ძებნა

საჯარო განხილვისთვის

გარემოზე ზემოქმედების შეფასების ანგარიშის საჯარო განხილვა-ზესტაფონის მუნიციპალიტეტში, სოფელ კვალითში, შპს „მარჯანი 5-ის“ სილიკომანგანუმის (თუჯის, ფოლადის ან/და ფეროშენადნობების წარმოება, პირველადი ან/და მეორეული დნობის ჩათვლით) ჩამოსხმის საწარმოს მოწყობისა და ექსპლუატაციის პროექტი

დაგეგმილი საქმიანობის დასახელება - სილიკომანგანუმის წარმოება

 

დაგეგმილი საქმიანობის განმახორციელებელი: შპს „მარჯანი 5"

 

გარემოზე ზემოქმედების შეფასების ანგარიშის საჯარო განხილვის დრო და ადგილი:

2019 წლის 10 მაისი, 12:00 საათი, ზესტაფონის მუნიციპალიტეტი, სოფ. კვალითის ადმინისტრაციული ერთეულის შენობა

2019 წლის 10 მაისი, 14:00 საათი, ზესტაფონის მუნიციპალიტეტის მერიის შენობა 

 

საჯარო განხილვის ორგანიზატორი: საქართველოს გარემოს დაცვისა და სოფლის მეურნეობის სამინისტრო

 

 2019 წლის 25 მარტს შპს „მარჯანი 5-მა" სამინისტროში წარმოადგინა განცხადება, "სილიკომანგანუმის (თუჯის, ფოლადის ან/და ფეროშენადნობების წარმოება, პირველადი ან/და მეორეული დნობის ჩათვლით) ჩამოსხმის საწარმოს მოწყობისა და ექსპლუატაციის პროექტი" გარემოსდაცვითი გადაწყვეტილების მიღების თაობაზე. 

“გარემოსდაცვითი შეფასების კოდექსის” თანახმად, გარემოსდაცვითი გადაწყვეტილების მიმღებ უფლებამოსილ ორგანოს წარმოადგენს საქართველოს გარემოს დაცვისა და სოფლის მეურნეობის სამინისტრო.

საჯარო განხილვა ღიაა, მასში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს. 

დაგეგმილი საქმიანობის გარემოზე ზემოქმედების შეფასების ანგარიშთან დაკავშირებული წერილობითი შენიშვნები და მოსაზრებები შეგიძლიათ წარუდგინოთ საქართველოს გარემოს დაცვისა და სოფლის მეურნეობის სამინისტროს 2019 წლის 30 მაისამდე, მისამართზე: ქ.თბილისი, მარშალ გელოვანის გამზირი N6, ან ელ. ფოსტის მისამართზე: eia@mepa.gov.ge

გაზიარება