საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

გარემოზე ზემოქმედების შეფასების ანგარიშის საჯარო განხილვა - ზუგდიდისა და ხობის მუნიციპალიტეტებში, შპს „ანაკლიის განვითარების კონსორციუმის“ ორჯაჭვიანი 35კვ ძაბვის ელექტროგადამცემი ხაზის „ხორგა-ანაკლია“-ს მშენებლობისა და ექსპლუატაციის პროექტი

დაგეგმილი საქმიანობის დასახელება: ორჯაჭვიანი 35კვ ძაბვის ელექტროგადამცემი ხაზის „ხორგა-ანაკლია“-ს მშენებლობა და ექსპლუატაცია

დაგეგმილი საქმიანობის განმახორციელებელი: შპს „ანაკლიის განვითარების კონსორციუმი“

საჯარო განხილვის ორგანიზატორი: საქართველოს გარემოს დაცვისა და სოფლის მეურნეობის სამინისტრო.

მიმდინარე წლის 6 ნოემბერს, შპს „ანაკლიის განვითარების კონსორციუმმა“ გარემოს დაცვისა და სოფლის მეურნეობის სამინისტროში წარმოადგინა გარემოსდაცვითი გადაწყვეტილების მიღების თაობაზე განცხადება ზუგდიდისა და ხობის მუნიციპალიტეტებში,“ ორჯაჭვიანი 35კვ ძაბვის ელექტროგადამცემი ხაზის „ხორგა-ანაკლია“-ს მშენებლობის და ექსპლუატაციის“ პროექტზე.აღნიშნულ გარემოზე ზემოქმედების შეფასების ანგარიშთან  დაკავშირებით, ხობისა და ზუგდიდის მუნიციპალიტეტებში გაიმართება საჯარო განხილვები.

დაგეგმილი საქმიანობის გარემოზე ზემოქმედების შეფასების ანგარიშის საჯარო განხილვების დრო და ადგილები:

2018 წლის 26 დეკემბერი, 13:00 საათი, ხობის მუნიციპალიტეტის, სოფელ ქარიათას ადმინისტრაციული ერთეულის შენობა
2018 წლის 26 დეკემბერი,  16:00 საათი, ხობის მუნიციპალიტეტის სოფელ ახალსოფელის ადმინისტრაციული ერთეულის შენობა
2018 წლის 27 დეკემბერი,  12:00 საათი ზუგდიდის მუნიციპალიტეტის სოფელ ანაკლიის  ადმინისტრაციული ერთეულის შენობა

აღნიშნული დაგეგმილი საქმიანობის საჯარო განხილვები ღიაა, მასში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს. დაგეგმილი საქმიანობის გარემოზე ზემოქმედების შეფასების ანგარიშთან დაკავშირებული წერილობითი შენიშვნები და მოსაზრებები შეგიძლიათ წარუდგინოთ საქართველოს გარემოს დაცვისა და სოფლის მეურნეობის სამინისტროს 2019 წლის 15 იანვრის ჩათვლით, მისამართზე: ქ.თბილისი, მარშალ გელოვანის გამზირი N6, ან ელ. ფოსტის მისამართზე: eia@mepa.gov.ge

ასევე, მოთხოვნის შემთხვევაში, სამინისტრო უზრუნველყოფს “გარემოსდაცვითი შეფასების კოდექსით” გათვალისწინებული გადაწყვეტილების მიღებისთვის საჭირო დოკუმენტაციის მიწოდებას  ნაბეჭდი სახით.

იხილეთ საჯარო განხილვის წესი

 

აღნიშნული განცხადება განახლდა მიმდინარე წლის 30 ნოემბერს. იხ. განცხადება 2018 წლის 27 ნოემბრის განცხადებაში ხარვეზების გასწორების შესახებ

 

 

გაზიარება