ახალი ამბები
შეხვედრა ლატვიის რესპუბლიკის საქმეთა დროებით რწმუნებულთან
გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი საქართველოში ლატვიის რესპუბლიკის საქმეთა დროებით რწმუნებულს ქ-ნ მადარა სილინას შეხვდა. მხარეებმა ლატვიასა და საქართველოს შორის ნარჩენების მართვის მიმართულებით თანამშრომლობაზე იმსჯელეს.მადარა სილინას განცხადებით, თებერვლის ბოლოს, საქართველოს ლატვიის გარემოს დაცვისა და რეგიონული განვითარების მინისტრი ეწვევა. ვიზიტში მონაწილეობას მიიღებენ ნარჩენების გადამამუშავებელი ლატვიური კომპანიები, რომლებიც იყენებენ თანამედროვე ტექნოლოგიებს. ლატვიური კომპანიების წარმომადგენლები ქართველ ბიზნესმენებს და ნარჩენების მართვის სფეროში ჩართულ სხვა დაინტერესებულ მხარეებს შეხვდებიან, ნარჩენების მართვაში შესაძლო ინვესტირების განხორციელების მიზნით.
სოლომონ პავლიაშვილმა საქართველოში ლატვიის რესპუბლიკის საქმეთა დროებით რწმუნებულს ნარჩენების მართვის სფეროში არსებული მდგომარეობა და გამოწვევები გააცნო. საქართველოში ნარჩენების მართვის თანამედროვე სისტემის დანერგვა ქვეყნის უმთავრეს პრიორიტეტს წარმოადგენს.