საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

სკრინინგის გ ა ნ ც ხ ა დ ე ბ ა - ხობის მუნიციპალიტეტის, სოფ. ყულევში შპს „შავი ზღვის ტერმინალის“ შავი ზღვის სანაპირო ზოლის დაცვისა (ნაპირდაცვა) და სტაბილიზაციის პროექტი

გარემოს დაცვისა და სოფლის მეურნეობის სამინისტროში 2019 წლის 8 ივლისს შპს „შავი ზღვის ტერმინალის“ მიერ გზშ-ს ჩატარების საჭიროების დადგენის მიზნით წარმოდგენილი იყო ”შავი ზღვის სანაპირო ზოლის დაცვისა (ნაპირდაცვა) და სტაბილიზაციის პროექტის“ სკრინინგის განცხადება. აღნიშნული განთავსდა სამინისტროს ოფიციალურ  ვებგვერდზე (იხ. ლინკი - https://mepa.gov.ge/Ge/PublicInformation/13777 ).

2019 წლის 25 ივლისს N 7338/01 წერილის შესაბამისად გარკვეული საკითხების დაზუსტების მიზნით სამინისტრომ მიიღო გადაწყვეტილება ”შავი ზღვის სანაპირო ზოლის დაცვისა (ნაპირდაცვა) და სტაბილიზაციის პროექტზე“ საქართველოს ზოგადი ადმინისტრაციული კოდექსის 83-ე მუხლის საფუძველზე ადმინისტრაციულ წარმოების შეწყვეტის შესახებ.

2019 წლის 6 აგვისტოს შპს „შავი ზღვის ტერმინალმა“ N 7338/01 წერილის შესაბამისად ზემოაღნიშნულ პროექტთან დაკავშირებით წარმოადგინა დაზუსტებული სკრინინგის განცხადება.

დაგეგმილი საქმიანობის სკრინინგის განცხადებასთან დაკავშირებული წერილობითი შენიშვნები და მოსაზრებები შეგიძლიათ წარუდგინოთ  საქართველოს გარემოს დაცვისა და სოფლის მეურნეობის სამინისტროს 2019 წლის 23 აგვისტომდე, მისამართზე: ქ.თბილისი, მარშალ გელოვანის გამზირი N6, ან ელ. ფოსტის მისამართზე : eia@mepa.gov.ge