საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

მიმდინარე წლის 18 სექტემბერს, შპს „ექსიმგრუპმა“ სამინისტროში წარმოადგინა გარემოსდაცვითი გადაწყვეტილების მიღების თაობაზე განცხადება, თერჯოლის მუნიციპალიტეტში, “ფეროშენადნობების წარმოების ქარხნის (სილიკომანგანუმის საწარმოს) მოწყობისა და ექსპლუატაციის” პროექტზე. აღნიშნულის თაობაზე განცხადება გამოქვეყნდა სამინისტროს ვებ. გვერდზე, 20 სექტემბერს (იხ. ელ. ბმული http://mepa.gov.ge/Ge/PublicInformation/108)

აღნიშნულ პროექტთან დაკავშირებით, საჯარო განხილვა  დაინიშნა მიმდინარე წლის 22 ნოემბერს, თერჯოლის მუნიციპალიტეტის სოფელ კვახჭირსა და ბაღდათის მუნიციპალიტეტის სოფელ ვარციხეში. (იხ. ელ. ბმული http://mepa.gov.ge/Ge/PublicInformation/198)

მიმდინარე წლის 15 ნოემბერს, შპს „ექსიმგრუპმა“  მიმართა საქართველოს გარემოს დაცვისა და სოფლის მეურნეობის სამინისტროს “ფეროშენადნობის წარმოების ქარხნის (სილიკომანგანუმის საწარმოს) მშენებლობისა და ექსპლუატაციის” პროექტის გარემოზე ზემოქმედების შეფასების ანგარიშის საჯარო განხილვების  გადადების შესახებ. მიმართვაში აღნიშნული იყო,  მიმდინარეობდა  პროგრამასთან „აწარმოე საქართველოში“ პროექტის დეტალების შეთანხმება.

აღნიშნული მომართვის საფუძველზე, სამინისტრომ მიიღო გადაწყვეტილება, საჯარო განხილვის გადადების შესახებ (იხ. ელ. ბმული http://mepa.gov.ge/Ge/PublicInformation/3233). შესაბამისად, აღნიშნულმა გამოიწვია არა ადმინისტრაციული წარმოების შეწყვეტა, არამედ შეჩერება.

მიმდინარე წლის 29 ნოემბერს, შპს „ექსიმგრუპმა“ სამინისტროში წარმოადგინა წერილი. მიმართვაში აღნიშნულია, რომ მოხდა შეთანმება პროგრამა “აწარმოე საქართველოსთან”  და ითხოვა პროცესის განახლება და  საჯარო განხილვის ჩანიშვნა.   

აღსანიშნავია, რომ საპროექტო დოკუმენტაციაში ცვლილებები არ შესულა, რაც გულისხმობს, რომ სამინისტროს ვებ. გვერდზე განთავსებულ დოკუმენტაცია უცვლელი დარჩა და მისი განხილვა მოხდება საჯარო განხილვის ფორმატში.  ვინაიდან განსახილველ საკითხზე დროებით შეჩერდა წარმოება, თუმცა დოკუმენტაცია დარჩა უცვლელი და ის ხელმისაწვდომი იყო საზოგადოებისათვის მიმდინარე წლის 20 სექტემბრიდან, სამინისტრო ითვალისწინებს რა როგორც კერძო, ასევე საზოგადოების ინტერესებს,  დამატებით აძლევს ვადას დაინტერესებულ საზოგადოებას გაეცნოს აღნიშნულ პროექტს და წარმოადგინოს საკუთარი მოსაზრებები. 

ზემოაღნიშნულიდან გამომდინარე, შპს „ექსიმგრუპის“ “ფეროშენადნობების წარმოების ქარხნის (სილიკომანგანუმის საწარმოს) მოწყობისა და ექსპლუატაციის” პროექტის  საჯარო განხილვები გაიმართება:

2018 წლის 13 დეკემბერს 12:00 საათზე, თერჯოლის მუნიციპალიტეტის სოფ. კვახჭირის ადმინისტრაციული ერთეულის შენობა;
2018 წლის 13 დეკემბერს 15:00 საათზე, ბაღდათის მუნიციპალიტეტის სოფ. ვარციხის სკოლის შენობა;

საჯარო განხილვის ორგანიზატორი:  საქართველოს გარემოს დაცვისა და სოფლის მეურნეობის სამინისტრო.

საჯარო განხილვა ღიაა, მასში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს. 

პროექტის დოკუმენტაციასთან დაკავშირებული  შენიშვნები და მოსაზრებები ასევე შეგიძლიათ წარუდგინოთ სამინისტროს 2018 წლის 17 დეკემბრის ჩათვლით, მისამართზე: ქ.თბილისი, მარშალ გელოვანის გამზირი N6, ან ელ.ფოსტის  მისამართზე eia@mepa.gov.ge.

ასევე, მოთხოვნის შემთხვევაში, სამინისტრო უზრუნველყოფს “გარემოსდაცვითი შეფასების კოდექსით” გათვალისწინებული გადაწყვეტილების მიღებისთვის საჭირო დოკუმენტაციის მიწოდებას  ნაბეჭდი სახით.

იხილეთ საჯარო განხილვის წესი

აღნიშნული განცხადება განახლებულია 2018 წლის 3 დეკემბერს. იხ. განცხადება შპს “ექსიმგრუპის” “ფეროშენადნობის წარმოების ქარხნის (სილიკომანგანუმის საწარმოს) მშენებლობისა და ექსპლუატაციის” პროექტის საჯარო განხილვის თარიღის ცვლილების თაობაზე