საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

სკოპინგის ანგარიშის საჯარო განხილვა -მესტიის მუნიციპალიტეტში, ლატალის თემში, შპს „შანჰიდროს”, მდინარე ლაჰლაჭალაზე 13 მგვტ სიმძლავრის ჰიდროელექტროსადგურის (ლაჰლაჭალა ჰესი) მშენებლობისა და ექსპლუატაციის პროექტი

დაგეგმილი საქმიანობის დასახელება: მდინარე ლაჰლაჭალაზე 13 მგვტ სიმძლავრის ჰიდროელექტროსადგურის (ლაჰლაჭალა ჰესი) მშენებლობა და ექსპლუატაცია;
დაგეგმილი საქმიანობის განმახორციელებელი: შპს „შანჰიდრო”
დაგეგმილი საქმიანობის განხორციელების ადგილი: მესტიის მუნიციპალიტეტი, ლატალის თემი. 
დაგეგმილი საქმიანობის სკოპინგის ანგარიშის საჯარო განხილვის  დრო და ადგილი:  2019 წლის  11 მარტი,  14:00 საათი ლატალის კულტურის სახლის შენობა; 
საჯარო განხილვის ორგანიზატორი: საქართველოს გარემოს დაცვისა და სოფლის მეურნეობის სამინისტრო.

2019 წლის  14 თებერვალს,  შპს „შანჰიდრომ” სამინისტროში წარმოადგინა მესტიის მუნიციპალიტეტში, ლატალის თემში, მდინარე ლაჰლაჭალაზე 13 მგვტ სიმძლავრის ჰიდროელექტროსადგურის (ლაჰლაჭალა ჰესი) მშენებლობისა და ექსპლუატაციის  პროექტის სკოპინგის განცხადება. “გარემოსდაცვითი შეფასების კოდექსის” თანახმად,  სკოპინგის დასკვნის მიმღებ უფლებამოსილ ორგანოს წარმოადგენს საქართველოს გარემოს დაცვისა და სოფლის მეურნეობის სამინისტრო. აღნიშნულ სკოპინგის ანგარიშთან დაკავშირებით ლატალის კულტურის სახლის შენობაში გაიმართება საჯარო განხილვა. საჯარო განხილვა ღიაა, მასში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს. 

პროექტის დოკუმენტაციასთან დაკავშირებული  შენიშვნები და მოსაზრებები ასევე შეგიძლიათ წარუდგინოთ სამინისტროს 2019 წლის 12 მარტის ჩათვლით, მისამართზე: ქ.თბილისი, მარშალ გელოვანის გამზირი N6,  ან ელ. ფოსტის მისამართზე eia@mepa.gov.ge.

ასევე, მოთხოვნის შემთხვევაში, სამინისტრო უზრუნველყოფს „გარემოსდაცვითი შეფასების კოდექსით” გათვალისწინებული დოკუმენტაციის მიწოდებას  ნაბეჭდი სახით.

იხილეთ საჯარო განხილვის წესი 
გაზიარება