თუ როგორც უნდა მოხდეს ინვენტარიზაციის ჩატარება
სახიფათო ნარჩენების ერთ-ერთ ნაგავსაყრელზე ინვენტარიზაციის ჩატარება, შემდგომი ქმედებებისათვის რეკომენდაციების შემუშავება
შვედეთის EPR სისტემის მიდგომების შესახებ ბიზნეს და სახელმწიფო სექტორის მხრიდან გამოცდილების გაზიარება
ტექნიკური უსაფრთხოების მეთოდოლოგიის შემუშავება
საქართველოში EPR-ის განხორციელების ზოგადი სახელმძღვანელო პრინციპების  შემუშავება
მყარი ნარჩენების მართვის კომპანიის მენეჯმენტის და ნაგავსაყრელების ოპერატორების, შპს ""თბილსერვის ჯგუფისა"" და აჭარის ავტონომიური რესპუბლიკის წარმომადგენლების ცოდნის გაღრმავება იმასთან დაკავშირებით, თუ როგორ უნდა მოხდეს ნარჩენების მიღების კრიტერიუმების დანერგვა."

ბიუჯეტი
SEK 9 000 000 

განმახორციელებელი
შვედეთის გარემოს დაცვის სააგენტო
(პარტნიორები: ინფრასტრუქტურის სამინისტრო, შპს ""მყარი ნარჩენების მართვის კომპანია"", შპს "თბილსერვის ჯგუფი"

საკონტაქტო პირი
Khatuna.zaldastanishvili@sida.se