საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

რძისა და რძის ნაწარმის შესახებ ტექნიკური რეგლამენტის განხილვა

 

რძისა და რძის ნაწარმის შესახებ ტექნიკური რეგლამენტის აღსრულების საკითხების განხილვას გარემოს დაცვისა და სოფლის მეურნეობის მინისტრის მოადგილე გიორგი ხანიშვილი დაესწრო.

ღონისძიება პროექტის „სურსათისა და სოფლის მეურნეობის დარგში მცირე და საშუალო საწარმოების მხარდამჭერი ინიციატივა“ ფარგლებში გაიმართა, რომელიც დაფინანსებულია ევროკავშირის მიერ და ხორციელდება ხუთი ორგანიზაციისგან შემდგარი კონსორციუმის -  ეკონომიკის საერთაშორისო სკოლის კვლევითი ინსტიტუტი (ISET-PI), ექსპორტის განვითარების ასოციაცია (EDA), სამოქალაქო განვითარების სააგენტო (CiDA) და ასოციაცია „ათინათი“ (ATINATI) მიერ, საქართველოს ფერმერთა ასოციაციის (GFA) ხელმძღვანელობით. 
შეხვედრის მონაწილეებმა რძისა და რძის ნაწარმის შესახებ ტექნიკური რეგლამენტის ძირითადი საკითხები განიხილეს და რეგლამენტის დანერგვის პროცესში პროგრესისა და გამოწვევების შესახებ იმსჯელეს.  

შეხვედრას საქართველოში ევროკავშირის წარმომადგენლობის პროგრამის ოფიცერი დომინიკ პაპენჰეიმი, საქართველოს ფერმერთა ასოციაციის თავმჯდომარე ნინო ზამბახიძე, ევროინტეგრაციის დეპარტამენტის უფროსის მოადგილე, მთავრობის წარმომადგენლები, დონორი და საერთაშორისო ორგანიზაციები, სექტორული ასოციაციები, მცირე და საშუალო საწარმოები, ფერმერები და გარემოს დაცვისა და სოფლის მეურნეობის სამინისტროს სხვა წარმომადგენლები ესწრებოდნენ.