ძებნა

ახალი ამბები

ამობეჭდვა

გარემოს დაცვისა და სოფლის მეურნეობის მინისტრმა, ლევან დავითაშვილმა და ყაზახეთის რესპუბლიკის ელჩმა საქართველოში, ბაურჟან მუხამეჯანოვმა, გარემოს დაცვისა და სოფლის მეურნეობის სამინისტროში გამართული შეხვედრის ფარგლებში, ორ ქვეყანას შორის სავაჭრო ურთიერთობების გაღრმავების პერსპექტივები განიხილეს

როგორც ლევან დავითაშვილმა აღნიშნა, ყაზახეთის რესპუბლიკა საქართველოს მეგობარი ქვეყანაა და მნიშვნელოვანია ქვეყნებს შორის ეკონომიკური ურთიერთობების გაღრმავება.


შეხვედრაზე საუბარი შეეხო აგროსასურსათო პროდუქციის სარეალიზაციო ბაზრების დივერსიფიცირების მნიშვნელობის საკითხს. მხარეებმა ხორბლის ალტერნატიული ჯიშების საქართველოში იმპორტის საკითხიც განიხილეს.


ბაურჯან მუხამეჯანოვის განცხადებით, საქართველო აგრარული განვითარების თვალსაზრისით დიდი პოტენციალის მქონე ქვეყანაა. ელჩმა ქვეყნებს შორის მრავალწლიანი მეგობრული ურთიერთობების საფუძველზე, მჭიდრო და ეფექტიანი ეკონომიკური თანამშრომლობის სურვილი გამოთქვა.