#

„მამუკა ხაზარაძე, სულ მცირე, უხერხულობას მაინც უნდა გრძნობდეს, როდესაც სახლემწიფოს ფინანსური მხარადაჭერით აშენებულ მაღალტექნოლოგიურ სათბურშია სტუმრად და ამბობს, რომ საქართველო თოხისა და გუთნის მენტალიტეტში დარჩა”, – გიორგი ხანიშვილი

„ბატონ მამუკას მინდა ვუთხრა, რომ რასაც ის სამომავლოდ გეგმავს, უკვე წლებია ხორციელდება. სოფლის მეურნეობის განვითარების სტრატეგია საერთაშორისო ორგანიზაციების რეკომენდაციების საფუძველზეა შემუშავებული. ამ სტრატეგიის განხორციელების ფარგლებში, მაღალტექნოლოგიური 200-ზე მეტი ახალი საწარმო შეიქმნა, თანამედროვე სტანდარტით გადაიარაღდა 800-ზე მეტი, 8 ათას ჰექტარზე გაშენდა თანამედროვე ტიპის ბაღი, ჩანაცვლება დაიწყო მესაქონლეობაში, რის შედეგადაც, 500 %-ით გაიზარდა მაღალპროდუქტიული ჯიშები. დარგში 2 მილიარდის ინვესტიცია განხორციელბულია კერძო ბიზნესის მიერ, ხოლო სახელმწიფოს მიერ, თანადაფინანსების პროცესში, დაახლოებით, 260 მილიონ ლარამდეა დახარჯული. 2012 წლის შემდეგ, იმპორტირებული სასოფლო-სამეურნეო პროდუქცია, 2018 წელთან შედარებით, არც ერთი პროცენტით არ გაზრდილა, მაშინ როდესაც, სწორედ სახელმწიფო პროგრამების შედეგად შევძელით გაგვეორმაგებინა ექსპორტზე პროდუქციის გატანა. ექსპორტზე გასულია, თითქმის, მილიარდი ღირებულების ქართული პროდუქცია. 2015-2020 წლების განვითარების სტრატეგიას სამინისტრო ეტაპობრივად ახორციელებს და მიმდინარე სამუშაობის შესახებ ინფორმაციას საზოგადოება, მათ შორის, საერთაშორისო საზოგადოებას აცნობს. ბატონო მამუკა, მინდა იცოდეთ, რომ გაეროს სურსათისა და სოფლის მეურნეობის ორგანიზაციის (FAO) წარმომადგენელები აცხადებენ, რომ საქართველოში წარმატებით ხორციელდება სოფლის მეურნეობის სისტემური გარდაქმნა. ეს ნამდვილად არის წარმატება. თუმცა, ჯერ კიდევ მრავალი მნიშვნელოვანი პროექტია განსახორციელებელი, რომელსაც 2020-2021 წლის სტარტეგია ითვალისწინებს. ასე, რომ ნუ შეიყვანენ შეცდომაში საზოგადოებას. ნუ მიაყენებთ შეურაცხყოფას იმ 40 ათასი ფერმერს, რომელიც მაღალი ტექნოლოგიების დანერგვში, ახალი კულტურების მოშენებისა და ახალი ჯიშების გამრავლების პროცესშია ჩართული",- განაცხადა გარემოს დაცვისა და სოფლის მეურნეობის მინისტრის პირველმა მოადგილემ.
#

გარემოს დაცვისა და სოფლის მეურნეობის მინისტრის პირველმა მოადგილემ, გიორგი ხანიშვილმა ეროვნული კონფერენცია „მაღალი ღირებულების საინვესტიციო შესაძლებლობები საქართველოს მებაღეობაში“ მისასალმებელი სიტყვით გახსნა

გიორგი ხანიშვილმა მადლობა გადაუხადა დონორ ორგანიზაციებს საქართველოში სოფლის მეურნეობის დარგის აქტიური მხარდაჭერისთვის. სიტყვით გამოსვლისას მინისტრის პირველმა მოადგილემ ყურადღება გაამახვილა ქვეყანაში მეხილეობის დარგის განვითარების პოტენციალზე და ამ მიზნით, სახელმწიფოს მიერ შემუშავებულ და განხორციელებულ პროგრამებზე ისაუბრა.„წლების განმავლობაში, სახელმწიფოს მიერ განხორციელებულმა პროგრამებმა მნიშვნელოვნად შეუწყო ხელი მებაღეობის მიმართულების განვითარებას. თუმცა დღეს, ქართული სოფლის მეურნეობა უკვე თვისობრივად ახალ საფეხურზე გადადის. ჩვენ უნდა ვაწარმოოთ ისეთი პროდუქცია, რომელიც მაღალ ღირებულებათა სეგმენტში შევა. უნდა განვითარდეს ღირებულებათა სრული ჯაჭვი და ბაზარზე, პირველადი წარმოების პროდუქტებთან ერთად, გადამუშავებული, საბოლოო სახის პროდუქციაც უნდა იყოს წარმოდგენილი. ვფიქრობ, დონორი ორგანიზაციების მხარდაჭერით, აღნიშნული მიმართულებით პოზიტიურ შედეგს მალე მივაღწევთ“,- განაცხადა გიორგი ხანიშვილმა.კონფერენციის ფარგლებში, საქართველოს მებაღეობის განვითარების პერსპექტივები და სექტორში არსებული საუკეთესო საინვესტიციო მიმართულებები განიხილეს. საუბარი შეეხო კაკლოვანი კულტურების, კენკრის და სუფრის ყურძნის განვითარების პოტენციალს, ასევე საქართველოს, როგორც ახალი ხილისა და ბოსტნეულის ლოგისტიკურ ჰაბად ქცევის პერსპექტივას.ღონისძიებას ფერმერები, ხილის მწარმოებლები, ქართული და საერთაშორისო დარგობრივი ასოციაციების წარმომადგენლები და სხვა დაინტერესებული პირები ესწრებოდნენ.კონფერენცია გაეროს სურსათისა და სოფლის მეურნეობის ორგანიზაციის (FAO), ევროპის რეკონსტრუქციისა და განვითარების ბანკისა (EBRD) და ევროკავშირის EU4business ინიციატივის ორგანიზებითა და მხარდაჭერით გაიმართა. 
#

ხატია წილოსანი პროექტის „საქართველოში გეოგრაფიული აღნიშვნების ეფექტური დაცვისა და კონტროლის სისტემის დანერგვა’’ წარდგენას დაესწრო

აქართველოს ინტელექტუალური საკუთრების ეროვნულ ცენტრში, ევროკავშირის მიერ დაფინანსებული პროექტის „საქართველოში გეოგრაფიული აღნიშვნების ეფექტური დაცვისა და კონტროლის სისტემის დანერგვა’’ წარდგენა გაიმართა.ღონისძიებას გარემოს დაცვისა და სოფლის მეურნეობის მინისტრის მოადგილე, ხატია წილოსანი დაესწრო.„გარემოს დაცვისა და სოფლის მეურნეობის სამინისტროსა და ზოგადად, საქართველოს მთავრობისთვის ძალიან მნიშვნელოვანია ყველა იმ მიმართულების მხარდაჭერა, რაც ხელს შეუწყობს ქვეყნის ეკონომიკის განვითარებას, განსაკუთრებით კი, სოფლად მცხოვრები მოსახლეობის ეკონომიკური მდგომაროების გაუმჯობესებას. ვფიქრობ, ქვეყანაში ადგილწარმოშობის დასახელებისა და გეოგრაფიული აღნიშვნების დაცვის ეფექტიანი სისტემის შექმნა შესაძლებლობას მოგვცემს მაქსიმალურად წარმოვაჩინოთ ქართული სასოფლო-სამეურნეო პროდუქციის პოტენციალი. სისტემის დანერგვა ხელს შეუწყობს ქვეყნის კულტურულ იდენტობას, ქართული პროდუქციის პოპულარიზაციას და ექსპორტის, შესაბამისად კი, შემოსავლების ზრდას“, - განაცხადა გარემოს დაცვისა და სოფლის მეურნეობის მინისტრის მოადგილემ, ხატია წილოსანმა.როგორც საქართველოში ევროკავშირის ელჩმა, კარლ ჰარცელმა აღნიშნა, გეოგრაფიული აღნიშვნების და ადგილწარმოშობის დასახელებების დაცვისა და კონტროლის სისტემის დანერგვა მნიშვნელოვანია, როგორც საქართველოს ეკონომიკის განვითარებისთვის, ისე ქართული ტრადიციული, განსაკუთრებული თვისებების მქონე პროდუქტების პოპულარიზაციისთვის.ევროკავშირის მიერ 1.5 მილიონი ევროს ოდენობით დაფინანსებული პროექტის „საქართველოში გეოგრაფიული აღნიშვნების ეფექტური დაცვისა და კონტროლის სისტემის დანერგვა’’ მიზანია, ევროკავშირის გეოგრაფიული აღნიშვნების დაცვის სისტემის დებულებებითა და ეფექტიანი დამხმარე ინსტრუმენტების შექმნის გზით, საქართველოში ადგილწარმოშობის დასახელებისა და გეოგრაფიული აღნიშვნების სისტემის განვითარების ხელშეწყობა. პროექტის ბენეფიციარი საქართველოს ინტელექტუალური საკუთრების ეროვნული ცენტრია.აღნიშნული პროექტი 2021 წლის იანვრის ჩათვლით გაგრძელდება და მას ევროკავშირის წევრი სახელმწიფოების ეროვნული სამსახურები და მოცემულ სფეროში მათი პარტნიორები (იტალია და საფრანგეთი) განახორციელებენ.ღონისძიებას საქართველოში იტალიის რესპუბლიკის ელჩი ენრიკო ბარტოლი, საფრანგეთის რესპუბლიკის საელჩოს, საქართველოს საგარეო საქმეთა სამინისტროს, სახელმწიფო და კერძო ორგანიზაციების წარმომადგენლები, პროექტის ლიდერები და უცხოელი ექსპერტები ესწრებოდნენ.
#

მევენახეობის სასოფლო-სამეურნეო კოოპერატივების ხელშეწყობის პროგრამაში ცვლილებები შევიდა

სოფლისა და სოფლის მეურნეობის განვითარების სააგენტოს მიერ განხორციელებული სახელმწიფო პროგრამა სასოფლო-სამეურნეო კოოპერატივებისთვის ყურძნის პირველადი გადამუშავებისათვის საჭირო საწარმოო დანადგარების შეძენაში თანადაფინანსებას ითვალისწინებს. პროგრამაში მონაწილე კოოპერატივის წევრებს საშუალება აქვთ სარგებელი ღვინის რეალიზაციიდან მიიღონ.პროგრამის შინაარსობრივი ცვლილებები მიზნად ისახავს პროგრამის პირობების გამარტივებას, რაც გულისხმობს სასოფლო-სამეურნეო კოოპერატივების ხელშეწყობას და მათთვის დამატებითი მასტიმულირებელი გარემოს შექმნას, რაც სამომავლოდ განაპირობებს უფრო მეტი სასოფლო-სამეურნეო კოოპერატივის ჩართვას პროგრამაში.ცვლილებების თანახმად პროგრამაში მონაწილეობას შეძლებენ ის სასოფლო-სამეურნეო კოოპერატივები, რომელთა მეპაიეებს საკუთრებაში გააჩნიათ არანაკლებ 20 ჰექტარი ვენახი, ახალი რედაქციით სასოფლო-სამეურნეო კოოპერატივის არანაკლებ 14 მეპაიეს, ნაცვლად 20 მეპაიესი, ინდივიდუალურად საკუთრებაში უნდა ქონდეს ან/და საპაიო შენატანის სახით კოოპერატივში შეტანილი უნდა ქონდეს არანაკლებ 0.3 ჰექტარი ვენახისა. ამასთან, თუ სასოფლო-სამეურნეო კოოპერატივი პროგრამას განახორციელებს „მაღალმთიანი რეგიონების განვითარების შესახებ“ საქართველოს კანონით განსაზღვრულ მაღალმთიან დასახლებაში, სასოფლო-სამეურნეო კოოპერატივის წევრთა რაოდენობა შემცირდება 10 მეპაიემდე, ნაცვლად 20 მეპაიესი, რომელთაგან, არანაკლებ 7 მეპაიეს ინდივიდუალურად საკუთრებაში ან/და საპაიო შენატანის სახით კოოპერატივში შეტანილი უნდა ქონდეს არანაკლებ 0.1 ჰექტარი ვენახისა.ახალი პროექტის თანახმად, სასოფლო-სამეურნეო კოოპერატივები უზრუნველყოფენ საწარმოსათვის განკუთვნილი შენობა-ნაგებობის აშენებას/რეკონსტრუქციას, ხოლო სააგენტო უზრუნველყოფს ბენეფიციარი სასოფლო-სამეურნეო კოოპერატივების მიერ ყურძნის გადამუშავებისთვის საჭირო მანქანა-დანადგარების შესყიდვის ღირებულების 90%-იან თანადაფინანსებას, მაგრამ არაუმეტეს 500 000 ლარისა.აღნიშნული ცვლილება უფრო გაამარტივებს და მოქნილს გახდის პროგრამის შესრულების პირობებს სააგენტოს მხრიდან. თუ პროექტის განხორციელება დაგეგმილია „მაღალმთიანი რეგიონების განვითარების შესახებ“ საქართველოს კანონით განსაზღვრულ მაღალმთიან დასახლებაში, სააგენტოს თანადაფინანსება მოიცავს არანაკლებ 50 ტონა ყურძნის გადამუშავებისთვის საჭირო მანქანა-დანადგარების შესყიდვის ღირებულების, არაუმეტეს 95%-იან თანადაფინანსებას. აღნიშნული ცვლილებით, პროგრამის ფარგლებში შესაძლებელი იქნება მაქსიმალურად ხელი შეეწყოს მაღალმთიან რეგიონებში მცხოვრები მოსახლეობის ეკონომიკური მდგომარეობის გაუმჯობესებას.პროექტის დაწყებიდან დღემდე, მევენახეობის სასოფლო-სამეურნეო კოოპერატივების ხელშეწყობის სახელმწიფო პროგრამის ფარგლებში, ყურძნის გადამმუშავებელი 13 კოოპერაციული საწარმო დაფინანსდა, 12 კახეთის რეგიონში და 1 იმერეთში. კოოპერატივებმა, 100 ტონა ყურძნის მიღება-გადამუშავებისათვის, სახელმწიფოსგან ჯამურად 6 მილიონ ლარამდე ღირებულების საჭირო აღჭურვილობა მიიღეს.
#

„ეს არის უმნიშვნელოვანესი რეფორმის დასაწყისი, რომელიც ხელს შეუწყობს მიწის რეგისტრაციას“, - ლევან დავითაშვილი

მიწის რეგისტრაციის რეფორმის ფარგლებში რეგისტრაციის გამარტივებული წესის შესახებ, იუსტიციის სამინისტროს მიერ მომზადებული საკანონმდებლო ინიციატივა, მთავრობამ დღეს დაამტკიცა და პარლამენტს გადაუგზავნა. მინისტრის განცხადებით, იუსტიციის სამინისტროს მიერ მომზადებული კანონმდებლობა გარემოს დაცვისა და სოფლის მეურნეობის სამინისტროსთვის მნიშვნელოვან საკითხებს გადაჭრის და სამინისტროს მიერ განხორციელებულ პროგრამებს კიდევ უფრო მოქნილს გახდის.„ეს პრობლემა ქვეყანაში წლებია დგას. სოფლის მეურნეობის განვითარების კუთხით, ჩვენ ძალიან ბევრ პროგრამას ვახორციელებთ, მაგრამ მნიშვნელოვანი წინაპირობა რეგისტრირებული მიწის მფლობელობაა. ჩვენი გუნდი წლებია ამ თემაზე მუშაობს. საბოლოოდ ვფიქრობ, რომ ის პაკეტი, რომელიც დღეს არის წარმოდგენილი, ბევრი მიმართულებით არსებული საკითხის მოგვარებას ისახავს მიზნად. არსებულ კანონმდებლობაზე მუშაობის წინაპირობა იყო ის, რომ მიწის სისტემური რეგისტრაციის წარმართვის სწორი მეთოდოლოგია ჩამოგვეყალიბებინა. სახელმწიფო, უკვე 2020 წლიდან, მასშტაბურ და სისტემურ რეგისტრაციას დაიწყებს. ეს არის ერთადერთი გამოსავალი, რომ ჩვენ დაურეგისტრირებელი მიწები აღარ გვქონდეს, რაც არის საფუძველი იმის, რომ განვითარდეს მიწის ბაზარი და შესაბამისად სოფლის მეურნეობა“, - განაცხადა ლევან დავითაშვილმა.მთავრობის სხდომაზე დამტკიცებული საკანონმდებლო ცვლილების თანახმად, მიწის რეგისტრაცია მოქალაქეებს უფრო უმარტივდებათ. 2022 წლის პირველ იანვრამდე დოკუმენტაციის მოძიება და სისტემატიზაცია, გარიგებაზე მხარეთა ხელმოწერების დამოწმება, სანოტარო მედიაცია, მიწის ნაკვეთზე საკუთრების უფლების აღიარება, ფაქტების კონსტატაცია უსასყიდლოდ, საზღაურის გარეშე შესრულდება, ხოლო მიწის ნაკვეთზე საკუთრების უფლება და მასში ცვლილება სააგენტოს მიერ გაწეული მომსახურების საფასურის გადახდის გარეშე დარეგისტრირდება.სისტემური რეგისტრაციის ფარგლებში, 2022 წლის პირველ იანვრამდე სამკვიდრო მოწმობის გაცემა უფასო იქნება. 
#

გარემოს დაცვისა და სოფლის მეურნეობის მინისტრი ლევან დავითაშვილი თერჯოლის მუნიციპალიტეტში, თანამედროვე სტანდარტებით აღჭურვილ ყურძნის გადამმუშავებელ საწარმოს, შპს „ხარებას“ სტუმრობდა

მინისტრმა საწარმოში, წყალტუბოს რეაბილიტაციის პროექტის ფარგლებში, იმერეთის რეგიონის აგროტურიზმის პოტენციალის ათვისებაზე ისაუბრა.„კომპანია „ხარება“ იმერული მეღვინეობის პოპულარიზაციაში მნიშვნელოვან როლს ასრულებს და ვიზიტორებისთვის საინტერესო ობიექტია. „ხარება“ ერთ-ერთი პირველია, ვინც ყურძნის იმერული ჯიშისგან წარმოებული ღვინის ფართო ასორტიმენტი შესთავაზა როგორც ადგილობრივ მომხმარებელს, ისე უცხოელ ვიზიტორებს და ვფიქრობ, რომ დღესაც ავანგარდში რჩება. წყალტუბოს რეაბილიტაციით, იმერეთის რეგიონში ტურიზმის, მათ შორის, ღვინის ტურიზმის განვითარების ძალიან დიდი შესაძლებლობები იქმნება. ამ კონტექსტში, კომპანია „ხარება“ კიდევ უფრო მეტი ვიზიტორის მასპინძელი გახდება“, - განაცხადა ლევან დავითაშვილმა.კომპანიამ „ხარება“ სახელმწიფოს ფინანსური მხარდაჭერით, თანამედროვე სტანდარტებით აღჭურვილი მეურნეობა შექმნა. საწარმოში, წელიწადში, დაახლოებით, 7,000 ტონამდე ყურძენს გადაამუშავებენ, რომლის რეალიზაციაც ადგილობრივ და საერთაშორისო ბაზრებზე ხორციელდება; საწარმოში 85 ადამიანია დასაქმებული.პროექტის ჯამურმა ღირებულებამ 12.5 მილიონი ლარი შეადგინა, საიდანაც 1,062,000 ლარი შეღავათიანი აგროლიზინგია.აღსანიშნავია, რომ სახელმწიფოს დახმარებით, „ერთიანი აგროპროექტის“ ფარგლებში, იმერეთის რეგიონში 9 ახალი საწარმო შეიქმნა და 86 გაფართოვდა.
#

გარემოს დაცვისა და სოფლის მეურნეობის მინისტრი ლევან დავითაშვილი ბაღდათში, ვახტანგ ჯიხვაძის საოჯახო მარანს სტუმრობდა, სადაც ადგილობრივ, საოჯახო მარნების მფლობელ მეღვინეებს შეხვდა და იმერეთის რეგიონში აგროტურიზმის განვითარების კუთხით წყალტუბოს რეაბილიტაციის ინიციატივასა და სამინისტროს მიერ რეგიონში დაგეგმილ პროექტებზე ისაუბრა.

„ღვინის ტურიზმი ქვეყანაში სულ უფრო და უფრო პოპულარულია. იმერეთის რეგიონში მასშტაბური პროექტის დაწყებით, რაც აბასთუმანი-წყალტუბოს განვითარებას გულისხმობს, მეღვინეობის კულტურით და მაღალი ხარისხის ღვინოებით გამორჩეული ბაღდათი მნიშვნელოვანი ტურისტული მარშრუტის შემადგენელი ხდება”, - აღნიშნა მინისტრმა მეწარმეებთან გამართულ შეხვედრაზე.ლევან დავითაშვილმა ბაღდათში არსებული მარნებისა და საოჯახო სასტუმროების განვითარებით ეკონომიკური სარგებლის მიღების მნიშვნელოვან პერსპექტივაზეც ისაუბრა.„ტურისტულ მარშრუტზე, რომელიც აბასთუმანს აკავშირებს წყალტუბოსთან, ჩვენ გვაქვს აჯამეთის აღკვეთილი, სადაც უნიკალური მუხნარი და ბევრი მღვიმეა. ვფიქრობ, ამ რეგიონში ეკოტურიზმი და აგროტურიზმი ერთმანეთს შეავსებს და მეტ მნახველს მოიზიდავს", - განაცხადა ლევან დავითაშვილმა.