გზშ და სგშ განცხადებები
განცხადება ადმინისტრაციული წარმოების შეჩერების თაობაზე-ქ. რუსთავში შპს „რუსთავის აზოტის“ მიმდინარე საქმიანობის (ქიმიური მრეწველობა) ექსპლუატაციის პირობების ცვლილების პროექტი
2020 წლის 24 იანვარს სამინისტროს ოფიციალურ ვებგვერდზე განთავსდა ქ. რუსთავში შპს „რუსთავის აზოტის“ მიმდინარე საქმიანობის (ქიმიური მრეწველობა) ექსპლუატაციის პირობების ცვლილების პროექტის სკოპინგის განცხადება და სკოპინგის ანგარიში (იხ. განცხადების ლინკი).
გაცნობებთ, რომ სსდ გარემოსდაცვითი ზედამხედველობის დეპარტამენტის მიერ განხორციელდა სს „რუსთავის აზოტის“ კუთვნილი ქიმიური საწარმოს ექსპლუატაციაზე გაცემული 2008 წლის 11 დეკემბრის N43 ეკოლოგიური ექსპერტიზის დასკვნის პირობებისა და გარემოს დაცვის სფეროში მოქმედი კანონმდებლობით დადგენილი ნორმების შესრულების მდგომარეობის გეგმიური შემოწმება, რის შედეგადაც გამოვლენილი იქნა რიგი დარღვევები. სსდ გარემოსდაცვითი ზედამხედველობის დეპარტამენტის მიერ განხორციელებული ინსპექტირების საფუძველზე სს „რუსთავის აზოტის“ ქიმიური საწარმოზე გაცემული გარემოსდაცვითი გადაწყვეტილებით განსაზღვრული პირობების შესრულების მიზნით, სამინისტრომ უნდა უზრუნველყოს გონივრული ვადების დადგენა.
ზემოაღნიშნულის გათვალისწინებით,ადმინისტრაციული წარმოება სკოპინგის დასკვნის გაცემის მიზნით მოქმედი კანონმდებლობის შესაბამისად გაგრძელდება მას შემდეგ, რაც სამინისტრო უზრუნველყოფს გარემოსდაცვითი გადაწყვეტილებით განსაზღვრული პირობების შესრულების მიზნით გონივრული ვადების განსაზღვრას.