საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

გარემოს დაცვისა და სოფლის მეურნეობის სამინისტროში „ნარჩენების იმპორტის, ექსპორტისა და ტრანზიტის შესახებ“ საქართველოს კანონის პროექტის საჯარო განხილვა გაიმართა.
კანონპროექტის საჯარო განხილვას გარემოს დაცვისა და სოფლის მეურნეობის სამინისტროს ნარჩენებისა და ქიმიური ნივთიერებების მართვის დეპარტამენტის უფროსი ალვერდ ჩანქსელიანი უძღვებოდა.
კანონპროექტი შემუშავდა ბაზელის „სახიფათო ნარჩენების ტრანსსასაზღვრო გადაზიდვასა და მათ განთავსებაზე კონტროლის შესახებ” კონვენციის და ევრორეგულაციების შესაბამისად.
კანონის რეგულირების სფეროს წარმოადგენს ნარჩენების იმპორტი, ექსპორტი და ტრანზიტი.
კანონპროექტში ასახულია შეტყობინების და თანხმობის გაცემის პროცედურები; ინფორმირების პროცედურა; ნარჩენების ტრანსსასაზღვრო გადაზიდვაში ცვლილების შეტანის, უკანონო გადაზიდვის, გადაზიდვასთან დაკავშირებული ვალდებულებების, გადაზიდვის მოსაკრებლის საკითხები. 
კანონპროექტის საჯარო განხილვას გარემოს დაცვისა და სოფლის მეურნეობის სამინისტროს სისტემაში შემავალი დარგობრივი უწყებების, საქართველოს შემოსავლების სამსახურის, არასამთვარობო ორგანიზაცის წარმომადგენლები და კერძო სექტორის დაინტერესებული პირები ესწრებოდნენ.
#გარემოსდაცვა2018