ახალი ამბები
საქართველოსა და სომხეთს შორის სასოფლო-სამეურნეო პროდუქციით ვაჭრობის მზარდი დინამიკაა
გარემოს დაცვისა და სოფლის მეურნეობის მინისტრი ოთარ შამუგია სომხეთის რესპუბლიკის საგანგებო და სრულუფლებიან ელჩს საქართველოში აშოტ სმბატიანს შეხვდა.
მხარეებმა ქვეყნებს შორის სავაჭრო ურთიერთობების მიმდინარე დინამიკა და არსებული პოტენციალის საკითხები განიხილეს.
ოთარ შამუგიამ ხაზგასმით აღნიშნა, რომ ორ ქვეყანას შორის სასოფლო-სამეურნეო პროდუქციით ვაჭრობის მაჩვენებლები ყოველწლიურად იზრდება; პარალელურად, ყველა პირობაა შექმნილი იმისათვის, რომ მზარდი დინამიკა შენარჩუნდეს და სავაჭრო-ეკონომიკური ურთიერთობები კიდევ უფრო გაღრმავდეს.
მხარეებმა ქვეყნებს შორის სავაჭრო-ეკონომიკურ საკითხებთან ერთად, გარემოსდაცვითი მიმართულებით თანამშრომლობის თემებიც განიხილეს.
შეხვედრაზე საუბარი შეეხო საქართველოს გარემოს დაცვისა და სოფლის მეურნეობის მინისტრის სომხეთში ვიზიტის საკითხსაც.