ახალი ამბები
სტრასბურგში, ევროპის ველური ბუნებისა და ბუნებრივი ჰაბიტატების დაცვის შესახებ კონვენციის (ბერნის კონვენცია) მუდმივმოქმედი კომიტეტის მე-40 შეხვედრაზე, საქართველოს მიერ წარდგენილი 4 ტერიტორია კანდიდიდატი ზურმუხტის ტერიტორიების სიაში შევიდა.
დღეისათვის, საქართველოში ზურმუხტის ქსელი 65 ტერიტორიისგან შედგება და მისი ფართობი 1 296 116 ჰექტარს შეადგენს.
კომიტეტის მე-40 შეხვედრაზე, ველური ბუნებისა და ბუნებრივი ჰაბიტატების დაცვის შესახებ კონვენციის ბიუროს წევრად საქართველოს გარემოს დაცვისა და სოფლის მეურნეობის სამინისტროს ბიომრავალფეროვნებისა და სატყეო დეპარტამენტის უფროსი კარლო ამირგულაშვილი მეორე ვადით აირჩიეს.
გარემოს დაცვის სფეროში ბერნის კონვენცია ერთ-ერთი უმნიშვნელოვანესი კონვენციაა. კონვენციის დანერგვისა და საქართველო-ევროკავშირს შორის ასოცირების შეთანხმებით აღებული ვალდებულების შესრულებისათვის, საქართველოში ზურმუხტის ქსელი შეიქმნა და მისი განვითარება მიმდინარეობს.