საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

2019 წლის 22 მარტს შპს „ჭიორა ჰესმა" გარემოსდაცვითი გადაწყვეტილების მიღების მიზნით წარმოადგინა განცხადება, ონის მუნიციპალიტეტში, სოფელ ღებში, მდ. ჩვეშურაზე 15,85 მგვტ სიმძლავრის ჰიდროელექტროსადგურის (ჭიორა ჰესი)  მშენებლობისა და ექსპლუატაციის პროექტის შესახებ”, რომელიც 26 მარტს განთავსდა სამინისტროს ოფიციალურ ვებგვერდზე (იხ. განცხადების ლინკი - http://mepa.gov.ge/Ge/PublicInformation/12486). შესაბამისად შენიშვნებისა და მოსაზრებების მიღების ბოლო ვადად განისაზღვრა 27 მაისი.
კომპანიის მიერ რამდენჯერმე მოხდა სამინისტროს შენიშვნების საფუზველზე დამატებითი ინფორმაციის/დოკუმენტაციის წარმოდგენა.  

2019 წლის 2 სექტემბერს, სამინისტროს 19 აგვისტოს N 8228/01 (იხ. დანართი 1) წერილის პასუხად პროექტზე შპს „ჭიორა ჰესის“ მიერ განმეორებით იქნა წარმოდგენილი ბიომრავალფეროვნებისა და საპროექტო ტერიტორიის საველე კვლევის ანგარიშების დაზუსტებული ინფორმაცია და თანდართული დოკუმენტაცია. აღნიშნულ დოკუმენტაციაში შესაბამისი შესწორებული შენიშვნების შესახებ ინფორმაცია შესაძლებელია იხილოთ წარმოდგენილ განცხადებაში გვერდების მიხედვით. (იხ. დანართი 2)

ზემოაღნიშნულთან დაკავშირებით დამატებით წერილობითი შენიშვნები და მოსაზრებები შეგიძლიათ წარუდგინოთ საქართველოს გარემოს დაცვისა და სოფლის მეურნეობის სამინისტროს 2019 წლის 13 სექტემბრის ჩათვლით, მისამართზე: ქ. თბილისი, მარშალ გელოვანის გამზირი N6, ან ელ. ფოსტის მისამართზე: eia@mepa.gov.ge