საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

სკოპინგის ანგარიშის საჯარო განხილვა - საქართველოს საავტომობილო გზების დეპარტამენტის „აბასთუმნის შემოსავლელი საავტომობილო გზის მშენებლობის პროექტი“

აღნიშნულ პროექტზე საჯარო განხილვა ჩაინიშნა ადიგენის მუნიციპალიტეტში დაბა აბასთუმნის საზოგადოებრივი ცენტრის შენობაში 16 სექტემბერს 14:00 საათზე, (იხ. საჯარო განხილვის ლინკი https://mepa.gov.ge/Ge/PublicInformation/16890), რის შესახებაც ინფორმაცია სამინისტროს ოფიციალურ ვებგვერდზე განთავსდა 27 აგვისტოს, ხოლო 29 აგვისტოს სამინისტროს წერილით ეცნობა ადიგენის მუნიციპალიტეტის მერიას (იხ. წერილი N 8546/01).

საჯარო განხილვის ჩატარების ადგილთან დაკავშირებით დამატებითი ინფორმაციის მოწოდების მიზნით, გაცნობებთ, რომ დაბა აბასთუმნის წარმომადგენლის ინფორმაციით საზოგადოებრივ ცენტრად მოიხსენიებენ ,,აბასთუმნის ფილტვის ცენტრს“, რომლის საზოგადოებრივ დარბაზში ჩატარდება საჯარო განხილვა 2019 წლის 16 სექტემბერს, 14:00 საათზე. 

2019 წლის 21 აგვისტოს საქართველოს საავტომობილო გზების დეპარტამენტმა საქართველოს გარემოს დაცვისა და სოფლის მეურნეობის სამინისტროში წარმოადგინა ადიგენის მუნიციპალიტეტში, „აბასთუმნის შემოსავლელი საავტომობილო გზის მშენებლობის პროექტის სკოპინგის განცხადება. ,,გარემოსდაცვითი შეფასების კოდექსის” თანახმად,  სკოპინგის დასკვნის მიმღებ უფლებამოსილ ორგანოს წარმოადგენს საქართველოს გარემოს დაცვისა და სოფლის მეურნეობის სამინისტრო. აღნიშნულ სკოპინგის ანგარიშთან დაკავშირებით დაბა აბასთუმნის ,,ფილტვის ცენტრის" საზოგადოებრივ დარბაზში გაიმართება საჯარო განხილვა. საჯარო განხილვა ღიაა,  მასში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს.

პროექტის დოკუმენტაციასთან დაკავშირებული  შენიშვნები და მოსაზრებები ასევე შეგიძლიათ წარუდგინოთ სამინისტროს 2019 წლის 17 სექტემბრამდე, მისამართზე: ქ. თბილისი, მარშალ გელოვანის გამზირი N6,  ან ელ. ფოსტის მისამართზე eia@mepa.gov.ge.

გაზიარება