ახალი ამბები
პრემიერ-მინისტრმა ირაკლი ღარიბაშვილმა, საგანგებო ბრიფინგზე, გარემოს დაცვისა და სოფლის მეურნეობის მინისტრის თანამდებობაზე ოთარ შამუგია წარადგინა.
გარემოს დაცვისა და სოფლის მეურნეობის მინისტრის თანამდებობაზე ოთარ შამუგიამ ლევან დავითაშვილი შეცვალა. ლევან დავითაშვილი ეკონომიკისა და მდგრადი განვითარების მინისტრის თანამდებობაზე დაინიშნა.
,,ჩემთვის დიდი პატივი და, ამავდროულად, პასუხისმგებლობაა, ძალიან ძლიერ გუნდთან ერთად ვემსახურო ჩემ ქვეყანას და წვლილი შევიტანო როგორც გარემოს დაცვის, ისე სოფლის მეურნეობის განვითარებაში. მინდა დიდი მადლობა გადავუხადო პრემიერ-მინისტრს ასეთი მაღალი ნდობისთვის; მადლობა გადავუხადო ლევან დავითაშვილს წლების განმავლობაში ნაყოფიერი თანამშრომლობისთვის, რეფორმებისთვის, რაც სამინისტროში მისი ხელმძღვანელობით ჩატარდა და წარმატებები ვუსურვო ახალ, მნიშვნელოვან თანამდებობაზე. ასევე წარმატებებს ვუსურვებ ნათია თურნავას“, - განაცხადა ოთარ შამუგიამ.