ახალი ამბები
გარემოს დაცვისა და სოფლის მეურნეობის მინისტრმა, ლევან დავითაშვილმა საქართველოს ევროსაბჭოს თავმჯდომარეობასთან დაკავშირებით გამართულ ფართომასშტაბიან საზეიმო აქციაში მიიღო მონაწილეობა
მინისტრმა გამოხატა საკუთარი მხარდაჭერა საქართველოს ევროპული კურსისა და ქართველი ხალხის დასავლურ ინსტიტუტებში ინტეგრაციისკენ სწრაფვის მიმართ.„ევროპის საბჭოს ფუნდამენტურ პრიორიტეტებს შორის არის ადამიანის უფლებები და გარემოს დაცვა, რომელზეც საქართველო ყურადღებას გაამახვილებს ევროსაბჭოს თავმჯდომარეობისას. ჩვენ გვექნება რამდენიმე ძალიან მნიშვნელოვანი ღონისძიება. საქართველო არის ბერნის კონვენციის წევრი. ეს არის კონვენცია, რომელიც იცავს ბიომრავალფეროვნებას და ამ კუთხით, საქართველო ძალიან აქტიურად თანამშრომლობს კონვენციის სამდივნოსთან. ევროსაბჭოს თავმჯდომარეობის პერიოდში, კიდევ უფრო აქტიური კომუნიკაცია გვექნება ევროპელ კოლეგებთან. ჩვენი გარემოსდაცვითი პოლიტიკა ძირითადად განსაზღვრულია ევროპასთან ასოცირების ხელშეკრულებით, რაც კანონმდებლობის დაახლოებას და ქვეყანაში ევროპული სტანდარტების დანერგვას გულისხმობს“, - განაცხადა ლევან დავითაშვილმა.
14 დეკემბერს, „ქართული ოცნების“ ინიციატივით, გაიმართა მასშტაბური შეკრება, რომელიც ევროსაბჭოს თავმჯდომარეობასთან დაკავშირებით მიმდინარე ევროპის კვირეულს მიეძღვნა.