საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

სკოპინგის გ ა ნ ც ხ ა დ ე ბ ა - მესტიის მუნიციპალიტეტში, სოფ. იელსი მიმდებარედ, შპს „ოპტიკალ სისტემს ინკ“-ის სასარგებლო წიაღისეულის გადამამუშავებელი (ქვიშრობული ოქროს მომპოვებელი) სწარმოს მოწყობისა და ექსპლუატაციის პროექტი

2019 წლის 30 იანვარს სამინისტროში წარმოადგენილ იქნა მესტიის მუნიციპალიტეტში შპს „ოპტიკალ სისტემს ინკ“-ის სასარგებლო წიაღისეულის გადამამუშავებელი (ქვიშრობული ოქროს მომპოვებელი) საწარმოს მოწყობისა და ექსპლუატაციის პროექტის სკოპინგის ანგარიში, რომელიც განთავსდა სამინისტროს ოფიციალურ ვებგვერდზე (იხ. ლინკი - https://mepa.gov.ge/Ge/PublicInformation/8390). აღნიშნულთან დაკავშირებით სამინისტროს 2019 წლის 7 თებერვლის N 1268/01 წერილის მიხედვით საქართველოს ზოგადი ადმინისტრაციული კოდექსის 83-ე მუხლის საფუძველზე შეჩერდა ადმინისტრაციული წარმოება.

2019 წლის 25 თებერვალს შპს „ოპტიკალ სისტემს ინკ“-მა 2019 წლის 7 თებერვლის N 1268/01 წერილის პასუხად წარმოადგინა განმეორებითი დაზუსტებული სკოპინგის ანგარიში. აღნიშნული განთავსდა სამინისტროს ოფიციალურ ვებგვერდზე (იხ. ლინკი - https://mepa.gov.ge/Ge/PublicInformation/11424). განმეორებით წარმოდგენილ სკოპინგის ანგარიშზე სამინისტრომ გარკვეული ინფორმაციების დაზუსტების მიზნით კვლავ წარუდგინა წერილი (28.03.2019; N3235/01) შპს „ოპტიკალ სისტემს ინკ“-ს, სადაც აღნიშნული იყო რომ სამინისტრო ქვიშრობული ოქროს მომპოვებელი საწარმოს მოწყობა-ექსპლუატაციის პროექტის სკოპინგის ანგარიშთან დაკავშირებით ადმინისტრაციულ წარმოებას განახორციელებს მას შემდეგ, რაც წერილში მოთხოვნილი ყველა შენიშვნის გათვალისწინებით წარმოდგენილი იქნება დაზუსტებული სკოპინგის ანგარიში.

2019 წლის 18 ივნისს 2019 წლის 28 მარტის N 3235/01 წერილის პასუხად შპს „ოპტიკალ სისტემს ინკ“-მა დამატებით წარმოადგინა, "სასარგებლო წიაღისეულის გადამამუშავებელი (ქვიშრობული ოქროს მომპოვებელი) საწარმოს მოწყობისა და ექსპლუატაციის პროექტის" დაზუსტებული სკოპინგის ანგარიში, რომელიც აგრეთვე განთავსდა სამინისტროს ოფიციალურ ვებგვერდზე (იხ. ლინკი - https://mepa.gov.ge/Ge/PublicInformation/13722 ). 2019 წლის წლის 26 ივნისს გარკვეულ საკითხთა კვლავ დაზუსტების მიზნით სამინისტრომ შპს „ოპტიკალ სისტემს ინკ“-ს მიწერა წერილი (N 6451/01), სადაც აღნიშნული იყო რომ სამინისტრო სკოპინგის დასკვნის გაცემის მიზნით ადმინისტრაციულ წარმოებას დაიწყებს მას შემდეგ, რაც კომპანიის მიერ დაზუსტდება წერილში მითითებული  ყველა  საკითხი და სამინისტროში წარმოდგენილი იქნება კანონმდებლობით განსაზღვრული სრულყოფილი ინფორმაცია. 

მიმდინარე წლის 5 ნოემბერს შპს „ოპტიკალ სისტემს ინკ“-მა 2019 წლის 26 ივნისს N 6451/01 წერილში მითითებულ საკითხებთან დაკავშირებით წარმოადგინა დამატებითი ინფორმაცია.

დაგეგმილი საქმიანობის სკოპინგის  განცხადებასთან დაკავშირებული წერილობითი შენიშვნები და მოსაზრებები შეგიძლიათ წარუდგინოთ  საქართველოს გარემოს დაცვისა და სოფლის მეურნეობის სამინისტროს 2019 წლის 2 დეკემბრამდე, მისამართზე: ქ.თბილისი, მარშალ გელოვანის გამზირი N6, ან ელ. ფოსტის მისამართზე : eia@mepa.gov.ge