ახალი ამბები
გარემოს დაცვისა და სოფლის მეურნეობის მინისტრის მოადგილე ხატია წილოსანი პარკების მწარმოებლებს, ექსპორტიორებს და მსხვილი სავაჭრო ქსელების წარმომადგენლებს შეხვდა
შეხვედრაზე მხარეებმა მიმდინარე წლის პირველი აპრილიდან პლასტიკის პარკების წარმოების, იმპორტისა და რეალიზაციის აკრძალვის საკითხთან დაკავშირებული საკითხები განიხილეს.
ახალ რეგულაციაზე გადასვლასთან დაკავშირებით ბიზნესექტორში არსებული გარკვეული პრობლემების მიუხედავად, აღინიშნა, რომ პლასტიკის პარკების მოხმარება გარემოს გამოუსწორებელ ზიანს აყენებს და ამ ზიანის შემცირება თითოეული მოქალაქის ინტერესი საგანი უნდა იყოს.
აღსანიშნავია, რომ 2019 წლის პირველი აპრილიდან იკრძალება ნებისმიერი სისქის პლასტიკის პარკების წარმოება, იმპორტი და რეალიზაცია. დაშვებული იქნება ნებისმიერი სისქის მხოლოდ ბიოდეგრადირებადი და კომპოსტირებადი პარკების წარმოება, იმპორტი და რეალიზაცია.
პლასტიკის პარკების მოხმარება გლობალური მასშტაბის პრობლემას წარმოადგენს