საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

განცხადება შპს „კასლეთი 1“-ის „მდ. კასლეთზე 7.6 მგვტ სიმძლავრის ჰესის (კასლეთი 1 ჰესი) მშენებლობისა და ექსპლუატაციის“ პროექტის გარემოზე ზემოქმედების შეფასების ანგარიშის საჯარო განხილვის თაობაზე

მიმდინარე წლის 2 ოქტომბერს,  შპს „კასლეთი 1“-მა სამინისტროში წარმოადგინა განცხადება მესტიის მუნიციპალიტეტში, „მდ. კასლეთზე 7.6 მგვტ სიმძლავრის ჰესის (კასლეთი 1 ჰესი) მშენებლობისა და ექსპლუატაციის“ პროექტის გარემოსდაცვითი გადაწყვეტილების მიღების თაობაზე. აღნიშნულის თაობაზე განცხადება გამოქვეყნდა ვებ. გვერდზე,  4 ოქტომბერს (იხ. ელ. ბმული http://mepa.gov.ge/Ge/PublicInformation/137)

აღნიშნული პროექტის საჯარო განხილვა დანიშნული იყო 26 ნოემბერს 17:00 საათზე; მესტიის მუნიციპალიტეტი, სოფ. ხაიშის ადმინისტრაციული ერთეულის შენობაში. (იხ. ელ. ბმული http://mepa.gov.ge/Ge/PublicInformation/199)

მიმდინარე წლის 26 ნოემბერს, შპს „კასლეთმა“ საქართველოს გარემოს დაცვისა და სოფლის მეურნეობის სამინისტროს მიმართა  მდ. კასლეთზე 7.6 მგვტ სიმძლავრის ჰესის (კასლეთი 1 ჰესი) მშენებლობის და ექსპლუატაციის პროექტის  საჯარო განხილვის გადადების შესახებ. შესაბამისად, აღნიშნულმა გამოიწვია არა ადმინისტრაციული წარმოების შეწყვეტა, არამედ შეჩერება.

მიმართვაში აღნიშნულია იყო, რომ მიმდინარეობდა ჰიდროელექტროსადგურის ტექნიკური პარამეტრების დაზუსტება და მოგვიანებით მოხდებოდა დაზუსტებული ტექნიკური პარამეტრების წარმოდგენა.  

აღნიშნული მიმართვის საფუძველზე შეჩერდა ადმინისტრაციული წარმოება გარემოსდაცვითი გადაწყვეტილების გაცემის მიზნით და გადაიდო  26 ნოემბრის 17:00 საათზე, მესტიის მუნიციპალიტეტის სოფ. ხაიშის ადმინისტრაციული ერთეულის შენობაში დაგეგმილი საჯარო განხილვა. (იხ. ელ. ბმული http://mepa.gov.ge/Ge/PublicInformation/3246) 

მიმდინარე წლის 30 ნოემბერს, შპს „კასლეთი 1“-მა სამინისტროში წარმოადგინა წერილი, რომლის თანახმად ტექნიკური პარამენტრები დარჩა უცვლელი, შესაბამისად, კომპანიამ ითხოვა პროცესის განახლება და  საჯარო განხილვის ჩანიშვნა.

აღსანიშნავია, რომ ტექნიკურ პარამეტრებში ცვლილებები არ შესულა, რაც გულისხმობს, რომ სამინისტროს ვებ. გვერდზე განთავსებულ დოკუმენტაცია უცვლელი დარჩა და მისი განხილვა მოხდება საჯარო განხილვის ფორმატში.  ვინაიდან განსახილველ საკითხზე დროებით შეჩერდა წარმოება, თუმცა დოკუმენტაცია დარჩა უცვლელი და ის ხელმისაწვდომი იყო საზოგადოებისათვის მიმდინარე წლის 4 ოქტომბრიდან, სამინისტრო ითვალისწინებს რა როგორც კერძო, ასევე საზოგადოების ინტერესებს,  დამატებით აძლევს ვადას დაინტერესებულ საზოგადოებას გაეცნოს აღნიშნულ პროექტს და წარმოადგინოს საკუთარი მოსაზრებები. 

ზემოაღნიშნულიდან გამომდინარე,  „მდ. კასლეთზე 7.6 მგვტ სიმძლავრის ჰესის (კასლეთი 1 ჰესი) მშენებლობისა და ექსპლუატაციის“ პროექტის  საჯარო განხილვა გაიმართება:

2018 წლის   19  დეკემბერს 11:00 საათზე;  მესტიის მუნიციპალიტეტის  სოფელ ხაიშის ადმინისტრაციული ერთეულის შენობაში

საჯარო განხილვის ორგანიზატორი: საქართველოს გარემოს დაცვისა და სოფლის მეურნეობის სამინისტრო

“გარემოსდაცვითი შეფასების კოდექსის” თანახმად, გარემოსდაცვითი გადაწყვეტილების მიმღებ უფლებამოსილ ორგანოს წარმოადგენს საქართველოს გარემოს დაცვისა და სოფლის მეურნეობის სამინისტრო.

საჯარო განხილვა ღიაა, მასში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს პროექტის დოკუმენტაციასთან დაკავშირებული  შენიშვნები და მოსაზრებები ასევე შეგიძლიათ წარუდგინოთ სამინისტროს 2018 წლის 25 დეკემბრის ჩათვლით, მისამართზე: ქ. თბილისი, მარშალ გელოვანის გამზირი N6, ან ელ.ფოსტის  მისამართზე eia@mepa.gov.ge.

ასევე, მოთხოვნის შემთხვევაში, სამინისტრო უზრუნველყოფს “გარემოსდაცვითი შეფასების კოდექსით” გათვალისწინებული გადაწყვეტილების მიღებისთვის საჭირო დოკუმენტაციის მიწოდებას  ნაბეჭდი სახით.

იხილეთ საჯარო განხილვის წესი

      

გარემოსდაცვითი გადაწყვეტილების მიღების თაობაზე განცხადება

გარემოზე ზემოქმედების შეფასების ანგარიში

არატექნიკური რეზიუმე

Shape

გაზიარება