საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

გარემოსდაცვითი გადაწყვეტილების მიღების თაობაზე განცხადება - საქართველოს საავტომობილო გზების დეპარტამენტის თელავი-გურჯაანის (ჩუმლაყის) შემოვლითი გზის მონაკვეთის მშენებლობისა და ექსპლუატაციის პროექტი

2018 წლის 4 დეკემბერს „საქართველოს საავტომობილო გზების დეპარტამენტმა“ სამინისტროში წარმოადგინა განცხადება გურჯაანი (ჩუმლაყი) - თელავის შემოსავლელი საავტომობილო გზის (30კმ) მშენებლობისა და ექსპლუატაციის პროექტი გარემოსდაცვითი გადაწყვეტილების მიღების მიზნით. 2018 წლის 6 დეკემბერს საიმისტროს ოფიციალურ ვებგვერდზე აღნიშნულის თაობაზე განთავსდა განცხადება (იხ. ლინკი - http://mepa.gov.ge/Ge/PublicInformation/4292 ).

ზემოაღნიშნულთან დაკავშირებით სამინისტრომ მიზანშეწონილად მიიჩნია გარემოსდაცვითი გადაწყვეტილების გაცემის მიზნით დაწყებული ადმინისტრაციული წარმოების ვადის 2019 წლის 14 იანვრამდე გაგრძელება. ინფორმაცია განთავსდა სამინისტროს ოფიციალურ ვებგვერდზე - (http://mepa.gov.ge/Ge/PublicInformation/4320 ).

2019 წლის 17 იანვარს „საქართველოს საავტომობილო გზების დეპარტამენტმა“ წერილობით მიმართა სამინისტროს, პროექტში დამატებითი ინფორმაციის წარმოდგენის თაობაზე  და მოითხოვა ადმინისტრაციული წარმოების შეწყვეტა (იხ. ლინკი  - http://mepa.gov.ge/Ge/PublicInformation/8366 ).

2019 წლის 21 თებერვალს „საქართველოს საავტომობილო გზების დეპარტამენტმა“ საქართველოს გარემოს დაცვისა და სოფლის მეურნეობის სამინისტროში ხელმეორედ წარმოდაგინა თელავი-გურჯაანის (ჩუმლაყის) შემოვლითი გზის მონაკვეთის მშენებლობისა და ექსპლუატაციის პროექტის გარემოზე ზემოქმედების შეფასების  ანგარიში, აღნიშნულთან დაკავშირებით სამინისტრომ პროექტის სიღრმისეული განხილვისა და საფუძვლიანი შესწავლის მიზნით, მიზანშეწონილად მიიჩნია გარემოსდაცვითი გადაწყვეტილების გაცემის მიზნით დაწყებული ადმინისტრაციული წარმოების ვადის 2019 წლის 27 მარტამდე გაგრძელება (იხ. N 2-183 ბრძანება ადმინისტრაციული წარმოების ვადის გაგრძელების შესახებ).

გაცნობებთ, რომ წარმოდგენილ განცხადებაზე ადმინისტრაციული წარმოება მიმდინარეობს "გარემოსდაცვითი შეფასების კოდექსის" 48-ე მუხლის პირველი ნაწილის შესაბამისად, რომლის თანახმად, 2018 წლის 1 იანვრამდე „გარემოზე ზემოქმედების ნებართვის შესახებ“ საქართველოს კანონის შესაბამისად დაწყებული ადმინისტრაციული წარმოების შემთხვევაში, გარემოსდაცვითი გადაწყვეტილება გაიცემა 2018 წლის 1 იანვრამდე გარემოზე ზემოქმედების ნებართვის გაცემისთვის დადგენილი წესით.

,,გარემოზე ზემოქმედების ნებართვის შესახებ“  საქართველოს კანონი არ აკისრებს ადმინისტრაციულ ორგანოს ვალდებულებას განათავსოს გარემოსდაცვითი გადაწყვეტილების მიღების თაობაზე განცხადება ოფიციალურ ვებ. გვერდზე, მიუხედავად ამისა, სამინისტრო საზოგადოების ინფორმირებისთვის უზრუნველყოფს შემოსული განცხადებების ვებ. გვერდზე განთავსებას, ასევე შესაბამისი ადმინისტრაციული წარმოების ვადების გათვალისწინებით, განსაზღვრავს საზოგადოებისგან შენიშვნების მიღების ვადას.

გარემოზე ზემოქმედების შეფასების  ანგარიშთან დაკავშირებული  შენიშვნები და მოსაზრებები შეგიძლიათ წარუდგინოთ საქართველოს გარემოს დაცვისა და სოფლის მეურნეობის სამინისტროს 2019 წლის 22 მარტამდე, მისამართზე: ქ.თბილისი მარშალ გელოვანის გამზირი. N6;  eia@mepa.gove.ge