საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

მიმდინარე წლის 25 ოქტომბერს, შპს „RMG Gold“-მა წარმოადგინა გარემოსდაცვითი გადაწყვეტილების მიღების თაობაზე განცხადება “დმანისის მუნიციპალიტეტში, შპს „RMG Gold“-ის არსებული „საყდრისის“ გროვული გამოტუტვის საწარმოო უბნის ექსპლუატაციის პირობების შეცვლა - მოედნების გაფართოების პროექტზე”. მაღალი საზოგადოებრივი ინტერესის გათვალისწინებით, სამინისტრომ წარმოდგენილი განცხადება განათავსა ვებ გვერდზე.

ადმინისტრაციული წარმოების ფარგლებში, სამინისტრომ, მიმდინარე წლის 21 დეკემბერს,  N11432/01 წერილით მიმართა კომპანიას პროექტთან დაკავშირებული ინფორმაციის დაზუსტების მიზნით.

კომპანიის მხრიდან დაზუსტებული ინფორმაციის წარმოდგენისთანავე, საზოგადოების ინფორმირების მიზნით,  წარმოდგენილი ინფორმაციის განთავსება ასევე მოხდება სამინისტროს ვებ.გვერდზე.