საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

მიმდინარე წლის 6 დეკემბერს განთავსდა განცხადება საქართველოს საავტომობილო გზების დეპარტამენტის თელავი-გურჯაანის (ჩუმლაყის) შემოვლითი გზის მონაკვეთის მშენებლობისა და ექსპლუატაციის პროექტის თაობაზე.

სამინისტრომ პროექტის სიღრმისეული განხილვისა და საფუძვლიანი შესწავლის მიზნით, მიზანშეწონილად მიიჩნია გარემოსდაცვითი გადაწყვეტილების გაცემის მიზნით დაწყებული ადმინისტრაციული წარმოების ვადის 2019 წლის 14 იანვრამდე გაგრძელება, აღნიშნულ განცხადებაზე ადმინისტრაციული წარმოება მიმდინარეობს "გარემოსდაცვითი შეფასების კოდექსის" 48-ე მუხლის პირველი ნაწილის შესაბამისად, რომლის თანახმად, 2018 წლის 1 იანვრამდე „გარემოზე ზემოქმედების ნებართვის შესახებ“ საქართველოს კანონის შესაბამისად დაწყებული ადმინისტრაციული წარმოების შემთხვევაში, გარემოსდაცვითი გადაწყვეტილება გაიცემა 2018 წლის 1 იანვრამდე გარემოზე ზემოქმედების ნებართვის გაცემისთვის დადგენილი წესით. 

ზემოაღნიშნულიდან გამომდინარე, საზოგადოებისგან შენიშვნების მიღების ვადად განისაზღვრა- 2019 წლის 10 იანვრამდე. აღნიშნულის შესაბამისად, ჩასწორდება სამინისტროს ვებ. გვერდზე განთავსებული 30 ნოემბრის განცხადება (იხ. ელ. ბმული http://mepa.gov.ge/Ge/PublicInformation/4292 ).