ძებნა

საჯარო განხილვისთვის

გარემოზე ზემოქმედების შეფასების ანგარიშის საჯარო განხილვა - ფენოლფორმალდეჰიდური ფისის მიღებისა და მის ბაზაზე ყვავილების ღრუბლის დამზადების საწარმოს ექსპლუატაციის პროექტი


დაგეგმილი საქმიანობის დასახელება: ფენოლფორმალდეჰიდური ფისის მიღებისა და მის ბაზაზე ყვავილების ღრუბლის დამზადების საწარმოს ექსპლუატაცია
დაგეგმილი საქმიანობის განმახორციელებელი: შპს „ქსენიია“
დაგეგმილი საქმიანობის განხორციელების ადგილი: ქ.ხაშური, ბექაურის ქუჩა


დაგეგმილი საქმიანობის გარემოზე ზემოქმედების შეფასების ანგარიშის საჯარო განხილვის დრო და ადგილი: 2019 წლის 5 აპრილი 01:00 საათი;  ქ.ხაშურის ადმინისტრაციული ერთეულის შენობა
საჯარო განხილვის ორგანიზატორი: საქართველოს გარემოს დაცვისა და სოფლის მეურნეობის სამინისტრო

2019 წლის 25 თებერვალს, შპს „ქსენიიამ“ სამინისტროში წარმოადგინა "ფენოლფორმალდეჰიდური ფისის მიღებისა და მის ბაზაზე ყვავილების ღრუბლის დამზადების საწარმოს ექსპლუატაციის" პროექტის განცხადება გარემოსდაცვითი გადაწყვეტილების მიღების თაობაზე. “გარემოსდაცვითი შეფასების კოდექსის” თანახმად, გარემოსდაცვითი გადაწყვეტილების მიმღებ უფლებამოსილ ორგანოს წარმოადგენს საქართველოს გარემოს დაცვისა და სოფლის მეურნეობის სამინისტრო. აღნიშნული პროექტის გარემოსდაცვით გადაწყვეტილებასთან დაკავშირებით, ხაშურის მუნიციპალიტეტის ადმინისტრაციული ერთეულის შენობაში გაიმართება საჯარო განხილვა.  საჯარო განხილვა ღიაა, მასში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს.
 
პროექტის დოკუმენტაციასთან დაკავშირებული  შენიშვნები და მოსაზრებები ასევე შეგიძლიათ წარუდგინოთ სამინისტროს არაუგვიანეს 2019 წლის 1 მაისის ჩათვლით მისამართზე: ქ. თბილისი, მარშალ გელოვანის გამზირი N6, ან ელ.ფოსტის  მისამართზე eia@mepa.gov.ge.
 

ასევე, მოთხოვნის შემთხვევაში, სამინისტრო უზრუნველყოფს “გარემოსდაცვითი შეფასების კოდექსით” გათვალისწინებული გადაწყვეტილების მიღებისთვის საჭირო დოკუმენტაციის მიწოდებას ნაბეჭდი სახით.

იხილეთ საჯარო განხილვის წესი 

გაზიარება