იაპონიის არასაპროექტო საგრანტო დახმარება იაპონური მცირე და საშუალო საწარმოების პროდუქციის საქართველოსთვის მიწოდების მიზნით (2013 და 2014 ფინ. წლები - დარჩენილი თანხები)
არასაპროექტო საგრანტო დახმარების მიზანი იყო ეკონომიკური და სოციალური განვითარებისათვის საქართველოს მთავრობის ძალისხმევის ხელშეწყობა. პროექტით გათვალისწინებული იქნა სსიპ - გარემოს ეროვნულ სააგენტოსთან წინასწარ შეთანხმებული აღჭურვილობის შესყიდვა, რაც ხელს შეუწყობს გარემოს ეროვნული სააგენტოს შესაძლებლობების გაძლიერებას ჰიდრომეტეოროლოგიური პროგნოზირებისა და ადრეული გაფრთხილების სისტემის გაუმჯობესების კუთხით. გრანტით გათვალისწინებული იყო იაპონური მცირე და საშუალო საწარმოების (SME) პროდუქციის შესყიდვა („იაპონიის საერთაშორისო თანამშრომლობის სისტემის“ მიერ) და შესაბამისი იაპონური კონტრაქტორი კომპანიის მიერ გარემოს ეროვნული სააგენტოსთვის მიწოდება და სააგენტოს სპეციალისტებთან ერთად წინასწარ განსაზღვრულ ლოკაციებში დამონტაჟება, კერძოდ: 2 ერთეული ავტომატური მეტეოროლოგიური სადგური განთავსდება ქ. ფოთისა და ქ. ბათუმის საზღვაო ნავსადგურებში, 4 ერთეული მდინარის წყლის დონის მზომი სადგური განთავსდება მდ. ნატანებზე (ნატანების თემი), მდ. გუბაზეულზე (სოფ. ნაბეღლავი), მდ. ბჟუჟაზე (სოფ. გომი) და მდ. ხობისწყალზე (ქ. ხობი), ხოლო მონაცემების შეკრებისა და მართვის სისტემა განთავსდება გარემოს ეროვნულ სააგენტოც ცენტრალური ოფისის კომუნიკაციების ცენტრში.
ბიუჯეტი 46,378,000 იაპონური იენი
დონორი იაპონიის მთავრობა
განმახორციელებელი იაპონიის საერთაშორისო თანამშრომლობის სისტემა (JICS) სსიპ - გარემოს ეროვნული სააგენტო იაპონური კომპანია NISSEI TRADING CO., LTD.
საკონტაქტო პირი ირაკლი ჯეირანაშვილი ikajeiran@gmail.com protocol@tb.mofa.go.jp
