საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

გარემოს დაცვისა და სოფლის მეურნეობის მინისტრმა დავით სონღულაშვილმა უწყების თანამშრომლებს მინისტრის ახალი მოადგილე, ლაშა დოლიძე წარუდგინა. ლაშა დოლიძე სოფლის მეურნეობის პოლიტიკის მიმართულებას უხელმძღვანელებს.

„ლაშა დოლიძეს სოფლის მეურნეობის მიმართულებით საინტერესო პროფესიული გზა აქვს გავლილი. მრავალწლიანი  კარიერის განმავლობაში, ის მუშაობდა სოფლის მეურნეობის სფეროს განვითარების სტრატეგიებზე როგორც საქართველოში, ისე მის ფარგლებს გარეთ. შეიძლება ითქვას, რომ ის ერთ-ერთი ყველაზე გამოცდილი სპეციალისტია. მიხარია, რომ შემოუერთდა ჩვენს გუნდს. მინდა, წარმატებები ვუსურვო მას. შევეცდებით, ერთობლივი მუშაობით დავძლიოთ დარგის გამოწვევები და მივაღწიოთ კარგ შედეგებს. – აღნიშნა გარემოს დაცვისა და სოფლის მეურნეობის მინისტრმა, დავით სონღულაშვილმა. 
ლაშა დოლიძეს დამთავრებული აქვს ივანე ჯავახიშვილის სახელობის თბილისის სახელმწიფო უნივერსიტეტის ეკონომიკის ფაკულტეტი საერთაშორისო ეკონომიკური ურთიერთობების სპეციალობით , ასევე  განათლება  შეერთებულ შტატებში, ,უილიამსის კოლეჯში, სადაც  მიიღო განვითარების ეკონომიკის მაგისტრის ხარისხი. 

გარემოს დაცვისა და სოფლის მეურნეობის მინისტრის ახალი მოადგილე 2017 წლიდან 2018 წლის დასაწყისამდე  გარემოს დაცვისა და სოფლის მეურნეობის მინისტრის მრჩეველის პოზიციას იკავებდა. სხვადასხვა დროს მუშაობდა აშშ-ის საერთაშორისო განვითარების სააგენტოს (USAID), გაეროს განვითარების პროგრამის (UNDP), მსოფლიო ბანკის, გაეროს სურსათისა და სოფლის მეურნეობის ორგანიზაციისა (FAO) და ევროკავშირის პროექტებში სხვადასხვა თანამდებობებზე. 

„სოფლის მეურნეობის განვითარებას  სჭირდება ხელშეწყობა დღეს არსებული გამოწვევების გათვალისწინებით.  თანამედროვე ცოდნის, ტექნოლოგიებისა და მიდგომების გავრცელება პრიორიტეტი იქნება. შევეცდებით გამოვნახოთ ქმედითი საშუალებები  წარმოების და პროდუქტიულობის ზრდის მისაღწევად.  “, – განაცხადა ლაშა დოლიძემ.