საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

სკრინინგის განცხადება - ყაზბეგის მუნიციპალიტეტში სს ,,საქართველოს სახელმწიფო ელექტროსისტემის’’ 110 კვ ძაბვის (220 კვ გაბარიტებში) ელექტროგადამცემი ხაზის „დარიალის“ ექსპლუატაციის პირობების ცვლილების პროექტი

2019 წლის 31 ივლისს სამინისტროს ოფიციალურ ვებგვერდზე განთავსდა სს ,,საქართველოს სახელმწიფო ელექტროსისტემის’’ 110 კვ ძაბვის (220 კვ გაბარიტებში) ელექტროგადამცემი ხაზის „დარიალის“ ექსპლუატაციის პირობების ცვლილების პროექტის სკრინინგის განცხადება (იხ. განცხადების ლინკი).

მიმდინარე ადმინისტრაციული წარმოების ეტაპზე ხდებოდა გარკვეული საკითხების დაზუსტება და დამატებითი ინფორმაციის წარმოდგენა  (იხ. განცხადების ლინკი).

 

იმ გარემოების გათვალისწინებით, რომ კომპანიამ დააზუსტა გარკვეული საკითხები პროექტთან დაკავშირებით, 2019 წლის 9 ოქტომბერს განმეორებით მომართა სამინისტროს და უზრუნველყო განახლებული სკრინინგის განცხადების წარმოდგენა თანდართული დოკუმენტაციით.
 
შესაბამისად დაგეგმილი საქმიანობის სკრინინგის განცხადებასთან დაკავშირებული წერილობითი შენიშვნები და მოსაზრებები შეგიძლიათ წარუდგინოთ  საქართველოს გარემოს დაცვისა და სოფლის მეურნეობის სამინისტროს 2019 წლის 23 ოქტომბრამდე, მისამართზე: ქ. თბილისი, მარშალ გელოვანის გამზირი N6, ან ელ. ფოსტის მისამართზე: eia@mepa.gov.ge