საქართველოს გარემოს დაცვისა და სოფლის მეურნეობის სამინისტრო საქართველოს გარემოს დაცვისა და სოფლის მეურნეობის სამინისტრო

მიმდინარე წლის 15 ოქტომბერს საქართველოს საავტომობილო გზების დეპარტამენტმა გარემოს დაცვისა და სოფლის მეურნეობის სამინისტროში წარმოადგინა განცხადება „საჩხერე-ქვემო ხევი-უზუნთა-შქმერი-ზუდელის 29.5კმ-40.9კმ მშენებლობა რეკონსტრუქციისა და ექსპლუატაციის პროექტზე სკოპინგის დასკვნის მიღების თაობაზე.

“გარემოსდაცვითი შეფასების კოდექსის” თანახმად, სკოპინგის დასკვნის მიმღებ უფლებამოსილ ორგანოს წარმოადგენს საქართველოს გარემოს დაცვისა და სოფლის მეურნეობის სამინისტრო.

აღნიშნულ სკოპინგის ანგარიშთან დაკავშირებით, 2018 წლის 5 ნოემბერს, ონის მუნიციპალიტეტის სოფელ შუა შქმერში (ადმინისტრაციული ერთეულის შენობა)  დაგეგმილი იყო საჯარო განხილვა (იხ. ლინკი http://mepa.gov.ge/Ge/PublicInformation/194)

საზოგადოების ინფორმირებისა და ჩართულობის მიზნით, საჯარო განხილვა ნაცვლად 5 ნოემბრისა, გაიმართება 8 ნოემბერს, 17:00 საათზე. ასევე გადაიწია საზოგადოების მხრიდან შენიშვნების წარმოდგენის ვადამ - 15 ნოემბრამდე.

საჯარო განხილვა ღიაა, მასში მონაწილეობის, ასევე შენიშვნებისა და მოსაზრებების წარდგენის უფლება აქვს საზოგადოების ნებისმიერ წარმომადგენელს.

საჯარო განხილვის ორგანიზატორი: საქართველოს გარემოს დაცვისა და სოფლის მეურნეობის სამინისტრო.

დაგეგმილი საქმიანობის განმახორციელებელი: საქართველოს საავტომობილო გზების დეპარტამენტი

დაგეგმილი საქმიანობის სკოპინგის ანგარიშის საჯარო განხილვის დრო და ადგილი: 2018 წლის 8 ნოემბერი 17:00 საათი, ონის მუნიციპალიტეტში სოფელ შქმერის (შუა შქმერი) ადმინისტრაციული ერთეულის შენობა

დაგეგმილი საქმიანობის სკოპინგის ანგარიშთან დაკავშირებული წერილობითი შენიშვნები და მოსაზრებები შეგიძლიათ წარუდგინოთ საქართველოს გარემოს დაცვისა და სოფლის მეურნეობის სამინისტროს არაუგვიანეს 2018 წლის 15 ნოემბრისა, მისამართზე: ქ.თბილისი, მარშალ გელოვანის გამზირი N6, ან ელ. ფოსტის მისამართზე : eia@mepa.gov.ge