ძებნა

განცხადებები

REQUEST FOR EXPRESSIONS OF INTEREST (CONSULTING SERVICES – FIRMS SELECTION)

GeorgiaIrrigation and Land Markets Development Project in Georgia (ILMDP), project ID P171796Credit No.: IBRD-90430Assignment Title: Preparing the Concept for Establishment and Development of an Integrated Database on Land Resources Reference No.: IDIC/AF/CS/CQS/02The Borrower has received financing from the World Bank toward the cost of the Irrigation and Land Markets Development Project Additional Financing in Georgia (ILMDP), and intends to apply part of the proceeds for consulting services. The main objective of consulting services (“the Services”) is to prepare the Concept for establishing and developing an integrated database of land resources, according to the guidelinesmentioned below (in ToR in more detail).A) Define together with the agency (and possibly other stakeholders such as key data providers and key data users) the needs that are expected to be fulfilled by the database;B) Identify all the requirements to be fulfilled by the database and the supporting infrastructure. In particular, the integrated database created based on the aforementioned concept shall be compatible with the databases and database management systems of the current and potential information flow centers;C) The concept shall include the hardware and software requirements for establishment, adoption, management and improvement of an integrated database taking into account the current and potential information flows.D) The database shall be able to integrate both the electronic data and the information/ databases obtained in the field;The total duration of the assignment is 5 months.The detailed Terms of Reference (TOR) for the assignment is available on the following link: https://docs.google.com/document/d/18qxNBw8YXorJLY2_Eo6yFa9OvZ2XYJhQ/edit?usp=sharing&ouid=111094613369888933218&rtpof=true&sd=trueThe Ministry of Environmental Protection and Agriculture of Georgia (MEPA) now invites eligible consulting firms (“Consultants”) to indicate their interest in providing the Services. Interested Consultants should provide information demonstrating that they have the required qualifications and relevant experience to perform the Services. The evaluation criteria is:At least 10 years’ experience in assignments enabling organizations to adopt, develop, and operate GIS based functionalities;At least 5 years’ experience of working on similar assignments to the concept described above;In addition to the above, experience in database management related to land resources is preferredNote: Projects presented as references must consist of a single contract (and addendum (if any)) and must be completed within the last 5 years (i.e. from 1st of January 2016), although started earlier.Note: the MEPA reserves it’s right to verify submitted references and use obtained information for evaluation purposes.The attention of interested Consultants is drawn to paragraph 1.9 of the World Bank's Guidelines: Selection and Employment of Consultants under IBRD Loans and IDA Credits & Grants by World Bank Borrowers - January 2011, revised July, 2014 ("Consultant Guidelines"), setting forth the World Bank's policy on conflict of interest.Consultants may associate with other firms to enhance their qualifications, but should indicate clearly whether the association is in the form of a joint venture and/or a sub-consultancy. In the case of a joint venture, all the partners in the joint venture shall be jointly and severally liable for the entire contract, if selected.Experience in the projects relevant to the assignment should be submitted in the Form of references available on the following link:https://drive.google.com/file/d/16F3zJXtgBN0c-oUAvZjrLMwFfeBsDcu-/view?usp=sharingA Consultant will be selected in accordance with the Consultants Qualification Based Selection (CQS) method set out in the Procurement Regulations.Further information can be obtained at the address below during office hours from 11:00 a.m. to 17:00 p.m.Expressions of interest must be delivered in a written form to the address below (in person, or by mail, or by e-mail) by October 21, 2021 at 17:00, Georgian local time.Name of office: Ministry of Environmental Protection and Agriculture of Georgia,Second building on the left from the main buildingFloor/Room number:1st floor, Room 108City: TbilisiZIP Code: 0159Country: GeorgiaE-mail: rusudan.manjgaladze@mepa.gov.ge; Cc: iosebtchonkadze@gmail.com; Web site: www.mepa.gov.ge

ნადირობის სეზონი 2021 წლის აგვისტოს მეოთხე შაბათს გაიხსნება

ნადირობის სეზონი ,,ცხოველთა სამყაროს ობიექტების, მათი სახეობების მიხედვით მოპოვების წესების, ვადებისა და მოპოვებისათვის დაშვებული იარაღისა და მოწყობილობების ჩამონათვალის შესახებ დებულების დამტკიცების თაობაზე“  ბრძანების (N95 27/12/2013წ.) შესაბამისად,  2021 წლის აგვისტოს მეოთხე შაბათს გაიხსნება.  პირი, რომელიც ახორციელებს გადამფრენ ფრინველებზე ნადირობას, ვალდებულია: • ნადირობამდე გადაიხადოს „ბუნებრივი რესურსებით სარგებლობისათვის მოსაკრებლების შესახებ“ საქართველოს კანონით გათვალისწინებული გარემოდან გადამფრენი ფრინველების ამოღებაზე დაწესებული მოსაკრებელი (10 ლარი);  • გადახდიდან შვიდი დღის (გადახდის დღის ჩათვლით) განმავლობაში ნადირობის შემთხვევაში თან იქონიოს ამ მოსაკრებლის გადახდის დამადასტურებელი დოკუმენტი მატერიალური ან ელექტრონული ფორმით;  • ასევე ნადირობისას თან იქონიოს საქართველოს შინაგან საქმეთა სამინისტროს შესაბამისი ორგანოს მიერ გაცემული შესაბამისი სანადირო თოფის შენახვისა და ტარების უფლების დამადასტურებელი დოკუმენტი. ამ მოთხოვნების დაკმაყოფილების შემთხვევაში პირი უფლებამოსილია ინადიროს გადამფრენ ფრინველებზე (ზემოაღნიშნული ბრძანების მოთხოვნათა დაცვით), გარემოდან გადამფრენი ფრინველების ამოღებაზე დაწესებული მოსაკრებლის გადახდის წლის აგვისტოს მეოთხე შაბათიდან მომდევნო წლის პირველ მარტამდე, ხოლო მოსაკრებლის წლის დასაწყისში (იანვარი ან თებერვალი) გადახდის შემთხვევაში, პირი უფლებამოსილია ინადიროს მოსაკრებლის გადახდის წლის პირველ მარტამდე პერიოდში.  მოსაკრებლის გადახდა შესაძლებელია საქართველოს ნებისმიერ ბანკში, მიმღების ბანკი: სახელმწიფო ხაზინა, ბანკის კოდი: 220 101 222, ანგარიშის ნომერი: №200122900, ბიუჯეტის შემოსულობების სახის განმსაზღვრელი სახაზინო კოდი: 3033.გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლები უკანონო ნადირობისა და ნადირობის წესების დარღვევის მიმართულებით, ნადირობის სეზონის ფარგლებში, 24 საათიან გაძლიერებულ კონტროლს განახორციელებენ  მთელი საქართველოს მასშტაბით. მოქალაქეებმა კანონდარღვევის დაფიქსირების შემთხვევაში, უნდა მიმართონ სამინისტროს ცხელ ხაზს - 153 (ინდექსის გარეშე, ზარი უფასოა, ანონიმურობა დაცულია), რათა გარემოსდაცვითი ზედამხედველობის დეპარტამენტის შესაბამისმა რეგიონულმა სამმართველომ მყისიერი რეაგირება მოახდინოს.            ვრცლად, ნადირობისას აკრძალული ქმედებები, ნადირობისათვის დაშვებული გადამფრენი ფრინველების სახეობების ჩამონათვალი, ნადირობის ვადები და დღიური ლიმიტები ნადირობის ადგილების მიხედვით, ასევე განმარტება მოსაკრებლის გადახდისათვის იხილეთ ქვევით: ნადირობა დაშვებულია მხოლოდ ამისათვის სპეციალურად გამოყოფილ ტერიტორიებზე (გარდა გადამფრენი ფრინველებისა) - კანონით დადგენილ შემთხვევებში (სამონადირეო მეურნეობებში). გადამფრენ ფრინველებზე ნადირობა შესაძლებელია სამონადირეო მეურნეობების გარეთაც.ნადირობა აკრძალულია:საქართველოს ქალაქების ადმინისტრაციულ საზღვრებში, სახელმწიფო ნაკრძალებში, ეროვნულ პარკებში, ასევე სახელმწიფო ნაკრძალების გარშემო 500-მეტრიან და ეროვნული პარკების გარშემო 250-მეტრიან ზონებში;სამინისტროს საჯარო სამართლის იურიდიული პირის - ველური ბუნების ეროვნული სააგენტოს მართვაში/სარგებლობაში არსებული საშენი მეურნეობების ფართობებზე;  აკრძალულია ყველა სხვა იარაღით ნადირობა, რომელიც მითითებული არ არის „იარაღის შესახებ” საქართველოს კანონის მე-7 მუხლში, კერძოდ: სანადირო გლუვლულიანი ცეცხლსასროლი იარაღი (თოფი), სანადირო ხრახნილლულიანი ცეცხლსასროლი იარაღი (კარაბინი ან შაშხანა), სანადირო კომბინირებული ცეცხლსასროლი იარაღი (ხრახნილლულიანი და გლუვლულიანი თოფი), სანადირო ცივი და ცივი სასროლი იარაღი; სანადირო პნევმატური იარაღი. ნადირობის აკრძალული მეთოდები:აკრძალულია მთელი წლის განმავლობაში, ნადირობისას:მცენარეული საფარის დაწვა;  გარეულ ფრინველთა კვერცხის შეგროვება და გაყიდვა; ცხოველთა ბუდეების, ბუნაგების, საცხოვრებელი ადგილების მოშლა ან განადგურება;  ცხოველთა მასობრივი მოპოვების საშუალებებით – ყოველგვარი კუსტარული ან ქარხნული წესით დამზადებული ბადეებით, ხაფანგებით, მარყუჟებით, აგრეთვე ორმოებით, სარეგვავებით (სარეჯგველებით), ხმოვანი სიგნალების გამომცემი ელექტრონული (მათ შორის, ავტონომიურ კვების წყაროზე მომუშავე) მოწყობილობების მეშვეობით ფრინველის მოზიდვა, საწამლავით, სანადირო იარაღზე დამონტაჟებული რეფლექტორებით, ასაფეთქებელი საშუალებების გამოყენებით, თოფებისა და სხვა თვითმსროლელი იარაღების დაგუშაგება;  ნადირობა და/ან ცხოველთა მოპოვება (დაჭერა) თვითმფრინავიდან, ვერტმფრენიდან, ავტომობილიდან, მოტოციკლეტიდან, კატარღებიდან, ძრავიანი ნავებიდან და სხვა მოტორიანი სატრანსპორტო საშუალებებიდან, მათ შორის, ღამით განათებული ფარებისა და პროჟექტორების მეშვეობით, ცხოველთა დევნა სატრანსპორტო საშუალებებით, წყალმცურავ ფრინველებზე ნადირობა ძრავაგამოურთველი მოტორიანი ნავებიდან და კატერებიდან (მოპოვება დევნით), ასევე ნადირობა ღამის ცეცხლის დანთებით;  სტიქიური უბედურებების (წყალდიდობა, ხანძარი, დიდი თოვლი და სხვა) დროს დაუძლურებული ცხოველების მოპოვება, აგრეთვე მათზე ნადირობა წყალში გადასვლისას ან სხვა დაბრკოლებების გადალახვისას, მათ შორის, სტიქიური უბედურებისაგან თავის დაღწევის დროს.ნადირობისას დაშვებულია მონადირე ძაღლების ასევე, სანადიროდ გაწვრთნილი მტაცებელი ფრინველების გამოყენება, ამ ფრინველის ფლობის კანონიერების დამადასტურებელი დოკუმენტის არსებობის შემთხვევაში. ნადირობისათვის დაშვებული გადამფრენი ფრინველების სახეობების ჩამონათვალი, ნადირობის ვადები და დღიური ლიმიტები ნადირობის ადგილების მიხედვით   № ლათინური დასახელება / ქართული დასახელება / ვადები / გადამფრენ ფრინველებზე ნადირობის დღიური ლიმიტები  სახეობები, რომლებზეც ნადირობა ნებადართულია სამონადირეო მეურნეობების გარეთ წყალმცურავი ფრინველები, რომლებზეც ნადირობა მითითებულ ვადებში და დღიური ლიმიტებით ნებადართულია საქართველოს ტერიტორიაზე, გარდა ახალქალაქის, ნინოწმინდის, წალკის და დმანისის მუნიციპალიტეტების ტერიტორიებისა 1. Anser anser რუხი ბატი 01.11 – 01.03 5 ცალი 2. Mareca strepera (Anas strepera) რუხი იხვი 01.11 – 01.03 3 ცალი 3. Anas crecca ჭიკვარა (სტვენია იხვი) 01.11 – 01.03 5 ცალი 4. Anas platyrhynchos გარეული იხვი 01.11 – 01.03 6 ცალი 5. Spatula querquedula (Anas querquedula) იხვინჯა (ჭახჭახა იხვი) 01.11 – 01.03 3 ცალი 6. Spatula clypeata (Anas clypeata) ფართოცხვირამ (განიერნისკარტა) იხვი 01.11 – 01.03 3 ცალი 7. Fulica atra მელოტა 01.11 – 01.03 6 ცალი 8. Anas acuta კუდსადგისა (ბოლოსადგისა) იხვი 01.11 – 01.03 3 ცალი 9. Mareca penelope (Anas penelope) თეთრშუბლა იხვი 01.11 – 01.03 6 ცალი 10. Anser albifrons დიდი თეთრშუბლა ბატი 01.11 – 01.03 5 ცალი 11. Aythya ferina წითელთავა ყვინთია 01.11 – 01.03 3 ცალი 12. Aythya fuligula ქოჩორა ყვინთია 01.11 – 01.03 5 ცალი წყალმცურავი ფრინველები, რომლებზეც ნადირობა მითითებულ ვადებში და დღიური ლიმიტებით, ნებადართულია მხოლოდ ახალქალაქის, ნინოწმინდის, წალკის და დმანისის მუნიციპალიტეტების ტერიტორიებზე 1. Anser anser რუხი ბატი 10.09 – 31.12 3 ცალი 2. Mareca strepera (Anas strepera) რუხი იხვი 10.09 – 31.12 2 ცალი 3. Anas crecca ჭიკვარა (სტვენია იხვი) 10.09 – 31.12 3 ცალი 4. Anas platyrhynchos გარეული იხვი 10.09 – 31.12 5 ცალი 5. Spatula querquedula (Anas querquedula) იხვინჯა (ჭახჭახა იხვი) 10.09 – 31.12 2 ცალი 6. Spatula clypeata (Anas clypeata) ფართოცხვირა (განიერნისკარტა) იხვი 10.09 – 31.12 2 ცალი 7. Fulica atra მელოტა 10.09 – 31.12 5 ცალი 8. Anas acuta კუდსადგისა (ბოლოსადგისა) იხვი 10.09 – 31.12 2 ცალი 9. Mareca penelope (Anas penelope) თეთრშუბლა იხვი 10.09 – 31.12 3 ცალი 10. Anser albifrons დიდი თეთრშუბლა ბატი 10.09 – 31.12 3 ცალი 11. Aythya ferina წითელთავა ყვინთია 10.09 – 31.12 2 ცალი 12. Aythya fuligula ქოჩორა ყვინთია 10.09 – 31.12 3 ცალი  სხვა ფრინველები  1. Scolopax rusticola ტყის ქათამი 01.10 – 01.03 5 ცალი 2. Gallinago gallinago ჩიბუხა აგვისტოს მეოთხე შაბათიდან – 15 თებერვლამდე 5 ცალი 3. Coturnix coturnix მწყერი აგვისტოს მეოთხე შაბათიდან – 15 თებერვლამდე 20 ცალი 4. Columba palumbus ქედანი აგვისტოს მეოთხე შაბათიდან – 15 თებერვლამდე 10 ცალი 5. Columba livia გარეული მტრედი აგვისტოს მეოთხე შაბათიდან – 15 თებერვლამდე 10 ცალი 6. Columba oenas გულიო (გვიძინი) აგვისტოს მეოთხე შაბათიდან – 15 თებერვლამდე 10 ცალი 7. Streptopelia turtur ჩვეულებრივი გვრიტი აგვისტოს მეოთხე შაბათიდან – 15 თებერვლამდე 5 ცალი 8 Crex crex ღალღა აგვისტოს მეოთხე შაბათიდან – 15 თებერვლამდე 5 ცალი 9. Lymnocryptes minimus ჩიბუხელა (გარშნეპი) აგვისტოს მეოთხე შაბათიდან – 15 თებერვლამდე 5 ცალი  განმარტება მოსაკრებლის გადახდისათვის: ბიუჯეტის შემოსულობების სახის განმსაზღვრელი სახაზინო კოდი 3033 წარმოადგენს 9 ნიშნიანი კოდის ბოლო ოთხ ციფრს, რომელიც უცვლელია (ერთი და იგივეა ყველა თვითმმართველი ერთეულისათვის _  ქალაქი, რაიონი). 9 ნიშნიანი კოდის პირველი ციფრი არის 3, რომელიც ასევე უცვლელია და ნიშნავს ამკრეფის კოდს, ამ შემთხვევაში არასაგადასახადო შემოსულობებს. ხოლო, შუა 4 ციფრი სხვადასხვაა იმ თვითმმართველი ერთეულის შესაბამისად (ქალაქი, მუნიციპალიტეტი),  სადაც წარმოებს თანხის გადახდა. ზოგადად კოდი ასე გამოიყურება: 3 XXXX 3033. მაგალითად: თბილისისათვის ბიუჯეტის შემოსულობების სახის განმსაზღვრელი სახაზინო კოდია: 3 0077 3033; ახმეტისათვის 3 0054 3033; რუსთავისათვის 3 0006 3033; ქუთაისისთვის 3 0018 3033, ლენტეხისათვის 3 0031 3033 და ა.შ. ბიუჯეტის შემოსულობების სახაზინო კოდები იხილეთ დანართში

დაბინძურების სტაციონარული წყაროებიდან მავნე ნივთიერებათა გაფრქვევების უწყვეტი ინსტრუმენტული თვითმონიტორინგის ელექტრონულ სისტემაში რეგისტრაცია

საქართველოს გარემოს დაცვისა და სოფლის მეურნეობის სამინისტროს ინიციატივით განხორციელებული საკანონმდებლო ცვლილებების თანახმად, 2021 წლის 1 ივნისიდან სავალდებულოა უწყვეტი ინსტრუმენტული თვითმონიტორინგის წარმოება, გარემოსდაცვითი გადაწყვეტილებისადმი დაქვემდებარებული საქმიანობის სუბიექტისთვის, რომელიც ახორციელებს „ატმოსფერული ჰაერის დაცვის შესახებ“ საქართველოს კანონის დანართითა და „დაბინძურების სტაციონარული წყაროებიდან მავნე ნივთიერებათა გაფრქვევების თვითმონიტორინგის და ანგარიშგების წარმოების ტექნიკური რეგლამენტის დამტკიცების თაობაზე“ საქართველოს მთავრობის 2013 წლის 31 დეკემბრის №413 დადგენილებით დამტკიცებული ტექნიკური რეგლამენტის მე-5 დანართით განსაზღვრულ საქმიანობას:ნედლი ნავთობის (გარდა საზეთ-საპოხი მასალისა) გადამუშავება;10 მეგავატი ან 10 მეგავატზე მეტი სიმძლავრის თბოელექტროსადგურის ექსპლუატაცია;თუჯის, ფოლადის ან/და ფეროშენადნობების წარმოება, პირველადი ან/და მეორეული დნობის ჩათვლით;თუჯის ან ფოლადის დნობა პროდუქციის წარმოების მიზნით;შავი ლითონის დამუშავება: ლითონის ცხლად დამუშავება, სამჭედლო გრდემლით, დამცავი ლითონის ფენით დაფარვა წელიწადში 50 ტონა ან 50 ტონაზე მეტი წარმადობით;ფერადი ლითონის (გარდა ძვირფასი ლითონისა) დნობა წელიწადში 20 ტონა ან 20 ტონაზე მეტი წარმადობით;ლითონშემცველი მადნის გამოწვა და აგლომერირება; მეტალურგიული, ქიმიური ან ელექტროქიმიური პროცესების მეშვეობით მადნიდან, კონცენტრატებიდან ან მეორეული ნედლეულიდან ფერადი ლითონების წარმოება, გარდა საიუველირო წარმოებისა;ძირითადი ორგანული ნაერთების წარმოება;ძირითადი არაორგანული ნაერთების წარმოება;ფოსფოროვანი, აზოტოვანი ან/და კალიუმოვანი სასუქების მარტივი ან/და რთული წარმოება; შუალედური პროდუქტის ქიმიური დამუშავებით ქიმიური ნივთიერების წარმოება; ფარმაცევტული პროდუქტების, საღებავების, ლაქების, პეროქსიდის, ელასტომერის ან/და პლასტიკური მასალის წარმოება; ცემენტის, კირის, გაჯის ან/და თაბაშირის წარმოება; მინის ან/და მინის პროდუქციის (მათ შორის, მინის ბოჭკოს) წარმოება. „საქართველოს ადმინისტრაციულ სამართალდარღვევათა კოდექსის“ 761-ე მუხლის თანახმად, გარემოსდაცვითი გადაწყვეტილებისადმი დაქვემდებარებული საქმიანობის განმახორციელებელი სუბიექტის მიერ მავნე ნივთიერებების ორგანიზებული გაფრქვევისას დაბინძურების სტაციონარული წყაროებიდან ატმოსფერულ ჰაერში გაფრქვევების ფაქტობრივი რაოდენობის ინსტრუმენტული მეთოდით უწყვეტად განსაზღვრის ვალდებულების შეუსრულებლობა გამოიწვევს დაჯარიმებას 10 000 ლარის ოდენობით.თვითმონიტორინგის კანონმდებლობის მოთხოვნების დაცვით განხორციელების მიზნით, საჭიროა საქმიანობის სუბიექტის დაბინძურების სტაციონარული წყაროებიდან მავნე ნივთიერებათა გაფრქვევების უწყვეტი ინსტრუმენტული თვითმონიტორინგის ელექტრონულ სისტემაში რეგისტრაცია.ელექტრონულ სისტემაში რეგისტრაციის მიზნით, განაცხადის შევსებული ფორმა (იხ. დანართი) და „დაბინძურების სტაციონარული წყაროებიდან მავნე ნივთიერებათა გაფრქვევების უწყვეტი ინსტრუმენტული თვითმონიტორინგის ელექტრონული სისტემის წარმოების ინსტრუქციის დამტკიცების შესახებ“ საქართველოს გარემოს დაცვისა და სოფლის მეურნეობის მინისტრის 2021 წლის 24 მაისის №2-740 ბრძანებით გათვალისწინებული დოკუმენტაცია წარდგენილ უნდა იქნეს გარემოსდაცვითი ზედამხედველობის დეპარტამენტში (თბილისი, გ. გულუას ქ. 6), info@des.gov.ge.  

საქართველოს მთავრობის დადგენილება N510 -ში (2016 ) - „სურსათზე კვებით ღირებულებასა და ჯანმრთელობასთან დაკავშირებული განაცხადის განთავსების წესის დამტკიცების შესახებ“

საქართველოს მთავრობის 2016 წლის 1 ივლისს N301 დადგენილებით დამტკიცდა „ტექნიკური რეგლამენტი - მომხმარებლისათვის სურსათის შესახებ ინფორმაციისმიწოდების თაობაზე დამტკიცების შესახებ“.რეგლამენტის თანახმად, „სავალდებულო მონაცემების ჩამონათვალში“ (მუხლი 8.) განსაზღვრულია „ალერგიის გამომწვევი ან მომეტებულიმგრძნობელობის მქონე ნივთიერებები ან პროდუქტების, მათ შორის გლუტენის შემცველი მარცვლოვნების და მათგან მიღებული პროდუქტების აღნიშვნისვალდებულება.გლუტენი წარმოადგენს რთულ ცილას. ზოგიერთი ადამიანის ორგანიზმს,რომელსაც აღენიშნება გლუტენის აუტანლობა, გლუტენის ერთ-ერთ ფრაქციაზეუვითარდება ანთებითი რეაქცია, ვითარდება დაავადება ცელიაკია (გლუტენის აუტანლობა). ამ სნეულებით დაავადებულების იმუნური სისტემა ამოიცნობს ამცილას, ზიანდება სწორი ნაწლავის კედლები, საჭმლის მომნელებელი სისტემისგარდა ზიანდება ტვინი, გული, სახსრები და სხვა ორგანოები.საქართველოს შიდა ბაზარზე, საცალო ვაჭრობის ქსელში მრავლადააგანთავსებული სურსათი (ორცხობილები, ფქვილოვანი საკონდიტრო ნაწარმი,ბავშვთა კვების პროდუქტები, რძის ნაწარმი და სხვ.), რომელზედაცგანთავსებულია ინფორმაცია და აღნიშვნა „გლუტენის გარეშე“, “ გლუტენისდაბალი შემცველობა“, თუმცა, საქართველოს კანონმდებლობით არ არისგანსაზღვრული ამ ტერმინების განმარტებები და მათი გამოყენების პირობები.ევრორეგულაცია REGULATION (EU) No 609/2013 OF THE EUROPEANPARLIAMENT AND OF THE COUNCIL of 12 June 2013 on food intended for infantsand young children, food for special medical purposes, and total diet replacement forweight control and repealing Council Directive 92/52/EEC, Commission Directives96/8/EC, 1999/21/EC, 2006/125/EC and 2006/141/EC, Directive 2009/39/EC of theEuropean Parliament and of the Council and Commission Regulations (EC) No 41/2009and (EC) No 953/2009 ადგენს აღნიშნული ტერმინების გამოყენებისთვის შესაბამისინორმატიული აქტის მიღების აუცილებლობას, სულ მცირე COMMISSIONREGULATION (EC) No 41/2009of 20 January 2009 concerning the composition and labelling of foodstuffs suitable forpeople intolerant to gluten მოთხოვნების შესაბამისად. აღნიშნული საკითხირეგულირებულია ასევე „კოდექს ალიმენტარიუს“-ის სტანდარტით - „STANDARD FOR FOODS FOR SPECIAL DIETARY USE FOR PERSONS INTOLERANTTO GLUTEN CXS 118-1979 Adopted Adopted in 1979. Amended in 1983 and 2015.Revised in 2008“. საკითხის მნიშვნელობიდან გამომდიანრე, წარმოგიდგენთსაქართველოს მთავრობის დადგენილება N510 -ში (2016 ) - „სურსათზეკვებით ღირებულებასა და ჯანმრთელობასთან დაკავშირებული განაცხადისგანთავსების წესის დამტკიცების შესახებ“ ცვლილებების პროექტს, რომელშიცგანსაზღვრულია ეტიკეტზე გლუტენთან დაკავშირებული ინფორმაციის - „არშეიცავს გლუტენს“ („გლუტენის გარეშე“) და „გლუტენის დაბალი შემცველობა“განთავსების პირობები.აღნიშნული ცვლილებების განხორციელება ხელს შეუწყობს როგორცმომხარებელთა ჯანმრთელობისა და ინტერესების დაცვას, ასევე შიდა ბაზრისეფექტიან ფუნქციონირებას. პროექტთან დაკავშირებული შენიშვნები და მოსაზრებები შესაძლებელია წარადგინოთ მიმდინარე წლის 1 მაისამდე  ელექტრონულ მისამართზე:  ketevan.laperashvili@mepa.gov.geსაკონტაქტო პირი - ქეთევან ლაფერაშვილი  

საქართველოს მთავრობის დადგენილების პროექტს - „ტექნიკური რეგლამენტი - სურსათში ნიტრატების განსაზღვრისათვის ნიმუშის აღებისა და ანალიზის (გამოკვლევის) მეთოდების შესახებ“

ევროკავშირთან ასოცირების ხელშეკრულების - ღრმა და ყოვლისმომცველითავისუფალი სავაჭრო სივრცის შესახებ შეთანხმების (DCFTA) მე-4 თავის -„სანიტარიული და ფიტოსანიტარიული ზომების“ ფარგლებში აღებულივალდებულებების შესრულების მიზნით, წარმოგიდგენთ საქართველოსმთავრობის დადგენილების პროექტს - „ტექნიკური რეგლამენტი - სურსათში ნიტრატების განსაზღვრისათვის ნიმუშის აღებისა და ანალიზის (გამოკვლევის) მეთოდების შესახებ“ დამტკიცების თაობაზე.პროექტი შემუშავებულია პროდუქტის უსაფრთხოებისა და თავისუფალიმიმოქცევის კოდექსის 56-ე მუხლის პირველი ნაწილის, 58-ე მუხლის მე-2ნაწილის, სურსათის/ცხოველის საკვების უვნებლობის, ვეტერინარიისა დამცენარეთა დაცვის კოდექსის 75-ე მუხლის მე-2 ნაწილის, COMMISSIONREGULATION (EC) No 1882/2006of 19 December 2006, laying down methods of sampling and analysis for the officialcontrol of the levels of nitrates in certain foodstuffs და საქართველოსკანონმდებლობით განსაზღვრულ მოთხოვნათა შესაბამისად.  პროექტთან დაკავშირებული შენიშვნები და მოსაზრებები შესაძლებელია წარადგინოთ მიმდინარე წლის 26 აპრილის ჩათვლით ელექტრონულ მისამართზე:  ketevan.laperashvili@mepa.gov.geსაკონტაქტო პირი - ქეთევან ლაფერაშვილი

საგრანტო კონკურსი: ევროკავშირის მიერ მხარდაჭერილი საგრანტო პროგრამა სოფლის განვითარებისთვის

ევროკავშირი (EU) და გაეროს განვითარების პროგრამა (UNDP) იწვევენ დამწყები და მოქმედი  ბიზნესების წარმომადგენლებს სოფლად არასასოფლო-სამეურნეო საგრანტო კონკურსში მონაწილეობის მისაღებად, რომლის მიზანია სოფლად ახალი სამუშაო ადგილების შექმნისთვის შესაბამისი პირობების უზრუნველყოფა, ეკონომიკური დივერსიფიკაცია სოფლად სამეწარმეო საქმიანობის განვითარების ხელშეწყობის გზით და სოფლად გარემოს დაცვა, ბუნებრივი რესურსების მდგრადი გამოყენება და კლიმატის ცვლილებების შერბილების ღონისძიებების ხელშეწყობა. პროგრამა განხორციელდება შემდეგ მუნიციპალიტეტებში: ქედა, ხულო, ბორჯომი, ახალქალაქი, თეთრიწყარო, ყაზბეგი, ლაგოდეხი და დედოფლისწყარო. საგრანტო კონკურსი ტარდება ევროკავშირის (EU) უფრო ფართომასშტაბიანი პროგრამის, ENPARD საქართველოს ფარგლებში, რომელიც სოფლის განვითარების ეფექტიანი პოლიტიკის შექმნასა და სოფლად მცხოვრები მოსახლეობის ეკონომიკური შესაძლებლობების გაზრდას ემსახურება. პროგრამა ENPARD 2013 წლიდან ხორციელდება, ხოლო მისი ბიუჯეტი 179.5 მილიონ ევროს შეადგენს. დამატებითი ინფორმაციისთვის ეწვიეთ ENPARD-ის ვებ-გვერდს: www.enpard.ge   თანადაფინანსება გაიცემა შემდეგი კომპონენტების მიხედვით: 1. სამეწარმეო საქმიანობების დაწყებისთვის და განვითარებისთვის. მინიმალური საგრანტო მოცულობა ერთ ბენეფიციარზე შეადგენს 20,000 ლარს და მაქსიმალური: 300,000 ლარს, თუმცა თანადაფინანსების მაქსიმალური მოცულობა თითოეულ პროექტზე განსაზღვრულია არაუმეტეს 170,000 ლარით, რომელიც არ აღემატება პროექტის ჯამური ღირებულების 80%-ს.2. საწყის ეტაპზე,  ბიზნეს საქმიანობისთვის  განახლებადი და ენერგოეფექტური რესურსების გამოყენებაზე გათვლილი პროექტები,. მინიმალური საგრანტო მოცულობა: 1,500 ლარი და მაქსიმალური: 30,000 ლარი ერთ პროექტზე, რომელიც არ აღემატება პროექტის ჯამური ღირებულების 80%-ს.პროგრამაში განაცხადების მიღება განხორციელდება ორ ეტაპად: 1. განაცხადების და ბიზნეს მოდელის (ბიზნეს კანვას მოდელის საფუძველზე)/განახლებადი ენერგიების და ენერგო ეფექტური პროექტის მიღება და შეფასება. 2. ბიზნეს გეგმის/განახლებადი ენერგიების და ენერგო ეფექტური დეტალური პროექტის მიღება და თანადაფინანსების კომიტეტზე წარდგენა/შეფასება.პროგრამის ფარგლებში არ დაფინანსდება პროექტები, რომლებიც უკავშირდება: • სამხედრო, ბირთვულ, სპირტის და ალკოჰოლური სასმელების, თამბაქოს, და სახიფათო ნივთიერებების წარმოებას; • სასოფლო-სამეურნეო პროდუქციის პირველად და სურსათის წარმოებას (გამონაკლისის სახით დაიშვება ამ საქმიანობებთან დაკავშირებული ენერგოეფექტური და განახლებადი ენერგიების გამოყენების პროექტები); • სათამაშო ბიზნესს, აზარტული თამაშებს; • საფინანსო მომსახურებას (მათ შორის სალომბარდო); • საქველმოქმედო და რელიგიურ საქმიანობას; • ვაჭრობას.განაცხადების მიღების ბოლო ვადა: 2021 წლის 31 მარტი დამატებითი ინფორმაცია იხილეთ შემდეგ მისამართზე: http://www.rda.gov.ge/საკონტაქტო ინფორმაცია: • სოფლის განვითარების სააგენტო, ცხელი ხაზი: 1501• თორნიკე კაპანაძე, +995 595 036078• ბესიკ მაჭარაშვილი, +995 555 272869

მაცივარაგენტების მოხმარების სახელმწიფო აღრიცხვა

„ატმოსფერული ჰაერის დაცვის შესახებ“ საქართველოს კანონის 71 მუხლის მიხედვით, საქმიანობის განმახორციელებელი, რომელიც ფლობს 3 კგ ან 3 კგ-ზე მეტ მაცივარაგენტზე მომუშავე სტაციონარულ მოწყობილობას, აგრეთვე ტექნიკოსი, რომელიც ემსახურება ჰაერის კონდიცირებისა და სამაცივრო მოწყობილობებს ან თბურ ტუმბოებს, ვალდებული არიან: ა) აწარმოონ სარეგისტრაციო ჟურნალი, რომელშიც აღირიცხება მოწყობილობის მომსახურება და მოხმარებული მაცივარაგენტების რაოდენობა. პირველი ჟურნალის გახსნის შესახებ უნდა ეცნობოს საქართველოს გარემოს დაცვისა და სოფლის მეურნეობის სამინისტროს.ბ) საქართველოს გარემოს დაცვისა და სოფლის მეურნეობის სამინისტროს (ქ. თბილისი, მარშალ გელოვანის ქ. N6, info@mepa.gov.ge) ყოველწლიურად, 1 მარტამდე შესათანხმებლად წარუდგინონ ინფორმაცია გასულ წელს მოხმარებული მაცივარაგენტების რაოდენობის შესახებ, მაცივარაგენტების მოხმარების ანგარიშგების ფორმის შესაბამისად.  მაცივარაგენტების მოხმარების ანგარიშგების ფორმა სამინისტროში წარდგენილი უნდა იქნეს იმ შემთხვევაშიც, თუ 3 კგ ან 3 კგ-ზე მეტ მაცივარაგენტზე მომუშავე სტაციონარული მოწყობილობის მფლობელს, აგრეთვე ტექნიკოსს, გასული წლის განმავლობაში შესაბამისი მომსახურება არ მიუღია/მომსახურება არ გაუწევია. სარეგისტრაციო ჟურნალისა და მაცივარაგენტების მოხმარების შესახებ ანგარიშგების ფორმები, აგრეთვე, ფორმების შევსების წესი განსაზღვრულია  „მაცივარაგენტზე მომუშავე მოწყობილობის მომსახურების სარეგისტრაციო ჟურნალის ფორმისა და ანგარიშგების წარმოების ტექნიკური რეგლამენტის დამტკიცების თაობაზე“ საქართველოს მთავრობის 2017 წლის 27 ივნისის №304 დადგენილებით. აგრეთვე, ხელმისაწვდომია სარეგისტრაციო ჟურნალისა და მაცივარაგენტების მოხმარების შესახებ ანგარიშის შევსების ვიდეოინსტრუქციები.სარეგისტრაციო ჟურნალის შევსების ინსტრუქციასტაციონარული მოწყობილობის მფლობელისთვისტექნიკოსისთვის, რომელიც ემსახურება ჰაერის კონდიცირებისა და სამაცივრო მოწყობილობებს ან თბურ ტუმბოებსტექნიკოსისთვის, რომელიც ემსახურება სატრანსპორტო საშუალების ჰაერის კონდიცირების სისტემებსმაცივარაგენტების მოხმარების შესახებ ანგარიშის შევსების ინსტრუქციასტაციონარული მოწყობილობის მფლობელისთვისმომსახურე ტექნიკოსისთვის 

წყლის გამოყენების სახელმწიფო აღრიცხვა

 საქართველოს ტერიტორიაზე მოქმედი წყალმოსარგებლე ობიექტები, „წყლის შესახებ“ საქართველოს კანონის 41-ე მუხლის თანახმად, ვალდებულნი არიან საქართველოს გარემოს დაცვისა და სოფლის მეურნეობის სამინისტროში (ქ. თბილისი, მარშალ გელოვანის ქ. #6, info@mepa.gov.ge) 2021 წლის 15 თებერვლამდე წარმოადგინონ „სახელმწიფო სტატისტიკური ანგარიშგების ფორმა”, რომლის შევსება ხორციელდება „წყლის გამოყენების სახელმწიფო აღრიცხვის სახელმწიფო სტატისტიკური ანგარიშგების ფორმების შევსებისა და წარდგენის შესახებ“ ინსტრუქციის შესაბამისად (იხ. დანართი). სტატისტიკურ ანგარიშგებას ექვემდებარება ყველა წყალმოსარგებლე რომელიც: ა) ჩამდინარე წყლებს უშვებს უშუალოდ ზედაპირულ ან მიწისქვეშა წყლის ობიექტებში, აგრეთვე სანიაღვრე კანალიზაციაში, დამაგროვებლებში, ფილტრაციის მოედნებში, ამაორთქლებლებში, სამიწათმოქმედო რწყვის მინდვრებზე, ადგილის რელიეფზე და ა. შ. ბ) ჩამდინარე წყლებს უშვებს საკანალიზაციო სისტემაში და აქვს საკუთარი წყალაღება ზედაპირული ან მიწისქვეშა წყლის ობიექტებიდან; გ) ჩამდინარე წყლებს უშვებს საკანალიზაციო სისტემაში და წყალაღება აქვს წყალაღების სისტემიდან არანაკლებ 20 მ3/დღ-ში. აჭარის ავტონომიური რესპუბლიკის ტერიტორიაზე განთავსებული ობიექტების მიერ შევსებული ფორმების შეგროვება ხდება უშუალოდ აჭარის გარემოს დაცვისა და ბუნებრივი რესურსების სამმართველოს მიერ.