საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

სკრინინგის განცხადება-გორის მუნიციპალიტეტში, სოფ. ბერბუკის მიმდებარე ტერიტორიაზე, ენერგიის მიღების მიზნით (სათბურის გასათბობად) ღუმელში მეორადი ზეთების გამოყენება (ნარჩენების აღდგენა)

დაგეგმილი საქმიანობის დასახელება: ენერგიის მიღების მიზნით (სათბურის გასათბობად) ღუმელში მეორადი ზეთების გამოყენება (ნარჩენების აღდგენა);

დაგეგმილი საქმიანობის განხორციელების ადგილი: გორის მუნიციპალიტეტი, სოფ. ბერბუკი;

2019 წლის 29 აგვისტოს ი/მ დავით შუბითიძემ სამინისტროში წარმოადგინა გორის მუნიციპალიტეტის სოფ. ბერბუკის მიმდებარედ არსებულ სასათბურე მეურნეობაში, ენერგიის მიღების მიზნით ღუმელში მეორადი ზეთების გამოყენებაზე (ნარჩენების აღდგენა) სკრინინგის განცხადება, რომელიც განთავსდა სამინისტროს ოფიციალურ ვებგვერდზე (იხ. განცხადების ლინკი- https://mepa.gov.ge/Ge/PublicInformation/16906).

მიმდინარე წლის 26 სექტემბერს ი/მ დავით შუბითიძეს გაეგზავნა ხარვეზის წერილი (N 9459/01) დამატებითი დოკუმენტაციის სამინისტროში წარდგენის შესახებ. 

2019 წლის 6 ნოემბერს ი/მ დავით შუბითიძემ სამინისტროში აღნიშნულ პროექტთან დაკავშირებით წარმოადგინა დაზუსტებული სკრინინგის განცხადება, რაზეც სამინისტრომ თავიდან დაიწყო ადმინისტრაციული წარმოება. 

დაგეგმილი საქმიანობის სკრინინგის განცხადებასთან დაკავშირებული წერილობითი შენიშვნები და მოსაზრებები შეგიძლიათ წარუდგინოთ საქართველოს გარემოს დაცვისა და სოფლის მეურნეობის სამინისტროს 2019 წლის 20 ნოემბრამდე, მისამართზე: ქ. თბილისი, მარშალ გელოვანის გამზირი N6, ან ელ. ფოსტის მისამართზე: eia@mepa.gov.ge