ძებნა

საჯარო განხილვისთვის

გ ა ნ ც ხ ა დ ე ბ ა - ყაზბეგის მუნიციპალიტეტში საქართველოს საავტომობილო გზების დეპარტამენტის „საერთაშორისო მნიშვნელობის მცხეთა-სტეფანწმინდა-ლარსის საავტომობილო გზის კმ 132-კმ135 მონაკვეთზე გვირაბის შემოსავლელი საავტომობილო გზის სარეაბილიტაციო სამუშაოების და მის მიმდებარედ მდინარის კალაპოტის ფორმირების სამუშაოები“-ს პროექტის სკოპინგის ანგარიშის საჯარო განხილვის თაობაზე

გაცნობებთ, რომ 2019 წლის 9 იანვარს 11 საათზე ყაზბეგის მუნიციპალიტეტის მერიის ადმინისტრაციული ერთეულის შენობაში დაგეგმილი იყო საქართველოს საავტომობილო გზების დეპარტამენტის „საერთაშორისო მნიშვნელობის მცხეთა-სტეფანწმინდა-ლარსის საავტომობილო გზის კმ 132-კმ 135 მონაკვეთზე გვირაბის შემოსავლელი საავტომობილო გზის სარეაბილიტაციო სამუშაოების და მის მიმდებარედ მდინარის კალაპოტის ფორმირების სამუშაოების“ პროექტის სკოპინგის ანგარიშის საჯარო განხილვა (იხ. ლინკი - http://mepa.gov.ge/Ge/PublicInformation/6329).

მეტეოროლოგიური პირობების გაუარესების გამო, საქართველოს საავტომობილო გზების დეპარტამენტთან და ყაზბეგის მუნიციპალიტეტთან შეთანხმებით საჯარო განხილვა გადაიდო. ზემოაღნიშნულის თაობაზე განთავსდა ინფორმაცია მიმდინარე წლის 9 იანვარს (იხ. ლინკი - http://mepa.gov.ge/Ge/PublicInformation/8346).

რთული მეტეოროლოგიური პირობების აღმოფხვრის შემდგომ საჯარო განხილვა ჩანიშნული იყო 2019 წლის 18 იანვარს 11:00 საათზე  ყაზბეგის მუნიციპალიტეტის მერიის ადმინისტრაციული ერთეულის შენობაში (იხ. ლინკი - http://mepa.gov.ge/Ge/PublicInformation/8356).

მეტეოროლოგიური პირობების კვლავ გაუარესების გამო, საქართველოს საავტომობილო გზების დეპარტამენტთან და ყაზბეგის მუნიციპალიტეტთან შეთანხმებით 2019 წლის 18 იანვარის საჯარო განხილვა გადაიდო. რასთან დაკავშირებითაც განთავსდა ინფორმაცია მიმდინარე წლის 17 იანვარს (http://mepa.gov.ge/Ge/PublicInformation/8361)

აღნიშნულ პროექტთან დაკავშირებით დაინტერესებულ საზოგადოებას ვაცნობებთ, რომ რთული მეტეოროლოგიური პირობების აღმოფხვრის შემდგომ სამინისტრომ მიიღო გადაწყვეტილება 2019 წლის 11 თებერვალს 14:00 საათზე ყაზბეგის მუნიციპალიტეტის მერიის ადმინისტრაციული ერთეულის შენობაში საჯარო განხილვის ჩანიშვნის თაობაზე.

საჯარო განხილვა ღიაა, მასში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს.

პროექტის დოკუმენტაციასთან დაკავშირებული  შენიშვნები და მოსაზრებები დამატებით შეგიძლიათ წარუდგინოთ სამინისტროს 2019 წლის 15 თებერვლის ჩათვლით, მისამართზე: ქ.თბილისი, მარშალ გელოვანის გამზირი N6, ან ელ. ფოსტის მისამართზე eia@mepa.gov.ge.

ასევე, მოთხოვნის შემთხვევაში, სამინისტრო უზრუნველყოფს“ გარემოსდაცვითი შეფასების კოდექსით” გათვალისწინებული გადაწყვეტილების მიღებისთვის საჭირო დოკუმენტაციის მიწოდებას  ნაბეჭდი სახით.

იხილეთ საჯარო განხილვის წესი

გაზიარება