საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

განცხადება - შპს "შავი ზღვის ტერმინალის" ყულევის ნავთობპროდუქტების საცავების N5 სარეზერვუარო პარკის ექსპლუატაციის პირობების (წარმადობის გაზრდა) შეცვლის პროექტი

გაცნობებთ, რომ 2019 წლის 1 ნოემბერს სამინისტროს  ვებგვერდზე განთავსდა განცხადება შპს "შავი ზღვის ტერმინალის" ყულევის ნავთობპროდუქტების საცავების N5 სარეზერვუარო პარკის ექსპლუატაციის პირობების (წარმადობის გაზრდა) შეცვლის პროექტზე ადმინისტრაციული წარმოების შეჩერების შესახებ გზშ-ის ანგარიშსა და თანდართულ ზედაპირული წყლის ობიექტებში ჩამდინარე წყლებთან ერთად ჩაშვებულ დამაბინძურებელ ნივთიერებათა ზღვრულად დასაშვები ჩაშვების (ზდჩ) ნორმების პროექტზე ხელმოწერებთან დაკავშირებით. 2019 წლის 10 დეკემბერს შპს შავი ზღვის ტერმინალმა სამინისტროში წარმოადგინა შესაბამისი ინფორმაცია, რის საფუძველზეც განახლდა ადმინისტრაციული წარმოება.

დაგეგმილი საქმიანობის დასახელება: ყულევის ნავთობპროდუქტების საცავების N5 სარეზერვუარო პარკის ექსპლუატაციის პირობების (წარმადობის გაზრდა) შეცვლის პროექტი;
დაგეგმილი საქმიანობის განმახორციელებელი: შპს "შავი ზღვის ტერმინალის";
დაგეგმილი საქმიანობის განხორციელების ადგილი: ხობის მუნიციპალიტეტი, სოფ. ყულევი;