საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

ანგარიშის საჯარო განხილვა - გარდაბნის მუნიციპალიტეტში, შპს ,,მედიკალ ტექნოლოგის’’ ნარჩენების გადამამუშავებელი (ნარჩენების აღდგენა) საწარმოს მოწყობა და ექსპლუატაცის პროექტი

დაგეგმილი საქმიანობის დასახელება: ნარჩენების გადამამუშავებელი (ძრავიანი სატრანსპორტო საშუალებები, ელექტროპლასტები, ელექტრო და ელექტრონული მოწყობილობები, კაბელები, ლითიუმის შემცველი ბატარეები და ლითიუმის შემცველი აკუმულატორები) საწარმოს (ნარჩენების აღდგენა) მოწყობა და ექსპლუატაცია;
დაგეგმილი საქმიანობის განმახორციელებელი: შპს ,,მედიკალ ტექნოლოგი’’;
დაგეგმილი საქმიანობის განხორციელების ადგილი: გარდაბნის მუნიციპალიტეტი, სოფ. მარტყოფი;

დაგეგმილი საქმიანობის სკოპინგის ანგარიშის საჯარო განხილვის  დრო და ადგილი:
 
2019  წლის  5 აგვისტო    14:00  საათი  გარდაბნის მუნიციპალიტეტი, სოფ.  მარტყოფის კულტურის სახლის შენობა;
საჯარო განხილვის ორგანიზატორი: საქართველოს გარემოს დაცვისა და სოფლის მეურნეობის სამინისტრო.

2019 წლის 12 ივლისს,   შპს ,,მედიკალ ტექნოლოგმა’’ სამინისტროში წარმოადგინა გარდაბნის მუნიციპალიტეტში, ნარჩენების გადამამუშავებელი (ძრავიანი სატრანსპორტო საშუალებები, ელექტროპლასტები, ელექტრო და ელექტრონული მოწყობილობები, კაბელები, ლითიუმის შემცველი ბატარეები და ლითიუმის შემცველი აკუმულატორები) საწარმოს (ნარჩენების აღდგენა) მოწყობისა და ექსპლუატაციის პროექტის სკოპინგის განცხადება.  “გარემოსდაცვითი შეფასების კოდექსის” თანახმად,  სკოპინგის დასკვნის მიმღებ უფლებამოსილ ორგანოს წარმოადგენს საქართველოს გარემოს დაცვისა და სოფლის მეურნეობის სამინისტრო. აღნიშნულ სკოპინგის ანგარიშთან დაკავშირებით გარდაბნის მუნიციპალიტეტში, სოფ. მარტყოფში კულტურის სახლის შენობაში  გაიმართება საჯარო განხილვა.  საჯარო განხილვა ღიაა, მასში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს. 

პროექტის დოკუმენტაციასთან დაკავშირებული  შენიშვნები და მოსაზრებები ასევე შეგიძლიათ წარუდგინოთ სამინისტროს 2019 წლის 8 აგვისტომდე, მისამართზე: ქ.თბილისი, მარშალ გელოვანის გამზირი N6,  ან ელ. ფოსტის მისამართზე eia@mepa.gov.ge.

ასევე, მოთხოვნის შემთხვევაში, სამინისტრო უზრუნველყოფს „გარემოსდაცვითი შეფასების კოდექსით” გათვალისწინებული დოკუმენტაციის მიწოდებას  ნაბეჭდი სახით.
იხილეთ საჯარო განხილვის წესი 


გაზიარება