საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

გარემოზე ზემოქმედების შეფასების ანგარიშის საჯარო განხილვა - შუახევის მუნიციპალიტეტში, მდინარე მოდულისწყალზე 4,72 მგვტ სიმძლავრის ჰიდროელექტროსადგურის (გოგინაური ჰესი) მშენებლობის და ექსპლუატაციის პროექტი

დაგეგმილი საქმიანობის დასახელება: მდინარე მოდულისწყალზე 4,72 მგვტ სიმძლავრის ჰიდროელექტროსადგურის (გოგინაური ჰესი)  მშენებლობის და ექსპლუატაციის პროექტი
დაგეგმილი საქმიანობის განმახორციელებელი: შპს „ალტერ ენერჯი“
 დაგეგმილი საქმიანობის განხორციელების ადგილი: შუახევის მუნიციპალიტეტი
დაგეგმილი საქმიანობის გარემოზე ზემოქმედების შეფასების ანგარიშის საჯარო განხილვის დრო და ადგილი:
2019 წლის 26 თებერვალი 12:00 საათი შუახევის მუნიციპალიტეტი, სოფელ მაწყვალთას ადმინისტრაციული ერთეულის შენობა.
2019 წლის 26 თებერვალი 15:00 საათი შუახევის მუნიციპალიტეტი, სოფელ გოგინაურის ადმინისტრაციული ერთეულის შენობა.  

საჯარო განხილვის ორგანიზატორი: საქართველოს გარემოს დაცვისა და სოფლის მეურნეობის სამინისტრო

2019 წლის 16 იანვარს დეკემბერს, შპს „ალტერ ენერჯიმ“ სამინისტროში წარმოადგინა „მდინარე მოდულისწყალზე 4,72 მგვტ სიმძლავრის ჰიდროელექტროსადგურის (გოგინაური ჰესი) მშენებლობის და ექსპლუატაციის პროექტის  განცხადება გარემოსდაცვითი გადაწყვეტილების მიღების თაობაზე. “გარემოსდაცვითი შეფასების კოდექსის” თანახმად, გარემოსდაცვითი გადაწყვეტილების მიმღებ უფლებამოსილ ორგანოს წარმოადგენს საქართველოს გარემოს დაცვისა და სოფლის მეურნეობის სამინისტრო. აღნიშნული პროექტის გარემოსდაცვით გადაწყვეტილებასთან დაკავშირებით, შუახევის მუნიციპალიტეტის, სოფელ გოგინაურსა და სოფელ მაწყვალთას ადმინისტრავიული ერთეულების შენობებში გაიმართება საჯარო განხილვა.  საჯარო განხილვა ღიაა, მასში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს.
 
პროექტის დოკუმენტაციასთან დაკავშირებული  შენიშვნები და მოსაზრებები ასევე შეგიძლიათ წარუდგინოთ სამინისტროს არაუგვიანეს 2019 წლის 15 მარტის ჩათვლით, მისამართზე: ქ. თბილისი, მარშალ გელოვანის გამზირი N6, ან ელ.ფოსტის  მისამართზე eia@mepa.gov.ge.
 

ასევე, მოთხოვნის შემთხვევაში, სამინისტრო უზრუნველყოფს “გარემოსდაცვითი შეფასების კოდექსით” გათვალისწინებული გადაწყვეტილების მიღებისთვის საჭირო დოკუმენტაციის მიწოდებას ნაბეჭდი სახით .
იხილეთ საჯარო განხილვის წესი  გაზიარება