გზშ და სგშ განცხადებები
განცხადება - შპს „ჰერეთი ენერჯის” „ფონაჰესის“ (11.66 მეგავატი დადგმული სიმძლავრის ჰიდროელექტროსადგურის) მშენებლობისა და ექსპლუატაციის პროექტის ადმინისტრაციული წარმოების შეჩერების თაობაზე
მიმდინარე წლის 25 სექტემბერს, შპს „ჰერეთი ენერჯიმ“ სამინისტროში წარმოადგინა განცხადება მცირე სიმძლავრის ჰიდროელექტროსადგურის მშენებლობისა და ექსპლუატაციის პროექტის სკოპინგის დასკვნის მიღების თაობაზე. გარემოსდაცვითი შეფასების კოდექსის” თანახმად, სკოპინგის დასკვნის მიმღებ უფლებამოსილ ორგანოს წარმოადგენს საქართველოს გარემოს დაცვისა და სოფლის მეურნეობის სამინისტრო.
2018 წლის 16 ოქტომბერს შპს „ჰერეთი ენერჯიმ“ წერილობით მომართა სამინისტროს ჰიდროელექტროსადგურის დამატებითი ჰიდროლოგიური კვლევების განხორციელების თაობაზე და მოითხოვა ადმინისტრაციული წარმოების შეჩერება.
აღნიშნულიდან გამომდინარე სამინისტრომ მიიღო გადაწყვეტილება რომ შეჩერდეს ადმინისტრაციული წარმოება.