საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

გარემოზე ზემოქმედების შეფასების ანგარიშის საჯარო განხილვა: ოზურგეთის მუნიციპალიტეტში, მდ. ბახვისწყალზე ჰიდროელექტორსადგურის (ბახვი 2 ჰესი) მშენებლობისა და ექსპლუატაციის პროექტი.

დაგეგმილი საქმიანობის დასახელება - მდ. ბახვისწყალზე ჰიდროელექტორსადგურის  (ბახვი 2 ჰესი) მშენებლობისა და ექსპლუატაციის პროექტი.
დაგეგმილი საქმიანობის განმახორციელებელი:  შპს ,,ბახვი 2“, თბილისი. ვაჟაფშაველას 41/1. 3 სართული.
გარემოზე ზემოქმედების შეფასების ანგარიშის საჯარო განხილვის დრო და ადგილი:  2019 წლის 21 ნოემბერი, 14:00 საათი, ოზურგეთის მუნიციპალიტეტის სოფ. მთისპირის ადმინისტრაციული ერთეულის შენობა. 
საჯარო განხილვის ორგანიზატორი: საქართველოს გარემოს დაცვისა და სოფლის მეურნეობის სამინისტრო

 

2019 წლის 10 ოქტომბერს შპს „ბახვი 2”-მა სამინისტროში წარმოადგინა განცხადება, ოზურგეთის მუნიციპალიტეტში, მდ. ბახვზე ჰიდროელექტორსადგურის  (ბახვი 2 ჰესი) მშენებლობისა და ექსპლუატაციის პროექტზე გარემოსდაცვითი გადაწყვეტილების მიღების თაობაზე. 

“გარემოსდაცვითი შეფასების კოდექსის” თანახმად, გარემოსდაცვითი გადაწყვეტილების მიმღებ უფლებამოსილ ორგანოს წარმოადგენს საქართველოს გარემოს დაცვისა და სოფლის მეურნეობის სამინისტრო.

საჯარო განხილვა ღიაა, მასში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს. 

დაგეგმილი საქმიანობის გარემოზე ზემოქმედების შეფასების ანგარიშთან დაკავშირებული წერილობითი შენიშვნები და მოსაზრებები შეგიძლიათ წარუდგინოთ საქართველოს გარემოს დაცვისა და სოფლის მეურნეობის სამინისტროს 2019 წლის 12 დეკემბრამდე, მისამართზე: ქ. თბილისი, მარშალ გელოვანის გამზირი N6, ან ელ. ფოსტის მისამართზე: eia@mepa.gov.ge

  გაზიარება