საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

დაგეგმილი საქმიანობის დასახელება: მესტიის მუნიციპალიტეტში 220 კვ ე.გ.ხ „ნენსკრა-მესტიას“ და 500/220/110 კვ ძაბვის ქვესადგურის „ნენსკრა“-ს  მშენებლობა და ექსპლუატაცია

დაგეგმილი საქმიანობის განმახორციელებელი:სს ,,საქართველოს სახელმწიფო ელექტროსისტემა’’

დაგეგმილი საქმიანობის განხორციელების ადგილი: მესტიის მუნიციპალიტეტი

სკოპინგის განცხადება

ქვესადგური „ნენსკრა 500/220/110“ მშენებლობის და ექსპლუატაციის პროექტის სკოპინგის ანგარიში

„220 კვ ე.გ.ხ ნენსკრა-მესტია” მშენებლობის და ექსპლუატაციის პროექტის სკოპინგის ანგარიში

მიმდინარე წლის 20 ივნისს, სს „საქართველოს სახელმწიფო ელექტროსისტემას“ მიერ საქართველოს გარემოს დაცვისა და სოფლის მეურნეობის სამინისტროში წარმოდგენილ იქნა მესტიის მუნიციპალიტეტში,  500/220/110 კვ ძაბვის ქვესადგური „ნენსკრა“-ს და 220 კვ ე.გ.ხ „ნენსკრა-მესტიას“ მშენებლობისა და ექსპლუატაციის პროექტების სკოპინგის ანგარიშები. “გარემოსდაცვითი შეფასების კოდექსის” თანახმად, სკოპინგის დასკვნის მიმღებ უფლებამოსილ ორგანოს წარმოადგენს საქართველოს გარემოს დაცვისა და სოფლის მეურნეობის სამინისტრო.საჯარო განხილვები დაგეგმილი იყო მიმდინარე წლის 11-12 ივლისს, მესტიის მუნიციპალიტეტის  სოფლების - ლეთცერის, ნაკრას და ბეჩოს ადმინისტრაციული ერთეულების შენობებსა და მესტიის მუნიციპალიტეტის გამგეობის ადმინისტრაციულ შენობაში, თუმცა ჭუბერში განვითარებული სტიქიური მოვლენების გათვალისწინებით და საჯარო განხილვების პროცესში საზოგადოების მაღალი ჩართულობის უზრუნველყოფის მიზნით,  სამინისტრომ სს „საქართველოს სახელმწიფო ელექტროსისტემასთან“  შეთანხმებით მიიღო  გადაწყვეტილება საჯარო განხილვის გადადების შესახებ.აღნიშნული პროექტების საჯარო განხილვები გაიმართება მიმდინარე წლის 17-18 სექტემბერს.

დაგეგმილი საქმიანობის  სკოპინგის ანგარიშის საჯარო განხილვის დრო და ადგილი:
• 500/220/110 კვ ძაბვის ქვესადგურის „ნენსკრა“-ს და 220 კვ ე.გ.ხ „ნენსკრა-მესტიას“ მშენებლობისა და ექსპლუატაციის პროექტი 2018 წელი, 17 სექტემბერი 12:00 საათზე, მესტიის მუნიციპალიტეტის, სოფ. ლეთცერის ადმინისტრაციული ერთეულის შენობა;
• 220 კვ ე.გ.ხ „ნენსკრა-მესტიას“ მშენებლობისა და ექსპლუატაციის პროექტი 2018 წელი, 17 სექტემბერი 16:00 საათზე, მესტიის მუნიციპალიტეტის, სოფ. ნაკრას ადმინისტრაციული ერთეულის შენობა;
• 220 კვ ე.გ.ხ „ნენსკრა-მესტიას“ მშენებლობისა და ექსპლუატაციის პროექტი 2018 წელი, 18 სექტემბერი 11:00 საათზე, მესტიის მუნიციპალიტეტის, სოფ. ბეჩოს ადმინისტრაციული ერთეულის შენობა;
• 220 კვ ე.გ.ხ „ნენსკრა-მესტიას“ მშენებლობისა და ექსპლუატაციის პროექტი 2018 წელი, 18 სექტემბერი 15:00 საათზე, მესტიის მუნიციპალიტეტის გამგეობის ადმინისტრაციული შენობა;

სკოპინგის ანგარიშთან დაკავშირებით დაგეგმილი საჯარო განხილვები ღიაა, მასში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს.საჯარო განხილვის დროს ხელმისაწვდომი იქნება პროექტებთან დაკავშირებული დოკუმენტაცია ნაბეჭდი სახით. 

ასევე, მოთხოვის შემთხვევაში, სამინისტრო უზრუნველყოფს “გარემოსდაცვითი შეფასების კოდექსით” გათვალისწინებული გადაწყვეტილების მიღებისთვის საჭირო დოკუმენტაციის მიწოდებას  ნაბეჭდი სახით მისამართზე: ქ.თბილისი, მარშალ გელოვანის გამზირი N6.

იხილეთ საჯარო განხილვის წესი