საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

სკოპინგის ანგარიშის საჯარო განხილვა - ქ. სამტრედიაში, ღსს „სამშენებლო-სამრეწველო საინვესტიციო კორპორაცია აკორდის“ ასფალტის საწარმოს მოწყობა-ექსპლუატაციის პროექტი

დაგეგმილი საქმიანობის დასახელება: ასფალტის წარმოება
დაგეგმილი საქმიანობის განმახორციელებელი: ღსს „სამშენებლო-სამრეწველო საინვესტიციო კორპორაცია აკორდი“
დაგეგმილი საქმიანობის განხორციელების ადგილი: ქ. სამტრედია, ძმები გოგიების ქუჩის N13-ის მიმდებარედ
დაგეგმილი საქმიანობის სკოპინგის ანგარიშის საჯარო განხილვის  დრო და ადგილი:
• 2019 წლის 29 ივლისი, 13:00 საათი, ქ. სამტრედიის მერიის ადმინისტრაციული ერთეულის შენობა. 
საჯარო განხილვის ორგანიზატორი: საქართველოს გარემოს დაცვისა და სოფლის მეურნეობის სამინისტრო.

2019 წლის 8 ივლისს, ღსს „სამშენებლო-სამრეწველო საინვესტიციო კორპორაცია აკორდმა“ სამინისტროში წარმოადგინა, ქ. სამტრედიაში, ასფალტის საწარმოს მოწყობა-ექსპლუატაციის პროექტის სკოპინგის განცხადება. „გარემოსდაცვითი შეფასების კოდექსის” თანახმად,  სკოპინგის დასკვნის მიმღებ უფლებამოსილ ორგანოს წარმოადგენს საქართველოს გარემოს დაცვისა და სოფლის მეურნეობის სამინისტრო. აღნიშნულ სკოპინგის ანგარიშთან დაკავშირებით ოზურგეთის მუნიციპალიტეტის, სოფ. ვაკიჯვარის ადმინისტრაციული ერთეულის  შენობაში გაიმართება საჯარო განხილვა. საჯარო განხილვა ღიაა, მასში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს. 

პროექტის დოკუმენტაციასთან დაკავშირებული  შენიშვნები და მოსაზრებები ასევე შეგიძლიათ წარუდგინოთ სამინისტროს 2019 წლის 2 აგვისტომდე, მისამართზე: ქ. თბილისი, მარშალ გელოვანის გამზირი N6,  ან ელ. ფოსტის მისამართზე eia@mepa.gov.ge.

ასევე, მოთხოვნის შემთხვევაში, სამინისტრო უზრუნველყოფს „გარემოსდაცვითი შეფასების კოდექსით” გათვალისწინებული დოკუმენტაციის მიწოდებას  ნაბეჭდი სახით.

გაზიარება