ახალი ამბები
ლევან დავითაშვილი: „კოოპერაცია არის ევროპული გზა, სწორი და უალტერნატივო პრაქტიკა“
გარემოს დაცვისა და სოფლის მეურნეობის მინისტრობის კანდიდატმა, ლევან დავითაშვილმა საკომიტეტო მოსმენაზე, პარლამენტარების კითხვებზე პასუხად განაცხადა, რომ კოოპერაცია აუცილებელი ინსტრუმენტია სოფლის მეურნეობის განვითარებისთვის.
,,კოოპერაცია არის ევროპული გზა, სწორი და უალტერნატივო პრაქტიკა. ამიტომ, ჩამოვაყალიბეთ ახალი ინსტიტუტი - სოფლისა და სოფლის მეურნეობის განვითარების სააგენტო, რომელშიც შევიდა სასოფლო-სამეურნეო კოოპერატივების განვითარების სააგენტოც. ეს არ ნიშნავს, კოოპერაციის მნიშვნელობის შესუსტებას და ჩვენი დამოკიდებულების შეცვლას. პირიქით, ახალი ძლიერი სააგენტო, რომელსაც მეტი ტექნიკური რესურსი ექნება, უკეთესად შეძლებს იმ მიზნების მიღწევას, რაც პირველ რიგში, კოოპერატივების მდგრადობის შენარჩუნებას ემსახურება“, - განაცხადა ლევან დავითაშვილმა.