ახალი ამბები
ილია თამარაშვილი საოკუპაციო ხაზთან მდებარე სოფელში, საგაზაფხულო სამუშაოების მიმდინარეობის პროცესს ადგილზე გაეცნო
სოფლისა და სოფლის მეურნეობის განვითარების სააგენტოს დირექტორი, ილია თამარაშვილი და შიდა ქართლში სახელმწიფო რწმუნებული, გიგი ხოჯევანიშვილი, გორის მუნიციპალიტეტში, საოკუპაციო ხაზთან მდებარე სოფელ წითელუბანში, აჭარიდან ეკომიგრანტი ფერმერის, მერაბ შავაძის ახლადგაშენებულ ბაღში და მიმდებარე მეურნეობებში.
კორონავირუსის გავრცელებასთან ბრძოლის პარალელურად, საქართველოს რეგიონებში საგაზაფხულო სამუშაოები უსაფრთხოების ნორმების დაცვით უწყვეტ რეჟიმში მიმდინარეობს. ფერმერები ინტენსიურად ახორციელებენ მიწებისა და მეურნეობების დამუშავებას. გარემოს დაცვისა და სოფლის მეურნეობის სამინისტროს სოფლის და სოფლის მეურნეობის განვითარების რეგიონული სამსახურების წარმომადგენლების მიერ ხდება როგორც დარგობრივ საკითხებზე, ასევე ახალი კორონავირუსის გავრცელების წინაღმდეგ ბრძოლის მიზნით შემუშავებული უსაფრთხოების ნორმების დაცვაზე კონსულტაციების გაცემა. დარგის სპეციფიკიდან და აგროვადებიდან გამომდინარე, მნიშვნელოვანია სამუშაოების თანმიმდევრულად განხორციელება, რათა მოსავლის მიღება რისკის ქვეშ არ დადგეს.
ფერმერმა, მერაბ შავაძემ პროგრამის ,,დანერგე მომავალი" ფარგლებში, 10 ჰექტარზე მრავაწლოვანი ბაღი გააშენა. ფინანსურმა ინვესტიციამ 87,000 ლარი შეადგინა, საიდანაც სახელმწიფო თანადაფინანსება 57,500 ლარია.
შიდა ქართლის რეგიონში, „ერთიანი აგროპროექტის” ფარგლებში არაერთი პროექტი განხორციელდა - გაშენდა 2250 ჰა-ზე მეტი მრავალწლოვანი ხეხილის ბაღი, რაშიც სახელმწიფო თანდაფინანსებამ 14,572,000 ლარი შეადგინა. შეიქმნა 28 ახალი და გაფართოვდა 111 საწარმო. ახალ საწარმოებში განხორციელებული სრული ინვესტიცია 37 მილიონ ლარზე მეტია. ახალ საწარმოებში შეიქმნა 1000-ზე მეტი სამუშაო ადგილი.