საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

განცხადება დაზუსტებული ინფორმაციის წარმოდგენის შესახებ - ქ. ბათუმში, ბაგრატიონის ქ. N97-99-ში არსებული შპს ,,გიო-10’’-ის პოლიეთილენის ნარჩენების გადამამუშავებელი (ნარჩენების აღდგენა) და პლასტმასის მილების დამამზადებელი საწარმოს ექსპლუატაცია

გაცნობებთ, რომ 2019 წლის 24 სექტემბერს სამინისტროს ვებგვერდზე განთავსდა სკოპინგის განცხადება შპს "გიო-10"-ის მიერ, ქ. ბათუმში პოლიეთილენის ნარჩენების გადამამუშავებელი (ნარჩენების აღდგენა) და პლასტმასის მილების დამამზადებელი საწარმოს ექსპლუატაციის პროექტზე (იხ. ლინკი). 2019 წლის 11 ოქტომბერს ბათუმის მერიის შენობაში ჩატარდა აღნიშნული პროექტის საჯარო განხილვა (იხ. ლინკი საჯარო განხილვის ინფორმაციის შესახებ).

ვინაიდან, წარმოდგენილი სკოპინგის ანგარიშის ერთი თავი შეიცავდა უზუსტობებს მიმდინარე წლის 29 ოქტომბერს შპს "გიო-10"-მა სამინისტროში წარმოადგინა დაზუსტებული დოკუმენტაცია აღნიშნულ პროექტთან დაკავშირებით.

დაგეგმილი საქმიანობის დასახელება: პოლიეთილენის ნარჩენების გადამუშავება და პლასტმასის მილების დამზადება;

დაგეგმილი საქმიანობის განმახორციელებელი: შპს ,,გიო-10’’;

დაგეგმილი საქმიანობის განხორციელების ადგილი: ქ. ბათუმი, ბაგრატიონის ქ.N97-99;

დაგეგმილი საქმიანობის სკოპინგის განცხადებასთან დაკავშირებული წერილობითი შენიშვნები და მოსაზრებები შეგიძლიათ წარუდგინოთ საქართველოს გარემოს დაცვისა და სოფლის მეურნეობის სამინისტროს 2019 წლის 25 ნოემბრამდე, მისამართზე: ქ. თბილისი, მარშალ გელოვანის გამზ. N6, ან ელ. ფოსტის მისამართზე: eia@mepa.gov.ge