საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

მეფუტკრეობის მხარდაჭერის პროგრამა

თუ ხართ დაკავებული მეფუტკრეობით, შესაძლებლობა გაქვთ მეურნეობის გაფართოებისათვის მიიღოთ სახელმწიფო თანადაფინანსება. 


პროგრამის მიზანი და ამოცანა

„მეფუტკრეობის  მხარდაჭერის პროგრამის“ მიზანია სოფლად ეკონომიკის განვითარება, კონკურენტუნარიანი და მდგრადი მეფუტკრეობის დარგის ჩამოყალიბების ხელშეწყობის გზით.

პროგრამის ამოცანას წარმოადგენს საფუტკრე მეურნეობების მატერიალურ-ტექნიკური ბაზის გაუმჯობესება, ფუტკრის მოვლა-შენახვის მდგომარეობის ნორმალიზაცია და წარმოებული თაფლისა და მეფუტკრეობის სხვა პროდუქტების ხარისხისა და რაოდენობის ზრდა, ასევე თაფლის მწარმოებლებისთვის მდგრადობის  ხელშეწყობა და წარმოების მართვის პროცესების გაუმჯობესება.


პროგრამის განმახორციელებელი

პროგრამის განმახორციელებელია სოფლის განვითარების სააგენტო.

პროგრამის განხორციელებას კოორდინაციას უწევს საქართველოს გარემოს დაცვისა და სოფლის მეურნეობის სამინისტრო.


პროგრამის გავრცელების გეოგრაფიული არეალი

პროგრამა ხორციელდება საქართველოს მთელ ტერიტორიაზე.

 

დეტალური ინფორმაციისთვის ეწვიეთ - www.rda.gov.ge