საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

განცხადება - ქ. კასპში შპს “ჰაიდელბერგცემენტ ჯორჯიას” ცემენტის ქარხნის ექსპლუატაციის პირობების ცვლილების პროექტის ადმინისტრაციული წარმოების შეჩერების თაობაზე

გაცნობებთ, რომ 2019 წლის 31 ივლისს, სამინისტროს ვებგვერდზე განთავსდა სკრინინგის განცხადება შპს "ჰაიდელბერგცემენტ ჯორჯიას" მიერ, ქ. კასპში,  ცემენტის ქარხნის ექსპლუატაციის პირობების ცვლილების პროექტის შესახებ (იხ. განცხადების ლინკი).

მიმდინარე წლის 14 აგვისტოს სამინისტრომ წერილით (N 8072/01) მიმართა შპს „ჰაიდელბერგცემენტ ჯორჯიას“ საკითხების დაზუსტების მიზნით. აღნიშნულთან დაკავშირებით, მიმდინარე წლის 27 აგვისტოს, შპს "ჰაიდელბერგცემენტ ჯორჯიამ" დამატებით წარმოადგინა დოკუმენტაცია დაგეგმილ პროექტთან დაკავშირებით (იხ. განცხადების ლინკი).

იმის გათვალისწინებით, რომ სამინისტროში კასპის ცემენტის ქარხანაში ექსპლუატაციის პირობების ცვლილებასთან დაკავშირებით წარმოდგენილია ორი განაცხადი (სკრინინგი და სკოპინგი) რომელიც ეხება ერთსა და იმავე საკითხს, სამინისტრო შპს „ჰაიდელბერგცემენტ ჯორჯიას“ მიერ, წარმოდგენილ სკრინინგის განცხადებაზე წყვეტს ადმინისტრაციულ წარმოებას.