ახალი ამბები
„ზოგიერთ საღებავში, ლაქსა და ავტოსატრანსპორტო საშუალების გადაღებვის პროდუქციაში აქროლადი ორგანული ნაერთების (აონ) შემცველობის, აგრეთვე მათი იმპორტის და ბაზარზე განთავსების შესახებ ტექნიკური რეგლამენტის“ საჯარო განხილვა
საქართველოს გარემოს დაცვისა და სოფლის მეურნეობის სამინისტროში „ზოგიერთ საღებავში, ლაქსა და ავტოსატრანსპორტო საშუალების გადაღებვის პროდუქციაში აქროლადი ორგანული ნაერთების (აონ) შემცველობის, აგრეთვე მათი იმპორტის და ბაზარზე განთავსების შესახებ ტექნიკური რეგლამენტი“ საჯარო განხილვა გაიმართა.
შეხვედრას საქართველოს გარემოს დაცვისა და სოფლის მეურნეობის სამინისტროს გარემოსა და კლიმატის ცვლილების დეპარტამენტის ატმოსფერული ჰაერის სამმართველოს ხელმძღვანელი ნოე მეგრელიშვილი უძღვებოდა.
საქართველოს გარემოს დაცვისა და სოფლის მეურნეობის სამინისტრომ ტექნიკური რეგლამენტი საქართველო-ევროკავშირს შორის ასოცირების შესახებ შეთანხმებით გათვალისწინებული ვალდებულების შესაბამისად შეიმუშავა.
ტექნიკური რეგლამენტი, აქროლადი ორგანული ნაერთების (აონ) გაფრქვევების შემცირების მიზნით, ითვალისწინებს შეზღუდვების დაწესებას აონ-ების მაღალი შემცველობის მქონე საღებავების, ლაქებისა და ავტოსატრანსპორტო საშუალებების გადაღებვის პროდუქციისთვის, ასევე, მოთხოვნებს შესაბამისი პროდუქტების ეტიკეტირებისთვის.
ტექნიკური რეგლამენტის პროექტს, ევროკავშირის მხარდაჭერით, ქართველი და ევროპელი ექსპერტების მიერ რეგულირების ზეგავლენის შეფასება (RIA) ჩაუტარდა, რომლის შემუშავების პროცესში ჩართული იყო საქართველოში ლაქ-საღებავების მწარმოებელი, იმპორტიორი და დისტრიბუტორი არაერთი კომპანია.
შეხვედრას საქართველოს გარემოს დაცვისა და სოფლის მეურნეობის სამინისტროსა და ლაქ-საღებავების მწარმოებელი, იმპორტიორი, დისტრიბუტორი და რეალიზატორი კომპანიების წარმომადგენლები ესწრებოდნენ.